Marko 5:34 - Katɔti Ɔku Kedee

³⁴ Yesu ɔ́su-nwu ɔnini, “Mina ubi ulekubi, ƒula bɔƒɔtaadi bɔ́bwi-ɔ. Teesie ku keyi buɛɛ. Na ƒula lɛbibo lɛmmɔ lɛsɔ lilebo-ɔ lɛlɔ.”

Marko 5:34 Referans Kwoze

Luka 8:48

Ɔmɛni ɔsu Yesu ɔ́su-nwu ɔnini, “Mina ubi uleku, ƒula bɔƒɔtaadi bɔ́bwi-ɔ. Teesie ku keyi buɛɛ.”

Mateo 9:22

Yesu únwini na ɔ́nu uleku ɔmmɔ na ɔ́su-nwu ɔnini, “Kɛ kayi, mina ubi ulekubi! Ƒula bɔƒɔtaadi bɔ́bwi-ɔ.” Mmɔ kani ɔlɛ ɔmmɔ ɔ́ba-nwu.

Luka 18:42

Mmɔ na Yesu ɔ́su-nwu ɔnini, “Amu sɔ taanu! Ƒula bɔƒɔtaadi bɔ́bwi-ɔ.”

Luka 7:50

Amu na Yesu ɔ́su uleku ɔmmɔ ɔnini, “Ƒula bɔƒɔtaadi búdie-ɔ, ɔsu teesie ku keyi buɛɛ.”

Marko 5:29

Amu ka útuku Yesu awu ni, nwuna ubugya buwi bɔmmɔ kenye kékulo kɔnakunwi! Na ɔ́ƒɔ ɔ́di na nwuna lɛlɔ kemmo ka nwuna ɔlɛ ɔ́ba-nwu na ɔ́lɛ nwuna lɛbibo kemmo.

Batalane Kabla 14:9

Úlie mmɔ uunú litemi buni lɛni na Paulo unye ɔɔsu. Na ka Paulo ɔ́nu-nwu ɔ́ti kaduɛ ka ɔ́ƒɔ ɔ́di ka nwuna ɔlɛ ɔdubɔba-nwu ɔsu ni,

Luka 17:19

Amu na Yesu ɔ́su-nwu ɔnini, “Ta nye, na eteesie. Ƒula bɔƒɔtaadi náya na ƒula ɔlɛ ɔ́ba-a.”

Marko 10:52

Amu na Yesu ɔ́su-nwu ɔnini, “Teesie. Ƒula bɔƒɔtaadi bɔ́bwi-ɔ.” Na kɔnakunwi ni, nwuna anumi ébimi na úse kalɔ ɔɔnu. Amu na ɔ́siaku Yesu, na bana ƒui bátɔlɔ bésie bana ulu.

Mateo 9:2

Mmɔ na béti ɔnana ɔdi na ɔ́ƒɛ uwi kalɔ báva lɛtala lɛlɔ, na béti-nwu béboku-nwu kudɔ. Ka Yesu ɔ́nu ka báƒɔ bádi geen ɔsu ni, ɔ́su ɔlɛne ɔmmɔ ɔnini, “Ubi, kɛ kayi. Líti ƒula ekpidi lɛ́kyiɛ-ɔ.”

Baga 2 5:19

Amu na Elisa ɔ́su Naaman ɔnini, “Teesie ku keyi buɛɛ.” Ɔmmɔ kama Naaman ɔ́gyu lɛgba na úsie anumi blii.

Samuel 1 1:17

Mmɔ ni, Eli ɔ́su-nwu ɔnini, “Teesie ku keyi buɛɛ. Na Israel Katɔti ɔdubɔbla lɛla lɛni na aawia ute-ɔ.”

Samuel 1 20:42

Mmɔ na Yonatan ɔ́su Dawid ɔnini, “Ɔlɛka atɔlɔ. Na Unwoti ɔsiaku-ɔ. Anwu nnye na únu bula bunyimi, anwuɔsu ala ani na bɔ́su ƒui ebo-nwu kemmo lɛni ute bula kaba kemmo bebi.” Ɔmmɔ kama ni, Dawid ɔ́yu ulu ɔ́tɔlɔ. Na Yonatan lɛnɔ únwini úsie ɔma.

Etemila 9:7

Di adila na ani na akya lɛlɔ kubiti, ɔsika Katɔti nése ɔmɛni úse úte ukyuli ɔ́si kukuuku.

Marko 5:33

Uleku ɔmmɔ ɔ́nu ɔ́ti lɛla lɛni nábla-nwu. Anwuɔsu na liƒu ku lɛlɔ bɔtɔ kemmo ni, úbalɛ akɔnkɔ na Yesu lɛgba akɔ. Na ɔ́su-nwu lɛla lɛni nébo nwaa.

Batalane Kabla 15:33

Amu ka bélie mmɔ emeyi alɛɛ adi ni, bédie Yuda ku Silas ulu ka basɔ benwini besie Yerusalem.

Batalane Kabla 16:36

Amu na bana lɛlɔ ɔnune ɔmɛni ɔ́su Paulo ku Silas ɔnini, “Litemi batɛne banii nnyonu-mii na biteesie. Anwuɔsu biteesie ku keyi buɛɛ.”

Yakobo 2:16

Si éni na étete-ma ala ani na baawia ni, na kɔsia kɔdi kuuubo-nwu kemmo ka asu-ma anii, “Biteesie na Katɔti ɔsiaku-mii. Na bɛdubɔkɛ lɛwu bɛkya na bɛkɛ adila bɛdi.”

Lewiƒuɔ Ɔda Bubo 14:48

“Nsu si ɔkpane ɔmmɔ úbanu kaduli kammɔ na butili bɔmmɔ bɔ́sɔ bútegyingya bútaƒɔ kaduli kani awodu básɔku bákwa mmɔ lɛlɔ ni, ɔkpane ɔdubute kati ka kaduli kammɔ kabla sɛɛn, ɔsika butili bɔmmɔ bɔ́sa.