Marko 6:51 - Katɔti Ɔku Kedee

⁵¹ Amu na ɔ́kɔ úduo-ma kudɔ na ɔkɔlɔ ɔmmɔ kemmo, na ɔƒɛƒɛɛ ɔmɛni ɔ́da bukpo ɔ́ya. Ɔmɛni ɔ́bla nwuna batɛyane dɛye dɛye!

Marko 6:51 Referans Kwoze

Marko 4:39

Yesu ɔ́ta únye na údie lɛdi na ɔ́su ɔnini, “Ɔƒɛƒɛɛ, da bukpo ya!” Na ɔ́sɔ ɔ́su ntu lɛnɔ ɔnini, “Ntu, bla buɛɛ.” Amu na ɔƒɛƒɛɛ ɔ́da bukpo ɔ́ya, na ntu anumi ƒui bɔ́bla kpoo.

Yohane 6:21

Amu na lɛlɔ lɛ́yɔ-ma! Na ka Yesu ɔ́kɔ úduo ɔkɔlɔ kemmo ni, bánu ka béduo likpo lɛni bésela kɔnakunwi.

Marko 7:37

Na bekyuli bani ƒui nénu ala ammɔ ni, ɔ́bla-ma yaa! Na básu lɛlɔ banini, “Ɔɔbla ala ani ƒui kaduɛ sɔsɔ! Ɔɔyá na bamumu baatɛmi, na batutine lɛnɔ beenú!”

Marko 6:32

Amu na bésie bétéduo ɔkɔlɔ kemmo banii beteesie kesi kani na bekyuli beeebo.

Marko 5:42

Kɔnakunwi ulekubi ɔni náaƒɔ akwa leevu-anyɔ mɛni ɔ́ta únye na ɔkɛ uusié taavi. Ka lɛla lɛmɛni líbo lɛni ni, ɔ́bla bana ƒui yaa!

Marko 4:41

Nsu liƒu lɛni mɔɔda-ma ɔsu ni, bakya beeye lɛlɔ banii, “Ɔma geen na ukyuli ɔmɛni ɔdi? Na ntu ku ɔƒɛƒɛɛ ƒui beenú-nwu litemi!”

Marko 2:12

Na ɔnana ɔmɛni ɔ́ta kɔnakunwi na úti nwuna lɛtala na úsie ɔ́vi bekyuli bani nnye mmɔ akɔ, na ɔ́tɔlɔ úsie nwuna kesii. Ɔmɛni ɔ́bla bekyuli bani nnye mmɔ ƒui kalɛ kadi. Na bátakɔsi Katɔti bumwi. Bana ƒui básu banii bátanu lɛla lɛmɛni udu kudii!

Marko 1:27

Ɔ́bla bekyuli bani nnye ƒui yaa na béye lɛlɔ banii, “Bi litemi lɛdi mɛni? Bi bɔkpa bɔwɔdi udu na bɔmɛni bɔdi? Ukyuli ɔmɛni ubo ɔyikun ɔni na ɔɔtɛmi ku ayu ekpidi na eenú-nwu litemi!”

Mateo 8:10

Ka Yesu únu ɔmɛni ni, ɔ́bla-nwu kalɛ kadi na ɔ́su bekyuli bani nsiaku-nwu mmɔ ɔnini, “Mɔɔsu-mii geen ka na Israelƒuɔ akɔ muedi ni, ńtanu tɔ bɔƒɔtaadi bɔmɛni udu.