Marko 5:15 - Katɔti Ɔku Kedee

¹⁵ Bekyuli békeli bésie mmɔ banii batánu lɛla lɛni nébo. Na ka bésie Yesu kudɔ ni, bánu ukyuli ɔni na nka ayu ekpidi pii akya-nwu lɛlɔ kemmo mmɔ. Na ulie kalɔ, na ubi kɔdi lɛlɔ, na nwuna kasusu kese nwaa. Na liƒu lɛda bana ƒui!

Marko 5:15 Referans Kwoze

Koloseƒuɔ 1:13

Na anwu náda-bu údie ukisine ɔmmɔ enu kemmo na kasuudikɔ mmɔ, na úti-bu útákya Ubidi ɔni na ɔɔyɔ́ geen mmɔ lɛga bɔdi kemmo.

Timoteo 2 1:7

Ɔsika Katɔti úteti kɔyu kɔni náya na liƒu litaada-bu útete-bu. Mmomu ni, úte-bu Kɔyu kɔni mɔɔyá na bɔɔkɛ́ ɔyikun, na bɔɔyɔ́ lɛlɔ, na bɔɔkana na bɔɔtí lɛlɔ bɔda lɛnɔ.

Luka 8:27

Ka Yesu ɔ́si ɔɔlɛ́ ɔkɔlɔ kemmo kani na ukyuli ɔdi na ayu ekpidi eli-nwu lɛlɔ úsie úbasiaku-nwu. Na ɔdi ukyuli ɔni na ɔ́si ɔma ɔmmɔ kemmo. Ɔbla uwi pii ɔdi mɛni ni, kasɔngya kani na ukyuli ɔmɛni ɔɔkɛ. Na ulátuna ɔnii uulie nwuna kaduli amu ntu bekyuli kɔƒiɔtɔ akɔ.

Marko 5:9

Amu na Yesu úye-nwu ɔnii, “Dɛ baalɔ-ɔ?” Mmɔ na kɔyu kɔmɛni kɔ́su kɔnini, “Ami baalɔ Lisu, ɔsika abu bani nkya ɔnana ɔmɛni kemmo ni, bumomo!”

Luka 10:39

Marta ɔmɛni ubo ɔnwani ulekubi ɔni baalɔ Maria. Anwu ɔ́yu úlie Yesu kudɔ na uunú-nwu ala ani na ɔɔtina.

Samuel 1 16:4

Samuel ɔ́bla lɛla lɛni na Unwoti ɔ́su-nwu. Na ka údu Betlehem ni, ɔma benengu bammɔ báyia geen na béye-nwu banini, “Buɛɛ na ɔdi bɔdi?”

Kɔgya 14:5

Liƒu bonwu lɛdubo-mii bɔda. Nsu bani nse siin ni, Unwoti uliku-ma.

Hiob 13:11

Nwuna bukeye ku nwuna lɛlɔ liƒu bulákya-mii bɔyia?

Ala Alɛdi 1 15:13

Amii ɔsu na Unwoti ɔ́kɛku-bu kɔnyi kukpidi kɔmmɔ ɔsika ɔɔɔdi amii nágyu Adaka ɔmmɔ kudeedi na búteye Unwoti lɛnɔ bútenu ulu ɔni lɛlɔ na bɔsia bɔgyu Adaka ɔmmɔ kalɛ na ɔɔyɔ́.”

Marko 5:18

Ka Yesu utéduo ɔkɔlɔ kemmo ni, ɔnana ɔni na nka ayu ekpidi akya-nwu lɛlɔ kemmo mɛni úvele-nwu ɔnini, “Ya-mi libo buteesie!”

Marko 5:16

Bekyuli bani nánu-nwu kudeedi ni, básu lɛla lɛni nálɛ ƒui na ɔnana ɔmmɔ ku baplakuo bammɔ lɛlɔ.

Marko 5:4

Uwi ɔni návi ni, bekyuli ƒui balákana-nwu lɛkpu bubo. Uwi pii ni, baakana na benyimi-nwu enu ku lɛgba. Nsu uukúlo kɔgba kɔni bébo-nwu mmɔ. Ukyuli ɔmɛni ubo ɔkplu geen ɔni na ukyuli biala ulákana-nwu bɔda.

Mateo 12:29

“Mbo ɔyikun ntulo Satan, ɔsika ukyuli ɔdi ulakana na wabwɛ weduo ɔyikune ɔdi kɔduli weti-nwu ala ntu si ɔ́kana-nwu buƒie bunyimi asa na wakana-nwu kaduli buduo.

Mateo 4:24

Nwuna lɛlɔ litemi lígyingya na Siria kalɔ lɛlɔ ƒui. Anwuɔsu bekyuli bákpanku balɛne bani na lɛlɛ lidu lidu liikpóku-ma béboku. Na badi ni, ayu ekpidi elie-ma lɛlɔ eekpóku-ma. Na badi beeƒi kalɛ teebo. Badi lɛnɔ lɛlɔ kakɛ kékpi-ma. Na Yesu ɔ́bwi-ma ƒui.

Mateo 9:33

Na Yesu ɔ́gya kɔyu kukpidi kɔmmɔ ɔ́lɛku-nwu lɛlɔ kemmo. Mmɔ kani na ukyuli ɔmmɔ úse kalɔ uutemi. Ɔmɛni ɔ́bla bekyuli bani nnye mmɔ kalɛ kadi, na básu banii, “Bútanu ɔmɛni udu kudii na Israel kalɔ lɛlɔ!”

Ala Alɛdi 1 13:12

Limeyi lɛmmɔ ni, Dawid ɔ́yia Katɔti geen na úye ɔnini, lɛlɔ ɔnini, “Dɛ na ndubɔbla na liti Bunyimi Adaka ɔmɛni lisienku mina kaduli?”

Mateo 26:53

Munuu aaagyi anii lɛkana na livele mina Ɔti na ubebunku-mi? Na mmɔ kani ɔdubuti Katɔti batu bekpone limomo lɛni ntulo akpa leevu-anyɔ umene-mi!

Marko 5:14

Amu na bekyuli bani mɔɔnu-ma lɛlɔ mmɔ békeli bésie ɔma kemmo ku amadɔ mmɔ, na bátásu bekyuli ƒui lɛla lɛni nébo.