Marko 2:21 - Katɔti Ɔku Kedee

²¹ Ukyuli ɔdi ulétile kɔdi kɔkukudi liƒi ku lɛdiku lɛwɔdi. Lɛdiku lɛwɔdi lɛmmɔ lɛdubɔni kɔkukudi kɔmmɔ kugyingya si báƒɔ-ku. Na ɔdubɔya na liƒi lɛkukudi lɛmmɔ liibómo litulo kalɛ na lise kudeedi.

Marko 2:21 Referans Kwoze

Mateo 9:16

“Ukyuli biala uléti lɛdiku lɛwɔdi taaka taada lɛkukudi lɛlɔ. Ɔsika lɛdiku lɛwɔdi lɛmmɔ lɛdubɔduli kɔkukudi kɔmmɔ na ɔya na liƒi lɛmmɔ libomo libu.

Korintoƒuɔ 1 10:13

Lɛla biala lɛni nékpoku-ɔ lɛ́nu ni, nina udu lɛɛkana na liibo ukyuli biala lɛlɔ. Nsu ni, Katɔti ɔɔdi nwuna linyese lɛlɔ. Na ɔdubute-ɔ ɔyikun ɔni na eti enye lɛla lɛni mekpoku-ɔ manu kenye, na liletulo ƒula ɔyikun kalɛ na enye kpakplaa ete-nwu. Uwi ɔni kemmo na lɛla lɛdi liikpóku-ɔ taanu ni, Katɔti ɔdubute-ɔ ɔyikun ɔni na eti enye ala ammɔ ƒui kenye, na ɔtina-a ulu ɔni lɛlɔ na asia na alɛ-nwu kemmo.

Yesaia 57:16

Mina kadi bekyuli, lɛɛɛdubo kɔnyi buti bɔsɔ bulie butaadu-mii kɔtɔ kani. Ɔ́bla bi ɔ́bla dɛ ni, ami nédie-mii líboku kayawi. Anwuɔsu lɛɛɛdubo bɔya na enu aƒɛ-mii na bɛyila lɛnunsia ƒui.

Marko 2:20

Nsu limeyi lɛdi ni, badubuti-nwu bɔtɔlɔku nwuna bakpana kudɔ na bakpana bammɔ badubunyimi kenye ku kɔnyana.

Marko 2:22

Na lɛnɔ ni, beléti ntɛ bɔwɔdi teewi ɔku koƒo kɔkukudi kɔni kemmo béewi ntɛ dii. Ntɛ bɔwɔdi bɔdubuƒuƒuo na bɔya ɔku koƒo kɔkukudi kɔmmɔ kɔbwɛ na ntɛ ku koƒo lɛnɔ kulálɛ kɔsia. Mmomu ni, ntɛ bɔwɔdi beeti teewi ɔku koƒo kɔwɔdi kemmo.”

Luka 5:36

Ɔmmɔ kama ni, Yesu ɔ́sɔ úbo-ma lɛgba lɛmɛni ɔnini, “Ukyuli ɔdi ulabwɛ awu awɔdi taaka taada ɔkukudi liƒi. Si ɔdi ɔ́bla lɛni ni, agyi anii úbile awu ɔwɔdi ɔmmɔ. Na ɔkukudi ɔmmɔ lɛnɔ ku ɔwɔdi ɔmmɔ ulamanku lɛlɔ.