Marko 4:40 - Katɔti Ɔku Kedee

⁴⁰ Amu na Yesu uuye nwuna batɛyane ɔnini, “Bi ɔsu na bibo liƒu lɛni? Bitakɛ tɔ bɔƒɔtaadi?”

Marko 4:40 Referans Kwoze

Luka 8:25

Na úye batɛyane bammɔ ɔnini, “Bi ɔsu na biiibo bɔƒɔtaadi?” Nsu bunye kani na benye yaa, na liƒu lɛnɔ lɛ́da-ma. Na béye lɛlɔ banini, “Ukyuli ɔmani na ɔdi mɛni bɔdi? Ɔɔtɛmi teete ɔƒɛƒɛɛ ku ɛpu ntu bɔni mɔɔnwanɛ lɛlɔ na beenú-nwu litemi!”

Mateo 8:26

Mmɔ na Yesu úye-ma ɔnini, “Bi ɔsu na bibo liƒu lɛni? Bina bɔƒɔtaadi bɔsɔ.” Amu na ɔ́ta na ɔ́bɔku ɔƒɛƒɛɛ ku ntu bɔni mɔɔnwanɛ lɛlɔ mmɔ ɔnii bɔda bɔya. Na mmɔ ƒui kábla kpoo.

Mateo 14:31

Kɔnakunwi Yesu únine kɔnu ɔ́da-nwu na ɔ́su-nwu ɔnini, “Ƒula bɔƒɔtaadi na mina lɛlɔ bútedu! Bi ɔsu na ƒula kasusu kaabla inyɔ inyɔ?”

Mateo 16:8

Na ka Yesu ɔ́ti lɛla lɛni baasu ɔsu ni, úye-ma ɔnini, “Bi ɔsu na bɛɛtɛmiku lɛlɔ ɔ́si adila ani na bɛɛɛda ɔsu? Bina bɔƒɔtaadi na mina lɛlɔ bɔ́sɔ. Útabla-mii tɔ nwaa?

Yesaia 43:2

Na si bɛɛvia ketu bonwu kani nágyu dɛ muedi ni, nliku-mii na bilánu-ka. Na si ogya kemmo na bɛkɛ muedi ulakyula-mii. Na ogya unyemi ɔmmɔ lɛnɔ ulekeyi-mii.

Mateo 6:30

Katɔti muute eveteli amɛni bɔdia lɛni. Na eveteli amɛni ni, bɔkana bɔnu-nya ɔmwi. Na kɔnaadi asɔ eeebo, ɔsika bákyula-nya na ogya kemmo. Katɔti ɔdubɔsia-mii anu na ute-mii adala utulo eveteli amɛni. Bina bɔƒɔtaadi bɔsɔ.

Yesaia 42:3

Ugyii ɔni na ɔ́bu unye ni, ulaƒɛ-nwu uledie. Na ogya ɔni mɔɔyuɛ ni, ulenine-nwu uledie. Mmomu ɔdubɔdi litemi lɛlɔ, na uti ala bɔbla ulu lɛlɔ siin uboku bekyuli akɔ uwi ƒui.

Marko 4:41

Nsu liƒu lɛni mɔɔda-ma ɔsu ni, bakya beeye lɛlɔ banii, “Ɔma geen na ukyuli ɔmɛni ɔdi? Na ntu ku ɔƒɛƒɛɛ ƒui beenú-nwu litemi!”