Marko 6:11 - Katɔti Ɔku Kedee

¹¹ Si bídu ɔma ɔdi na bekyuli bammɔ bátaƒɔ-mii iye banii belenu bina litemi ni, bɛtɔlɔ na biveli bina lɛgba kalɔ ɔtumu bíwi-ma. Ɔmɛni ɔdubɔtina ka ɔma ɔmmɔ bekyuli béni-mii. Anwuɔsu lɛla lɛdi biala mebo ni, bana litemi lɛdi.”

Marko 6:11 Referans Kwoze

Batalane Kabla 18:6

Amu uwi ɔni na Yudaƒuɔ bamɛni báta bénye-nwu lɛlɔ na beetemi enyekpi taasiku Yesu lɛlɔ ni, Paulo úveli enu úwi-ma, na ɔ́su-ma ɔnini, “Si bɛ́yii ni, mina kɔnu, mina ɔgba uuubo-nwu kemmo. Ɔ́si ɔƒaani ni, lísela bekyuli bani naaadi Yudaƒuɔ kudɔ ntásu-ma litemi buni lɛmɛni.”

Nehemia 5:13

Amu na lídie kɔdi kɔni nda-mi kavobi na lɛ́kuna-ku na lɛ́su nnini, “Lɛni na Katɔti ɔdubo bɔkuna bina akɔ ɔdi biala ɔni naaadi nwuna linyese lɛlɔ.” Na lɛ́sɔ lɛ́su nnini, “Katɔti ɔdubɔƒɔ bina kɔduli ku bina lɛla biala lise-mii ku lɛla lɛni nébu-mii.” Na ukyuli biala ɔni nése mmɔ ɔ́su ɔnii, “Ɔsia lɛni!” Na bana ƒui bémwi Unwoti. Na bekyuli bammɔ bábla aani kalɛ na básu.

Yuda 1:7

Na Sodom ku Gomora ku lɛma lɛni náka lɛ́mana-ma lɛnɔ ni, bátakana lɛlɔ bɔda na bábla lɛyalɛ ku ala ekpidi bamba. Katɔti úti ogya ɔ́kyula-ma kalɛ na abu bɔnu bɔtɛya.

Yohane 1 4:17

Na ulu ɔmɛni lɛlɔ na bɔyɔ búdu bɔ́wɔlɔ na bula akɔ. Ɔmmɔ ɔsu na bɔdubɔkana na bunye Katɔti anumi na litemi bɔtɛ limeyi lɛmmɔ lɛlɔ ku kayi buse. Ɔsika kalɛ na Kristo use ni, lɛni kani na buse na kayawi kamɛni kemmo.

Petro 2 3:7

Na litemi lɛni lɛlɔ na ɔkɛ údie katɔ ku kalɔ ƒui ni, litemi lɛmmɔ kani na úti ɔda kayawi kammɔ use ute uwi ɔni na ɔdubɔkyula-ka ku ogya. Na Katɔti ɔ́bla lɛni úse úte limeyi lɛni na ɔdubɔtɛku bekyuli bekpidi litemi na ɔkyula-ma.

Petro 2 2:9

Ɔmɛni ɔɔtina ka Katɔti ɔgyi kalɛ na udie bekyuli babuni ɔlɛku ala ani muukpóku-ma kemmo na ɔda bekyuli bekpidi use ute uwi ɔni na ɔdubɔni-ma kɔtu na litemi bɔtɛ limeyi lɛmmɔ lɛlɔ.

Petro 2 2:6

Na Sodom ku Gomora lɛnɔ ni, Katɔti ɔ́du-ma kɔtɔ na ɔ́kyula-ma ku ogya úti-ma ɔ́tina-bu na bɔnu bɔtɛya lɛla lɛni ndubo bekyuli bani naaabu Katɔti lɛlɔ.

Romaƒuɔ 2:16

Na litemi buni lɛni lɛsa na mɔɔkɔ́ ni, lɛɛtina ka Katɔti ɔdubɔya na Yesu Kristo ɔtɛku bekyuli litemi ɔ́siku ala ani nábɛ akya-ma kasusu kemmo ƒui lɛlɔ.

Romaƒuɔ 2:5

Na ka bina atu ebo ɔkplu na bítenwini kayi ɔsu ni, Katɔti ɔdubo-mii kɔtu bɔni geen na limeyi lɛni na údie úse lɛlɔ ka ɔdubɔtɛku bayawine ƒui litemi na nwuna ulu siin lɛlɔ.

Luka 9:5

Na kesii kani na bátaƒɔ-mii ni, bɛtɔlɔ ɔma ɔmmɔ kemmo na biveli bina lɛgba kalɔ ɔtumu muedi biwi ɔma ɔmmɔ kemmo aani Katɔti kɔtu bɔni kati bute.”

Mateo 12:36

Mɔɔyá na ɔbla-mii nwaa ka litemi bɔtɛ limeyi ni, ukyuli biala ɔdubudie lɛlɔ kenye na etemila keeke biala nálɛ-nwu kenye lɛlɔ.

Marko 6:10

Ɔ́sɔ ɔ́su-ma ɔnini, “Si kesi kesii na báƒɔ-mii ni, bilie mmɔ kani bitédu uwi ɔni bɛdubɔtɔlɔ.