Marko 4:28 - Katɔti Ɔku Kedee

²⁸ Kalɔ kani lɛlɔ na báva ala kani mɔɔtumini ebi ammɔ lɛni. Kudeedi, si kɔ́kwɛ ni, kɔdubudie lili asa na nwuna kugyii kɔlɛ. Na si kɔɔlɛ́ lili ni, na kɔɔnwu ebi pii.

Marko 4:28 Referans Kwoze

Hosea 6:3

Anwuɔsu bɛya na bɔkya ɔkplu biala na bɔnu bula Unwoti bɔti. Nwuna bɔda bɔlɛ bɔdi litemi geen aani kalɛ na ɔƒɛ ɔɔtu ɔtanta na ɔkɔ uuubo-nwu kemmo. Na ɔdubo ubaya na lɛlɔ lɛyɔ-bu aani kalɛ na ketudi ɔnantu ɔɔna na kalɔ ku lɛla biala lɛɛyɔ́ buɛɛ.”

Koloseƒuɔ 1:10

Ɔmɛni ndubɔya na bɛti bina lɛlɔ bɔda na bilie ngba bɔni na Blɔti ɔɔwia. Na bina ngba bulie ɔbladu biala ɔbla ɔbuni. Na ɔdubo-mii bubunku na bitaati Katɔti teebu.

Ƒilipiƒuɔ 1:6

Na lɛ́ƒɔ lɛ́di ka Katɔti ɔni nése kabla kabuni kamɛni kalɔ na bina akɔ ni, ɔdubɔnu ka kabla kamɛni katáwɔlɔ na uwi ɔni na Kristo Yesu wasɔ webo.

Mateo 13:26

Na uwi ɔni na edula ammɔ álɛ lili na ése kalɔ aanwu ni, alakpi ekpidi ani na ukisine ɔmmɔ ɔ́gya ɔ́kya edula ammɔ kemmo lɛnɔ ákwɛ.

Yesaia 61:11

Kalɛ na edula ebi aakwɛ́ taalɛ kalɔ kemmo na aalɛ́ lili ni, lɛni na Unwoti Ɔyikune Ƒui ɔdubɔya na kadi bekyuli ƒui balɛ lili na babla siin na beti bumwi bete-nwu.

Etemila 3:11

Katɔti ɔɔyá na lɛla biala lɛɛlɛ́ na uwi lɛlɔ pɛpɛɛpɛ. Nsu bula ɔdi biala ulenu ala ani ƒui na ɔ́bla kalɔ taawɔlɔ geen. Na ɔɔyá na bula kasusu keekpóku-bu, na buuye lɛlɔ ala ɔ́siku ala ani na Katɔti ɔ́bla, ɔ́si uwi ɔni náavi úti úsela uwi ɔni ndubo lɛlɔ.

Etemila 3:1

Lɛla biala libo nina uwi na kabla biala lɛnɔ kebo kana uwi.

Agba 4:18

Ukyuli ɔni nse siin kavinkɔ keekeye aani ɔtanta kadi kani négye kadubo na keekeye teebu utédu ka ɔbla nwaa ƒui.

Kɔgya 1:3

Bekyuli bammɔ udu bese aani egyii ani nnye ketudɔ. Na aanwu ebi na uwi lɛlɔ. Na egyii ammɔ eléwiile evete. Na bana ablala ƒui aatɛ teete-ma.

Ala Kalɔ Buse 2:9

Na kemo kammɔ kemmo ni, Katɔti ɔ́ya na egyii ákwɛ enye na adi egyii abuni ani mɔɔdia bɔnu ku edula ani ndia kaduɛ na adia ete ka badi. Na kemo kammɔ ntɛntɛ ni, kugyii kɔni muute ukyuli ngba kunye na kɔni mɔɔyá na ɔɔnu lɛbuni ku likpidi taati lɛnɔ kunye.

Marko 4:27

Ɔɔtɛ taata limeyi biala, na ebi ammɔ aakwɛ́ na aalɛ́ lili. Nsu ɔɔɔgyi kalɛ na ɔ́bla asa na úbo lɛni.

Marko 4:29

Si ebi ammɔ ábi lɛlɔ ni, na béede-nya. Ɔsika na edula udewi úudu.”