Marko 6:41 - Katɔti Ɔku Kedee

⁴¹ Amu na Yesu úti bodobodo ku kɔkpaku kɔmɛni na ka ɔ́nu katɔ laa ni, ɔ́gya Katɔti enu na ɔ́bwɛ bodobodo ku kɔkpaku kɔmɛni. Na úti úte nwuna batɛyane ɔnii bele bete esu esu ammɔ ƒui.

Marko 6:41 Referans Kwoze

Mateo 14:19

Na ɔ́su bekyuli bammɔ ƒui ɔnii belie kalɔ na livo lɛmmɔ lɛlɔ mmɔ. Amu na úti bodobodo ɛlɔ ku kɔkpaku inyɔ bɔmmɔ na ɔ́talaku anumi ɔ́nu katɔ na ɔ́gya Katɔti enu. Na ɔ́bwɛ bodobodo ɔmmɔ kɔkɛ kɔkɛ úte nwuna batɛyane. Na batɛyane bammɔ lɛnɔ béti béte bekyuli bammɔ.

Marko 7:34

Amu na Yesu ɔ́talaku anumi ɔ́nu katɔ na údumo geen, na ɔ́su ɔnana ɔmmɔ ɔnini, “Heƒata,” ɔni kalɔ ndi “Lɛmi!”

Luka 24:30

Úlie kalɔ ɔnii ɔɔdiku-ma. Na úti bodobodo na ɔ́gya Katɔti enu, na ɔ́bwɛ-nwu kemmo na úti úte-ma.

Luka 9:16

Yesu úti bodobodo ɛlɔ ku kɔbɛ inyɔ bɔmmɔ na ɔ́kɔliku anumi ɔ́nu katɔ. Amu na ɔ́gya Katɔti enu úte-ma, na ɔ́bwɛ-nwu kɔkɛ kɔkɛ na úti úte nwuna batɛyane ɔnii beti bele bete bekyuli bammɔ.

Samuel 1 9:13

Na si bíduo ɔma ɔmmɔ kemmo kani ni, bɛdubo-nwu bɔnu asa na weti wataakɔ utádi na kesii kani na lɛkpabi lɛmmɔ linye. Na bekyuli bammɔ baaadubo bɔdi tɔ wetédu uwi ɔni na úbo, ɔsika anwu na ɔdi ka úti enu ɔ́sia adila ammɔ lɛlɔ úwi-nya kusɛ kusɛ, asa bekyuli bani na bálɔ béboku mmɔ bese kalɔ ku bɔdi. Bɛkɔ bisie mmɔ, na bɛdubɔkana na bɛnu-nwu uwi ɔmɛni lɛlɔ.”

Korintoƒuɔ 1 10:31

Nsu nyimo ka lɛla biala na ɔdi aabla iye aadi iye aaní ni, ɔlɛka abla ana ƒui kalɛ na eti ɔbu ete Katɔti.

Yohane 17:1

Ka Yesu ɔ́su-ma ala amɛni ɔ́wɔlɔ ni, ɔ́kɔliku anumi ɔ́nu katɔ na ɔ́su ɔnini, “Ati, uwi ɔmmɔ údu. Kɔliku ami ƒ'ubidi katɔ kalɛ na ami lɛnɔ lɛ́kɔliku ƒula lɛnyi katɔ.

Yohane 11:41

Amu na Bekyuli bammɔ béliiku lɛtabi lɛmmɔ bédie ubu ɔmmɔ kenye. Na Yesu ɔ́nu katɔ na ɔ́su ɔnini, “Ati, mɔɔgyá-a enu, ɔsika aatuna teete-mi si lɛ́kpali-ɔ.

Marko 14:22

Uwi ɔni na badaku bɔdi ni, Yesu úti bodobodo ɔdi. Na ka ɔ́gya Katɔti enu ɔ́wɔlɔ ni, ɔ́bwɛ-nwu kɔkɛ kɔkɛ na úle úte nwuna batɛyane. Na ɔ́su-ma ɔnini, “Bɛƒɔ ɔmɛni na bɛdi. Ɔmɛni ndi mina ɔlɔna.”

Koloseƒuɔ 3:17

Na lɛla biala lɛni na bɛɛsu iye bɛɛbla kemmo ni, bɛbla-ni na Blɔti Yesu lɛnyi kemmo. Na bitaagya Katɔti enu taasiaku Blɔti Yesu lɛlɔ.

Romaƒuɔ 14:6

Ukyuli ɔni mɔɔbu limeyi lɛdi ni, Blɔti na uute ɔbu. Na ukyuli ɔni na adila adi lɛnɔ na ɔɔdi ni, Blɔti na uute ɔbu, ɔsika ɔ́gya Katɔti enu na ana lili. Na ukyuli ɔni néni na uládi adila adi lɛnɔ ni, ɔɔbla lɛni teeti taabu Blɔti. Na ɔɔgyá Katɔti enu.

Yohane 6:23

Uwi ɔmmɔ kemmo ni, lɛkɔlɔ bamba lɛni nási Tiberia líbo líbedi línye-ma kudɔ na kesii kani na Yesu úti bodobodo úte-ma na bádi mmɔ uwi ɔni na Blɔti ɔ́gya Katɔti enu ɔ́wɔlɔ kemmo.

Yohane 6:11

Amu na Yesu úti bodobodo ɔmmɔ na ka ɔ́gya Katɔti enu ni, úle-nwu úte bani ƒui nlie kalɔ mmɔ. Lɛni kani na úti kɔkpaku lɛnɔ úle úte-ma kalɛ na baawia na bádi bémo.

Mateo 26:26

Uwi ɔni na Yesu ku nwuna batɛyane belie baadi ni, úti bodobodo. Na ka ɔ́gya Katɔti enu ni, ɔ́bwɛ-nwu kɔkɛ kɔkɛ na úle-ku úte-ma. Ɔ́su ɔnini, “Bɛƒɔ ɔmɛni na bɛdi. Ɔmɛni ndi mina ɔlɔna.”

Mateo 15:36

Na úti bodobodo maatɛ ku kɔkpaku kɔmmɔ na ɔ́gya Katɔti enu, na ɔ́bwɛ ɔdi biala kɔkɛ kɔkɛ na úti úte nwuna batɛyane. Na ama lɛnɔ béle-nwu béte bekyuli bammɔ.

Lɛkpa Ulu 8:10

Si bɛ́di na bímo ni, binyimo na biti linugya bite bina Unwoti Katɔti ɔkɛnku kalɔ kabuni kani na úti úte-mii ɔsu.

Batalane Kabla 27:35

Amu na Paulo úti bodobodo ɔdi, na ka ɔ́gya Katɔti enu na bana ƒui anumi mmɔ ni, ɔ́ƒɛ ɔdi na úti ɔ́di.

Marko 6:40

Anwuɔsu bekyuli bamɛni ƒui bélie kalɔ esu esu. Na esu adi ábla aani eti anyɔ, na adi lɛnɔ ábla aani liti.

Marko 6:42

Bana akɔ ɔdi biala ɔ́di na úmo, ɔsika Yesu ɔ́ya adila amɛni émomo ébu.

Marko 8:19

Bítanu uwi ɔni na lɛ́ƒɛ bodobodo ɛlɔ líte nkyuli mpim ɛlɔ na bádi? Kɔgyigyɛ ɛlɛ na kɔkɛ wɛlɛ wɛlɛ kɔni nébu kúyi?” Básu-nwu banii, “Kɔgyigyɛ leevu-inyɔ.”