Marko 6:15 - Katɔti Ɔku Kedee

¹⁵ Badi lɛnɔ baasu banii, “Anwu ndi Elia.” Babambadi lɛnɔ básu ka, “Kenye udiene na ɔdi, use aani Katɔti kenye bediene bakukudi bammɔ kemmo unwi.”

Marko 6:15 Referans Kwoze

Mateo 21:11

Na bekyuli bamba bédie kenye banini, “Ɔmɛni ndi Katɔti Kenye Udiene Yesu ɔni nási Nasaret na Galilea kalɔ lɛlɔ!”

Marko 8:28

Básu-nwu banini, “Badi baasu banii awɔ ndi Ntu Ɔkpilane Yohane. Na badi lɛnɔ baasu banii awɔ ndi Elia. Na babambadi lɛnɔ baasu banii adi Katɔti kenye bediene bammɔ kemmo unwi.”

Mateo 16:14

Bédie kenye banii, “Badi banii awɔ ndi Ntu Ɔkpilane Yohane. Na badi lɛnɔ banii awɔ ndi Katɔti Kenye Udiene Elia. Na babambadi lɛnɔ baasu banii awɔ ndi Yeremia iye Katɔti kenye bediene bammɔ akɔ ɔbambadi ɔdi.”

Malakai 4:5

“Ami, Unwoti, líse kenye ka ndubɔya na Kenye Udiene Elia ɔsɔ ubo asa na ɔgbankpi limeyi lɛmmɔ libedu.

Yohane 9:17

Amu na Ƒarisiƒuɔ bammɔ básɔ béye ɔnana ɔmmɔ banini, “Ka aasu anii anwu nábwi-ɔ lɛnumbwɛ ni, bi na awɔ ɔlati aasu taasiku ukyuli ɔmmɔ lɛlɔ?” Amu na ɔnana ɔmmɔ údie kenye ɔnini, “Katɔti kenye udiene na ɔdi.”

Yohane 7:40

Ka bénu etemila amɛni ni, bana badi básu banii, “Sɔsɔ ukyuli ɔmɛni ndi Katɔti Kenye Udiene ɔmmɔ.”

Yohane 6:14

Amu ka bekyuli bammɔ bánu akɔla budie taatina bɔmɛni ni, básu banini, “Sɔsɔ anwu ndi Katɔti Kenye Udiene ɔni mebo kayawi.”

Yohane 1:25

Anwuɔsu béye-nwu banini, “Si aaadi bekyuli bani na Katɔti ɔ́su úse ka badubo akɔ unwi aani Ukyuli Ɔƒunadi, iye Elia, iye Kenye Udiene ɔmmɔ ni, bi ɔsu na aabla ketu kemmo ntu bɔkpila ɔdi ɔmɛni?”

Yohane 1:21

Bakpane bammɔ básɔ béye-nwu banini, “Amu ɔma na adi? Katɔti Kenye Udiene Elia na adi?” Údie kenye ɔnini, “Ɔɔɔdi anwu na ndi.” Béye-nwu banii, “Na awɔ ndi Kenye Udiene ɔni básu bése ka ɔdubo?” Na ɔ́sɔ ɔ́su-ma ɔnini, “Oowo.”

Luka 9:19

Amu na bédie kenye banii, “Badi baasu banii awɔ ndi Ntu Ɔkpilane Yohane. Na badi lɛnɔ banii awɔ ndi Elia. Na badi lɛnɔ baasu taatina banii Katɔti kenye bediene bakukudi bammɔ akɔ unwi násɔ únwini úbo uli ngba.”

Luka 9:8

Na babambadi lɛnɔ baasu banii Elia násɔ únwini úbo. Na badi lɛnɔ banii Katɔti kenye bediene bakukudi bammɔ akɔ unwi násɔ úbo uli ngba.

Luka 7:39

Ka Ƒarisini ɔni nálɔ Yesu bɔdi ɔ́nu ɔmɛni ni, ɔ́bla kasusu ɔnii, “Si ukyuli ɔmɛni ɔdi Katɔti kenye udiene geen ni, nka ɔlɛka ɔnu ɔti uleku ɔni udu nébo uutuku-nwu mɛni, na ɔti lɛyalɛ ngba bɔni lɛnɔ na ulie!”

Luka 7:16

Bekyuli bammɔ ƒui báyia geen, na bémwi Katɔti. Ɔmɛni ɔsu básu banini, “Katɔti kenye udiene ɔni náƒɔ kuye geen ɔ́da ɔ́lɛ-bu akɔ! Katɔti ɔ́yu úbo ɔnii ubedie nwuna bekyuli!”

Luka 1:17

Anwu ndubɔka Blɔti bubo na ɔyikun ku kayi buse kemmo aani kalɛ na Katɔti Kenye Udiene Elia úse kalɛ. Na anwu ndubo bebi ku bati bɔsɔku bɔsala. Na ɔdubunwini batuɔkplune kasusu úboku kasusu kedee bɔbla lɛlɔ. Ɔmɛni ndubɔya na Blɔti bekyuli benye kagyumana bete-nwu.”

Marko 6:16

Nsu uwi ɔni na Herode únu etemila amɛni ni, anwu lɛnɔ ɔ́su ɔnini, “Yohane ɔni kuli na lɛ́ya na békulo ni, anwu násɔ ɔ́ta úbo uli ngba!”