Marko 6:14 - Katɔti Ɔku Kedee

¹⁴ Lebo lɛmɛni ni, Ɔga Herode uunú amɛni bene ƒui, ɔsika Yesu lɛnyi liigyingya kesi kesii. Bekyuli badi baasu ka, “Yohane ɔni ndi ntu ɔkpilane násɔ úbo uli ngba! Anwuɔsu na úbo ɔyikun ɔni na ɔɔbla akɔla!”

Marko 6:14 Referans Kwoze

Luka 13:31

Na uwi ɔmmɔ kemmo ni, Ƒarisiƒuɔ badi bébo Yesu kudɔ na bábasu-nwu banii, “Babla na avi alɛ mɛni kɔnakunwi eteesie likpo bamba, ɔsika Ɔga Herode ɔɔwia ka ɔdu-ɔ.”

Luka 3:1

Na lɛkwa leevu-lɛlɔndi lɛni na Ɔga Unengudi Kaesare Tiberio ɔɔdi lɛga ni, Kenye Udiene Yohane ɔni ndi Sakaria ubidi ɔ́kɛ linyesia lɛdi ɔ́siku Katɔti kudɔ uwi ɔni na uli ketele kemmo. Na Pontio Pilato ɔɔtɔnku aban na Yudea kalɔ lɛlɔ. Na Herode ɔɔdi Galilea kalɔ lɛlɔ. Na uwi ɔmmɔ kani kemmo ni, Herode ɔnwani Ƒilipo lɛnɔ ɔɔdi kalɔ kani baalɔ Iturea ku Trakoniti kalɛkɛ lɛlɔ. Na Lɛlɔ Ɔdine Lisania lɛnɔ ɔɔdi Abilene kalɔ lɛlɔ. Na uwi ɔmɛni kemmo ni, Hana ku Kaiaƒa badi Katɔti bakpane benengudi.

Marko 8:28

Básu-nwu banini, “Badi baasu banii awɔ ndi Ntu Ɔkpilane Yohane. Na badi lɛnɔ baasu banii awɔ ndi Elia. Na babambadi lɛnɔ baasu banii adi Katɔti kenye bediene bammɔ kemmo unwi.”

Marko 1:45

Nsu ka ukyuli ɔmɛni úsela ni, úse kalɔ ɔɔva taasu kalɛ na Yesu ɔ́bwi-nwu. Na ɔmɛni ɔsu ni, Yesu útakana na uduo ɔma ɔdi kemmo, ɔsika bekyuli pii beebo-nwu kudɔ. Ɔmɛni ɔsu Yesu ɔ́ƒɔ lɛlɔ ɔkya alakpi akɔ. Nsu bekyuli básɔ bási ekpo ekpo bébo-nwu kudɔ mmɔ.

Marko 1:28

Anwuɔsu Yesu lɛlɔ litemi lígyingya na Galilea kalɔ lɛlɔ ƒui.

Mateo 9:31

Nsu ka bási mmɔ ni, bébo litemi lɛmɛni kudu na kalɛkɛ kammɔ lɛlɔ ƒui ɔ́si Yesu lɛlɔ.

Ala Alɛdi 2 26:15

Na nwuna bakywɛɛne babuni bani na ubo ku kabla lidu bamba bablane bani na bebo kasusu geen béti abuala bábla ekpola ani alati mɔɔkana na eebó atula ku atabi taasiaku bekisine. Na Usia úti abuala amɛni ɔ́lɛ Yerusalem na kesii kani bene na ɔ́tu ɔma kɔgyumanakɔ kpakplaa kɔmmɔ únyene mmɔ. Katɔti ɔ́ya na Usia ɔyikun ku lɛnyi lɛ́ku lísie ɔgyu geen na kɔlɔ ƒui bekyuli akɔ.

Ala Alɛdi 2 26:8

Na Amonƒuɔ muedi bátaaƒɔ lɛlɔ ɔdine kuyi teete Usia aani nwuna kalɔ bakyane kalɛ. Nwuna lɛnyi ku ɔyikun ɔni na ubo úsie ɔgyu geen ɔni na Egyipteƒuɔ bani na bakya ɔgyu kakaaka muedi bénu-nwu kɔku.

Luka 9:19

Amu na bédie kenye banii, “Badi baasu banii awɔ ndi Ntu Ɔkpilane Yohane. Na badi lɛnɔ banii awɔ ndi Elia. Na badi lɛnɔ baasu taatina banii Katɔti kenye bediene bakukudi bammɔ akɔ unwi násɔ únwini úbo uli ngba.”

Hebriƒuɔ 2:4

Katɔti ɔlati lɛnɔ údie ɔ́tina-bu nwaa ka litemi lɛmɛni lɛdi litemi geen ɔkɛnku akɔla budie taatina lidu lidu ku Katɔti Kɔyu etela lidu lɛni na úle ɔ́kya bekyuli kemmo na nwuna bɔyɔ kenye.

Luka 7:17

Yesu lɛlɔ litemi lɛmɛni lɛ́ku lɛ́vi Yudea kalɔ kammɔ ku amadɔ ƒui.