Marko 3:2 - Katɔti Ɔku Kedee

² Uwi ɔmmɔ ni, Ƒarisiƒuɔ badi bakya kasalakɔ kammɔ. Na benye baanu si ɔdubɔbwi ɔnana ɔmmɔ na lɛnwunameyi lɛlɔ na bawia-nwu litemi.

Marko 3:2 Referans Kwoze

Kɔgya 37:32

Ukyuli ukpidi ɔɔtú ukyuli ɔni nsiaku Unwoti kama siin taawia ulu biala kalɛ na ɔdu-nwu.

Luka 14:1

Na lɛnwunameyi lɛdi lɛlɔ ni, Yesu úsie Ƒarisiƒuɔ benengu akɔ unwi ɔdi kesii likpo lɛni na bálɔ-nwu banii ubadi. Na bekyuli bakya baatú-nwu kpakplaa.

Luka 6:7

Na ka ɔda bubo ala batinane ku Ƒarisiƒuɔ badi baawia ulu ɔni lɛlɔ na basia na bada Yesu kenye ka ɔɔƒiɔ́ ɔda bubo bɔmmɔ ɔsu ni, básia-nwu anumi kaduɛ banii baanu si wabwi ɔlɛ na lɛnwunameyi lɛlɔ.

Luka 20:20

Ɔmmɔ ɔsu ni, báwia ulu ɔbambadi ɔni lɛlɔ basia na beƒie-nwu. Béte bekyuli badi ala na bɔbɛ kemmo. Na bása ku-ma lili banii besie Yesu kudɔ. Na babla lɛlɔ aani si litemi lɛmmɔ geen na ama alati baawia bati bete lɛlɔ. Na bátala-ma banii batákywɛ Yesu kakpagyuɛ ku etemila adi. Na bakɛ ulu ɔni na beti-nwu bakya Roma aban unengu enu kemmo.

Yohane 9:16

Amu na Ƒarisiƒuɔ bammɔ badi básu banini, “Ukyuli ɔni nábla lɛla lɛmɛni ni, ɔɔɔdi Katɔti nátala-nwu! Ɔsika uládi lɛnwunameyi ɔda ɔni na Katɔti úbo-bu lɛlɔ.” Na babambadi ama banini, “Dɛ na ukyuli ɔni na ɔdi alaekpidi ɔblane wakana na wabla akɔla budie taatina amɛni udu?” Mmɔ ni, bekyuli bammɔ béle lɛlɔ akpa anyɔ.

Mateo 12:10

Mmɔ na útánu ɔnana ɔni na kɔnu kunwi kɔ́gogolo-nwu. Bekyuli badi bakya mmɔ bani nkya mɔɔwia ka bakywɛ Yesu kakpagyuɛ kalɛ na ɔƒiɔ ɔda bubo bɔmmɔ. Anwuɔsu béye-nwu banini, “Ɔda bubo buute kuƒi ka babwi ɔlɛ na lɛnwunameyi lɛlɔ?”

Daniel 6:4

Amu na bekyuli bakladi bammɔ ƒui báwia ulu ɔni lɛlɔ na bedie Daniel bɔƒiɔ na nwuna kabla bɔbla kemmo, nsu bátakana, ɔsika Daniel ɔɔsu litemi geen na ulalɛ ɔga ɔmmɔ kama taabla lɛla bamba lɛdi.

Yeremia 20:10

Muunú ka bekyuli bammɔ baatɛmi kabɛnsɛ banini, “Ukyuli biala ɔɔyia na uwi ɔmɛni geen na ɔlɛka budie Yeremia bɔƒiɔ na bɔdu-nwu kɔtɔ!” Na bekyuli bani ƒui na mɔɔlɔ nnii mina bakpana ƒui benye kagyumana ka banu mina likpidi lɛdi na bakɛ kasiakɔ. Na baasu banini, “Ɔƒɛni kalɛ Yeremia ɔdubɔƒiɔ ɔbla lɛla lɛdi na ɔnu-bu kakpagyuɛ na bɔsia ɔmmɔ lɛlɔ bɔkɛ-nwu.”

Marko 3:3

Yesu ɔ́lɔ ɔnana ɔni na kɔnu kunwi kɔ́gogolo-nwu mmɔ ɔnii ubenye bekyuli ƒui anumi.

Yohane 8:6

Béye-nwu ɔmɛni banii beti bakywɛ-nwu kakpagyuɛ kalɛ na si ɔ́nu-ka kemmo ni, na bakɛ kasiakɔ na beƒie-nwu. Nsu Yesu ɔ́yu ɔ́ƒa na únweni ala na ɔtumu akɔ ku nwuna lɛnimi.