Marko 6:32 - Katɔti Ɔku Kedee

³² Amu na bésie bétéduo ɔkɔlɔ kemmo banii beteesie kesi kani na bekyuli beeebo.

Marko 6:32 Referans Kwoze

Marko 6:45

Kɔnakunwi ni, Yesu ɔ́ya na nwuna batɛyane bákɔ béduo ɔkɔlɔ kemmo ɔnii bataatɔ ɔma ɔni baalɔ Betsaida na ɛpu ɔmmɔ ɔvi ngye kemmo. Na anwu ɔ́ya na bekyuli pii bamɛni lɛnɔ bégyingya.

Marko 4:36

Anwuɔsu bátɔlɔ bekyuli lisu lɛmɛni kudɔ na bétéduo ɔkɔlɔ ɔdi kemmo na Yesu úuduo úlie kalɔ kemmo, na bétiku-nwu báviaku. Lɛkɔlɔ lɛbambadi lɛnɔ lisie mmɔ.

Marko 3:9

Lebo lɛmmɔ ka Yesu ɔ́ɔbwi bekyuli pii ɔsu ni, balɛne pii baanwanɛ lɛlɔ ka bebetuku-nwu na lɛlɔ lɛyu-ma ɔkplu. Anwuɔsu Yesu ɔ́su nwuna batɛyane ɔnii bawia ɔkɔlɔ ɔdi bebese ketudɔ kalɛ na si bekyuli bammɔ beemomo taavili ni, na ɔkɔ uduo-nwu kemmo.

Marko 6:33

Nsu uwi ɔni na bésela ni, bekyuli babambadi pii bánu-ma báti, na békeli bakɛ lɛgba batɔ na bétéduo asa na Yesu ku nwuna batɛyane bébedu mmɔ.

Marko 6:51

Amu na ɔ́kɔ úduo-ma kudɔ na ɔkɔlɔ ɔmmɔ kemmo, na ɔƒɛƒɛɛ ɔmɛni ɔ́da bukpo ɔ́ya. Ɔmɛni ɔ́bla nwuna batɛyane dɛye dɛye!

Yohane 6:1

Na ɔmmɔ kama ni, Yesu ɔ́via ɛpu ɔni baalɔ banii Galilea Ɛpu na básɔ baalɔ-nwu Tiberia Ɛpu úsie nwuna ɔvi unyɔdi.