Marko 2:28 - Katɔti Ɔku Kedee

²⁸ Anwuɔsu ami Ukyuli Ɔyawine Ubi ndi lɛnwunameyi lɛnɔ Unwoti.”

Marko 2:28 Referans Kwoze

Mateo 12:8

Ɔsika Ukyuli Ɔyawine Ubi ɔdi lɛnwunameyi Unwoti.”

Budie Taatina 1:10

Na limeyi lɛni lɛlɔ na baƒɔtaadine baasa teemwi Blɔti ni, Katɔti Kɔyu kɔ́ƒɔ-mi lɛlɔ kemmo ƒui na línu ka lɛdi lɛdi lɛ́ku momoomo aani kakpɛɛ na lɛɛtɛmi na mina kama.

Eƒesoƒuɔ 1:22

Katɔti úti lɛla biala ɔ́kya Kristo lɛgba kalɔ na úti-nwu ɔ́bla baƒɔtaadine ƒui lili.

Yohane 9:14

Na limeyi lɛni lɛlɔ na Yesu úti aba úsusu ɔnana ɔmmɔ anumi na ɔ́bwi-nwu ni, ɔdi lɛnwunameyi.

Yohane 5:17

Nsu Yesu ɔ́su-ma ɔnini, “Mina Ɔti uubunku bekyuli limeyi ndi limeyi, na ɔlɛka ami lɛnɔ lɛbla lɛni kani.”

Luka 6:5

Amu na kawɔlɔkɔ ni, Yesu ɔ́su-ma ɔnini, “Ukyuli Ɔyawine Ubi ni, anwu ndi Unwoti ute lɛnwunameyi.”

Yohane 9:16

Amu na Ƒarisiƒuɔ bammɔ badi básu banini, “Ukyuli ɔni nábla lɛla lɛmɛni ni, ɔɔɔdi Katɔti nátala-nwu! Ɔsika uládi lɛnwunameyi ɔda ɔni na Katɔti úbo-bu lɛlɔ.” Na babambadi ama banini, “Dɛ na ukyuli ɔni na ɔdi alaekpidi ɔblane wakana na wabla akɔla budie taatina amɛni udu?” Mmɔ ni, bekyuli bammɔ béle lɛlɔ akpa anyɔ.

Marko 3:4

Amu na únwini anumi ɔ́tina bekyuli bammɔ na úye-ma ɔnini, “Ɔdia ka ukyuli ɔbla lɛbuni na lɛnwunameyi lɛlɔ? Munuu lɛnwunameyi ɔdi limeyi lɛni lɛlɔ na ukyuli ubile lɛla? Ɔdi limeyi lɛni lɛlɔ baaƒɔ́ ngba, munuu ɔdi limeyi lɛni lɛlɔ na beebile ngba?” Nsu bátakana-nwu lɛla lɛdi bɔsu.

Marko 2:27

Na Yesu ɔ́su-ma ɔnini, “Katɔti úse lɛnwunameyi úte ukyuli lɛbuni. Na ɔɔɔdi ukyuli na úse úte lɛnwunameyi.

Marko 3:1

Nwuna kama ni, Yesu ɔ́sɔ ɔ́tɔlɔ úsie Yudaƒuɔ kasalakɔ. Na mmɔ ni, útánu ukyuli ɔni na kɔnu kunwi kɔ́gogolo-nwu.