Marko 5:22 - Katɔti Ɔku Kedee

²² Na ukyuli ɔni baalɔ Yairo na ɔkya ɔma ɔmmɔ kasalakɔ batɔnkune akɔ ni, úbo mmɔ. Ka ɔ́nu Yesu ni, úboku lɛlɔ kalɔ.

Marko 5:22 Referans Kwoze

Luka 13:14

Yudaƒuɔ kasalakɔ kammɔ lɛlɔ ɔnune úti kɔnyi geen sɔsɔ na ɔni na Yesu ɔ́bwi ɔlɛne na lɛnwunameyi lɛlɔ ɔsu. Anwuɔsu ɔ́su bekyuli bammɔ ƒui ɔnini, “Bubo emeyi aku ani buti bɔbla bula kabla. Anwuɔsu bibo na emeyi amɛni kemmo si lɛla lɛdi lɛda bina akɔ ɔdi na babwi-nwu, na ɔɔɔdi lɛnwunameyi lɛlɔ!”

Batalane Kabla 18:17

Amu na bekyuli lisu lɛmɛni béƒie Sostene ɔni ndi bana kasalakɔ kammɔ ɔtɔnkune na bétébo-nwu na litemi katɛkɔ kamɛni kudɔ. Nsu Galio útakpete-ma.

Batalane Kabla 18:8

Amu na kasalakɔ kammɔ unengu ɔni baalɔ Krispo ku nwuna kaduli bekyuli ƒui báƒɔ Blɔti bádi, na bákpila-ma ntu. Lɛni kani na bákpila babambadi bani náƒɔ bádi lɛnɔ ntu na Korinto mmɔ.

Batalane Kabla 13:15

Na uwi ɔni na báka ala básiku Mose ɔda bubo ɔku ku Katɔti Kenye bediene bunweni kemmo bawɔlɔ ni, kasalakɔ batɔnkune bammɔ básu banini, “Banwa, si bina akɔ ɔdi ubo litemi lɛni mɔɔkya ɔkplu na wasu ni, na ubo ubasu.”

Luka 5:8

Ka Simon Petro ɔ́nu lɛla lɛni nálɛ mɛni ni, ɔ́lɛ akɔnkɔ na Yesu anumi na ɔ́su-nwu ɔnini, “Blɔti, takpɛ tede-mi, ɔsika alaekpidi ɔblane na ndi.”

Marko 5:33

Uleku ɔmmɔ ɔ́nu ɔ́ti lɛla lɛni nábla-nwu. Anwuɔsu na liƒu ku lɛlɔ bɔtɔ kemmo ni, úbalɛ akɔnkɔ na Yesu lɛgba akɔ. Na ɔ́su-nwu lɛla lɛni nébo nwaa.

Budie Taatina 22:8

Ami Yohane ni, ami ndi ukyuli ɔni nénu na lɛ́nu ala amɛni ƒui. Na uwi ɔni na línu na lɛ́nu-nya ni, lɛ́yu líbi kalɔ na Katɔti ɔtu ɔni nédie ala amɛni ɔ́tina-mi lɛgba akɔ na límwi-nwu aani Katɔti.

Luka 8:28

Uwi ɔni na ɔ́nu Yesu ni, ɔ́va momoomo na úƒwimi lɛlɔ ɔ́va kalɔ na Yesu lɛgba kudɔ. Na ɔ́su-nwu ɔnini, “Yesu, Katɔti Ɔni Ntulo Ƒui Ubi! Bi na aawia mina kudɔ mɛni? Buvele nda-a, tani-mi kɔtu.”

Marko 5:38

Na ka bédu Yairo kaduli na Yesu ɔ́nu kalɛ na benye baabla lɛlɔ ku keku kani na benye beewulo ni,

Mateo 2:11

Na ka béduo ɔtɔ ɔmmɔ kemmo na bánu ubi ɔmmɔ ku uni Maria ni, bálɛ akɔnkɔ na bémwi-nwu. Na báƒɛnimi bana kɔvumi na béte-nwu ala abuni adi ani ndi sika ugyiedi ku oloƒui ku klobo.