Marko 4:35 - Katɔti Ɔku Kedee

³⁵ Limeyi lɛmmɔ kani useyi uwi ni, Yesu ɔ́lɔ nwuna batɛyane ɔnini, “Bɛya na busie ɛpu ɔmɛni ɔvi ɔni ngye.”

Marko 4:35 Referans Kwoze

Mateo 8:18

Uwi ɔni na Yesu ɔ́nu bekyuli pii bani nnye-nwu kudɔ ni, ɔ́su nwuna batɛyane bammɔ ɔnii baya na beteesie ɛpu ɔmmɔ ɔvi.

Luka 8:25

Na úye batɛyane bammɔ ɔnini, “Bi ɔsu na biiibo bɔƒɔtaadi?” Nsu bunye kani na benye yaa, na liƒu lɛnɔ lɛ́da-ma. Na béye lɛlɔ banini, “Ukyuli ɔmani na ɔdi mɛni bɔdi? Ɔɔtɛmi teete ɔƒɛƒɛɛ ku ɛpu ntu bɔni mɔɔnwanɛ lɛlɔ na beenú-nwu litemi!”

Luka 8:22

Limeyi lɛdi ni, Yesu úduo ɔkɔlɔ kemmo ku nwuna batɛyane. Amu na ɔ́su-ma ɔnini, “Bɛya na bɔvia busie ɛpu ɔvi ɔni ngye.” Anwuɔsu ama lɛnɔ bése kalɔ ku ɔkɔlɔ ɔmmɔ buku.

Mateo 14:22

Mmɔ kani na Yesu ɔ́ya na nwuna batɛyane bákɔ béduo ɔkɔlɔ kemmo ɔnii bataatɔ na beteesie ɛpu ɔmmɔ ɔvi ɔni ngye. Na anwu ɔ́ƒɔ lɛlɔ ɔ́kya kama uudie bekyuli bammɔ ulu.

Marko 8:13

Amu na ɔ́tɔlɔ-ma kudɔ, na ɔ́sɔ útéduo ɔkɔlɔ kemmo na ɔ́via úsie ɛpu ɔmmɔ ɔvi ɔni ngye.

Yohane 6:25

Ka bánu Yesu na ɛpu ɔvi ɔmmɔ ni, béye-nwu banini, “Ala ɔtinane, uwi ɔmani na ébo mɛni?”

Yohane 6:17

Na bákɔ béduo ɔkɔlɔ kemmo, na bávia bésela Kapernaum, ɔsika kadi kása na Yesu útebo-ma tɔ kudɔ.

Yohane 6:1

Na ɔmmɔ kama ni, Yesu ɔ́via ɛpu ɔni baalɔ banii Galilea Ɛpu na básɔ baalɔ-nwu Tiberia Ɛpu úsie nwuna ɔvi unyɔdi.

Marko 6:45

Kɔnakunwi ni, Yesu ɔ́ya na nwuna batɛyane bákɔ béduo ɔkɔlɔ kemmo ɔnii bataatɔ ɔma ɔni baalɔ Betsaida na ɛpu ɔmmɔ ɔvi ngye kemmo. Na anwu ɔ́ya na bekyuli pii bamɛni lɛnɔ bégyingya.

Marko 5:21

Yesu ɔ́sɔ únwini úse ɛpu ɔmmɔ ɔvi ɔni ngye. Ka údu ketudɔ mmɔ ni, bekyuli pii badi bábaka bámana-nwu.