Marko 4:19 - Katɔti Ɔku Kedee

¹⁹ nsu kayawi liƒu bɔda ku lɛnungyie likpidi na sika lɛlɔ ku ɔlɔna ɔkwɛ adala akya-ma kayi kemmo. Ala amɛni ényimi litemi lɛmmɔ na litanwu ebi.

Marko 4:19 Referans Kwoze

Timoteo 1 6:17

Su ama bani mbo kayawi ala pii anii batatalaku lɛlɔ katɔ na beteti bana anu batasia ala ani udu naaakana-ma bɔƒɔ lɛlɔ. Mmomu beti bana anu basia Katɔti lɛlɔ. Anwu muute-bu lɛla biala ku kaƒɔ ƒaa kalɛ na bɔkɛ lɛlɔyɔ.

Ƒilipiƒuɔ 4:6

Ɔdi biala utekpoku lɛlɔ na lɛla biala lɛlɔ, mmomu bitaakpali Katɔti uwi biala kemmo, na bitaasu-nwu ala ani bɛɛwia. Na si bɛɛkpali-nwu ni, na bitaagya-nwu enu.

Mateo 19:23

Amu na Yesu ɔ́su nwuna batɛyane ɔnini, “Mɔɔsu-mii nwaa nnii ɔdubɔyu balakɛne ɔkplu asa na beduo Katɔti lɛga kadikɔ.

Yohane 15:2

Ɔɔmɛnɛ kagba biala kani naaakana bɔnwu teedie kɔgba kɔkladi akɔ. Na ɔɔƒiala kɔgba kɔni mɔɔnwu lɛnɔ kemmo kalɛ na kuna akɔ kɔbla nwaa na kɔkana kutaanwu kaduɛ.

Luka 21:34

“Bɛnu kaduɛ na bileti bina uwi bilete bɔdi ku bɔni ebiti sɔɔn. Na ɔdi uléteekpoku nwuna lɛlɔ na kayawi kamɛni ala lɛlɔ. Si ɔɔɔdi lɛni ni, limeyi lɛmmɔ lɛdubo-mii buyu bɔtu.

Luka 10:41

Amu na Yesu ɔ́su-nwu ɔnini, “Marta! Nu kalɛ na eekpóku lɛlɔ na ala pii lɛlɔ.

Yesaia 5:4

Bi na nka ɔlɛka lɛsɔ lɛbla na mina kemo kamɛni lɛlɔ litulo kalɛ na lɛ́bla mɛni? Ka nka ebi buni na mɔɔsia anu ka lide ni, bi ɔsu na ebi ani nse nyanyaanya sɔɔn na kánwu?

Yesaia 5:2

Ɔ́tu kalɔ kammɔ únwini na údie atabi ammɔ ƒui. Na ɔ́va adingyii ebi abuni ani ndia geen. Na ɔ́tu bagyumanane kenyekɔ únyene-ka ntɛ. Na údie egyiibi ammɔ ntu kewikɔ ubu. Na unye ɔgya egyiibi ammɔ bugyie na bede. Nsu ebi ani na adingyii ammɔ ánwu ni, ana ntu ese nyanyaanya na aaadia.

Petro 2 1:8

Ɔsika si ala amɛni ƒui ásadi éte-mii na bítayuɛ ni, adubɔya na bɛkana bitaabla kabla na bɛnwu ebi buni ka bɛ́ti Blɔti Yesu Kristo ɔmmɔ ƒui ɔsu.

Timoteo 2 4:10

Ɔsika Dema ɔ́tɔlɔ-mi kudɔ na ɔsiaku kayawi ala kama úsie Tesalonika. Na Kreske anwu ni, úsie Galatia, na Tito úsie Dalmatia.

Etemila 4:8

Ukyuli ɔdi ɔ́kya ɔni na uuubo ubi ɔnanabi iye ɔnwani ɔdi, nsu ulada lɛlɔ butu taaya, na nwuna akɛla ani na ubo lɛnɔ elemo-nwu. Amu na úye lɛlɔ ɔnini, “Ɔma geen ɔsu na muubó abi, na líni lɛla lɛbuni biala líte lɛlɔ ku kalɛ na lɛkya lɛlɔ ebiti muedi?” Bi keyi udu na kadi mɛni na ukyuli ulenu lɛla lɛdi kalɔ?

Yuda 1:12

Badi bekyuli bani ablala mɔɔyá na bina kasala keesé lɛlɔ si bɛ́sala bɛɛdi Blɔti adila ammɔ. Beedie lɛlɔ na ama lɛti baadi teemo kalɛ na baayɔ́. Bese aani ɔnantu ɔni nánwu, nsu ulána kudii, na ɔƒɛƒɛɛ kani muubó-nwu taavinku. Na bese lɛnɔ aani egyii ani naaanwu ina egyiibi bɔnwu uwi muedi. Bese aani egyii ani na bágyu-nya ku ligyiitu na ékpi ƒui.

Mateo 3:10

Bɛɛnu ka bada kadadi benye kugyii lɛlɔ na bada-ku ku ligyiitu. Kugyii biala naaanwu ebi buni ni, badubɔmɛnɛ-ku bakya lɛgyavonku kemmo.

Agba 23:5

Ɔsika lɛlakɛ lɛɛyii na ukyuli anumi, na lɛɛtɔlɔ aani kalɛ na aasɛ uuveyi taatɔlɔ!

Agba 23:4

Tetu lɛlɔ anii eenwíni ɔlakɛne. Bi ɔsu na ɔlɛka eteebile lɛlɔ uwi?

Mateo 13:22

Na edula ani néduo ákya liyu livo akɔ ni, anya ndi bekyuli bani muunú litemi lɛmmɔ. Nsu ka béti kasusu pii básia kayawi kamɛni ala lɛlɔ ku lɛlakɛ ɔsu ni, litemi lɛmmɔ lílaƒɔ bana lɛlɔ kemmo na babla ala abuni.

Marko 4:18

“Na bekyuli badi lɛnɔ bese aani ebi ani nálɛ ébo liyu akɔ. Na ama ndi bekyuli bani nénu litemi buni lɛmɛni,

Romaƒuɔ 12:2

Bɛsɔ bitabla unwi ku kayawi kamɛni lɛlɔ ala bɔbla. Mmomu bɛya na Katɔti ɔvumana-mii kasusu ƒui na binwini bekyuli bawɔdi. Ɔmmɔ ndubɔya na bɛnu lɛla lɛni na Katɔti ɔɔyɔ́ bɛti, na bɛbla lɛla lɛni ndia na lɛɛyɔ́-nwu kaƒɔ na lise sɛɛn lɛ́wɔlɔ.

Eƒesoƒuɔ 2:2

Na bɛ́siaku kayawi ala ekpidi kama ku ukisine ɔni mɔɔdi ayu ekpidi ƒui lɛlɔ na kayaa, na anwu kani mɔɔdi batuɔkplune ƒui lɛlɔ ɔƒɛni.

Eƒesoƒuɔ 6:12

Ɔsika ɔɔɔdi abu ku bekyuli muukpó. Mmomu abu ku bayikune ku kenyekɔ biala ku kayawi kamɛni lɛdisa ku kayaa bayikune bekpidi ƒui muukpó.