Marko 3:24 - Katɔti Ɔku Kedee

²⁴ Si lɛga kadikɔ kadi kéle lɛlɔ akpa akpa na akpa ammɔ eekpóku lɛlɔ ni, lɛga kadikɔ kammɔ kalakana bunye.

Marko 3:24 Referans Kwoze

Sakaria 11:14

Ɔmmɔ kama lɛ́ƒɔ ugyii ɔni na mɔɔlɔ nnii Unwi Bɔbla, na ɔ́tina ka líkulo kɔna kɔni nkya Yudaƒuɔ ku Israelƒuɔ ntɛ.

Esekiel 37:22

Ndubo-ma bɔbla na benwini kalɔ kenwi kadi bekyuli na belie Israel kalɔ lɛlɔ. Na ɔga unwi kani ndubo-ma lɛlɔ bɔdi na bɔsɔ baaadubo lɛlɔ kemmo bule bɔbla kɔlɔ akpa anyɔ kudii.

Samuel 2 20:6

Amu na Ɔga Dawid ɔ́su Abisai ɔnini, “Ɔƒɛni ni, lɛ́nu ka Bikri ubidi Seeba ni, nwuna ablala adubo abanyi anyi etulo Absalom adi. Anwuɔsu tiku bekyuli badi na ƒula bekpone benengu badi akɔ na bɛsia-nwu kama kɔnakunwi kalɛ na ulatákɛ kabɛkɔ kadi na lɛma linengudi lɛni bátu bámana mmɔ ɔdi kemmo na walɛ-bu enu kemmo.”

Samuel 2 20:1

Na uwi ɔmmɔ kemmo ni, lɛsɛ ɔkyane ɔdi baalɔ Seeba na ɔdi Bikri ubidi na Benyamin kɔdua kemmo ɔ́kya mmɔ. Na ɔ́vwi kakpɛɛ momoomo ɔnini, “O Israelƒuɔ, buuubo kadikɔ kadi na Dawid lɛgadi kemmo. Na bɔɔɔkɛnku Yisai ɔni ndi ɔti lɛla lɛdi kemmo lɛnɔ. Anwuɔsu bina ƒui ɔdi biala unwini na biteesie bina adi nvo kemmo.”

Yohane 17:21

Ati, muuvele ka aya na bana ƒui babla unwi aani kalɛ kani na awɔ eliku-mi na ami lɛnɔ nliku-ɔ. Ya na belieku-bu kalɛ na kayawi bekyuli baƒɔ badi ka awɔ nátala-mi.

Mateo 12:25

Na Yesu ɔ́ti bana kasusu na ɔ́su-ma ɔnini, “Lɛga kadikɔ kani néle lɛlɔ akpa akpa ni, kelénye. Na ɔma iye kaduli kani muule lɛlɔ akpa akpa na beekpóku lɛlɔ ni, kaabwɛ.

Marko 3:23

Anwuɔsu Yesu ɔ́lɔ-ma na ɔ́tɛmiku-ma na lɛgba kemmo ɔnini, “Dɛ na wabla asa na Satan wabɔku anwu ɔlati walɛku ukyuli lɛlɔ kemmo?

Marko 3:25

Si ɔtɔ ɔdi bekyuli béle lɛlɔ ati ati na beekpóku lɛlɔ ni, ɔtɔ ɔmmɔ ulakana bunye.