Marko 2:27 - Katɔti Ɔku Kedee

²⁷ Na Yesu ɔ́su-ma ɔnini, “Katɔti úse lɛnwunameyi úte ukyuli lɛbuni. Na ɔɔɔdi ukyuli na úse úte lɛnwunameyi.

Marko 2:27 Referans Kwoze

Koloseƒuɔ 2:16

Anwuɔsu bitaya na ukyuli ɔdi ubo-mii ɔda ɔdi na bina bɔdi ku bɔni lɛlɔ, iye emeyi kedee lɛlɔ, iye abuli awɔdi limeyi bɔdi, iye lɛnwunameyi bɔdi lɛlɔ.

Luka 6:9

Amu na Yesu úye-ma ɔnini, “Bi na bula ɔda bubo búte-bu ulu ka bɔbla na lɛnwunameyi lɛlɔ? Ɔdia ka bɔbla lɛbuni na lɛnwunameyi lɛlɔ munuu ka bɔbla likpidi? Iye ni, ɔdia ka bɔƒɔ bekyuli ngba munuu bɔyila-mu?”

Lɛkpa Ulu 5:14

Nsu limeyi maatɛdi ndi ami Unwoti ƒula Katɔti Lɛnwunameyi lɛni kemmo na útalɛ ka abla kabla kadi, awɔ iye ƒula bebi iye ƒula kabla bablane iye ƒula bebuo iye baƒɔ bani nkya-a kudɔ babla kabla kadi. Na útalɛka bekyuli bani mɔɔbla kabla teete-ɔ babla kabla kadi lɛnwunameyi lɛmmɔ lɛlɔ aani kalɛ na awɔ lɛnɔ alábla kabla kadi.

Esekiel 20:12

Na lɛ́su-ma kpakplaa nnii bataadi Lɛnwunameyi lɛmmɔ kaduɛ kalɛ na batina lɛlɔ ka bese kedee na ami badi na badi.

Yesaia 58:13

“Nsu ɔlɛka bɛka mina Lɛnwunameyi bɔbu aani lɛlɔyɔ lɛkpa limeyi na bɛda enyekpi bɔtɛmi kalɛ kalɛ bɛya ku ala basa basa bɔbla bɛya na limeyi linengudi lɛmɛni lɛlɔ.

Esekiel 20:20

Lɛ́su nnii bataabu mina Lɛnwunameyi na ɔtina ka badi mina bekyuli ɔ́si kuuku na ami lɛnɔ ndi-ma Unwoti Katɔti ɔ́si kukuuku.

Israelƒuɔ Bɔlɛ 23:12

“Biti emeyi aku bɛbla bina kabla na bɛnwuna limeyi maatɛdi lɛlɔ. Kalɛ na bina baƒɔ ku bekyuli bani mɔɔbla kabla teete-mii ku bina bebuo muedi lɛnɔ bakɛ bɔnwuna.

Yohane 7:23

Na si bakana bekulo ukyuli lego na lɛnwunameyi lɛlɔ na bátata bétenye ɔda bubo bɔmmɔ lɛlɔ ni, ɔdi bɔƒiɔ si ami lɛ́bwi ukyuli ɔdi na lɛlɔ ƒui lɛ́yu-nwu ɔkplu?

Korintoƒuɔ 2 4:15

Bina kadia ɔsu na ala amɛni ƒui aalɛ́ lɛni. Na si bekyuli pii baakɛ́ bɔƒɔ teebu ɔkɛnku Katɔti lɛƒɔndia ɔsu ni, lɛni kani na badubo-nwu enu lɛnɔ butaagya teebu si beeti ɔbu teete Katɔti.

Lɛkpa Ulu 5:12

Se lɛnwunameyi likpo na abla-ni kedee, aani kalɛ na ami ɔni ndi bina Unwoti Katɔti líbo-mii ɔda.

Marko 2:28

Anwuɔsu ami Ukyuli Ɔyawine Ubi ndi lɛnwunameyi lɛnɔ Unwoti.”