Marko 7:15 - Katɔti Ɔku Kedee

¹⁵ Lɛla biala lɛni na ukyuli ɔ́di na líduo-nwu lɛlɔ kemmo ni, lilaya na uusé lɛlɔ na Katɔti anumi.

Marko 7:15 Referans Kwoze

Agba 4:23

Na lɛla lɛni ntulo ƒui ni, da ƒula kayi kemodi kammɔ kaduɛ, ɔsika ngba libiɔ lɛni mɔɔyu ntu kadi.

Tito 1:15

Lɛla biala lise kedee lite bekyuli bani alati nse kedee. Nsu bekyuli bani ndi bekyuli bekpidi na balaƒɔ taadi ni, lɛla biala liiise kedee, ɔsika bana kasusu kemmo kéyi ku ala ekpidi, na basɔ balanu lɛbuni ku likpidi taati.

Hebriƒuɔ 13:9

Bitaƒɔ lɛla bamba lɛni na ukyuli ɔdi watina-mii bitadi. Katɔti lɛƒɔndia mɔɔyá na bɛɛkya kayi ɔkplu, na ɔɔɔdi ɔda bubo bɔni ndanku adila bɔdi kama bɔsia. Bekyuli bani mɔɔsia ala ammɔ kama ni, balakɛ kɔsia kɔdi.

Hebriƒuɔ 9:10

Ɔsika ala ammɔ ƒui adanku bɔdi ku bɔni ku lɛlɔ bɔƒɔ ɔdi na lilu bun bun lɛlɔ. Na adi ɔlɔna lɛlɔ ɔda bubo bɔni ndubɔbla kabla ɔƒɛni wetédu ka ulu ɔwɔdi ɔmmɔ úbo.

Mateo 12:34

Bɛdi bekyuli bekpidi geen aani balakpi! Na ala abuni adi alalɛ-mii kenye! Ala ani nkya ukyuli kasusu kemmo kani na uudie keyi.

Romaƒuɔ 14:17

Ɔsika Katɔ Ɔga Ɔma ni, ɔɔɔdanku bɔdi ku bɔni. Mmomu ɔdanku lɛlɔ bɔbla siin ku keyi buɛɛ ku lɛlɔyɔ na Katɔti Kɔyu kemmo.

Korintoƒuɔ 1 10:25

Ebo kuƒi na eye lɛna lɛdi biala na beeyé na kuye na akun. Na ɔɔɔdi ka eye lɛla lɛdi enu na ati si lɛna lɛmmɔ lise kedee iye liiise.

Batalane Kabla 10:28

Na Petro ɔ́su-ma ɔnini, “Bɛgyi ka bula Yudaƒuɔ ɔda bubo útete-mi kuƒi ka nka liduo ukyuli ɔni naaadi bula kadi ukyuli ɔdi kesii iye liti lɛlɔ lɛmana-nwu lɛlɔ. Nsu Katɔti údie ɔ́tina-mi ka ntanu ukyuli ɔdi aani ukyuli keeke.

Mateo 15:16

Na Yesu ɔ́su-ma ɔnini, “Ɔmu use amii lɛnɔ susuusu aani bana kalɛ kani?

Marko 7:14

Ɔmmɔ kama ni, Yesu ɔ́sɔ ɔ́lɔ bekyuli lisu lɛmmɔ ɔnii bakpɛ bede-nwu. Amu na ɔ́su-ma ɔnini, “Bina ƒui bise atu na binu.

Marko 7:16

Mmomu ni, lɛla lɛni nálɛ-nwu kayi kemmo ni, ani ndi lɛla lɛni mɔɔyá na uusé lɛlɔ.”