Marko 16:18 - Katɔti Ɔku Kedee

¹⁸ Na si béƒie kɔlakpi báda iye báni ugyulo ukpidi ɔdi biala ni, ulabla-ma lɛla lɛdi. Si béti bana enu básia balɛne lɛlɔ ni, badubɔkɛ lɛlɔ ɔkplu.”

Marko 16:18 Referans Kwoze

Luka 10:19

Binu kaduɛ! Líte-mii ɔyikun ɔni na bɛkana na bɛkɔ bɛnya balakpi ku batamlukpa lɛlɔ. Na bɛkana bɛdi ukisine ɔmmɔ ɔyikun ƒui lɛlɔ ɔni na lɛla lɛdi lilabla-mii.

Batalane Kabla 19:12

Na si béti nwuna adala adi bétuku ɔlɛne ɔdi muedi ni, aabwi-nwu, na asɔ aagyá ayu ekpidi lɛnɔ taalɛku bekyuli bani kemmo na eli.

Batalane Kabla 4:30

Tuku bekyuli na abwi-ma, na abla akɔla pii ebu na ƒ'ubidi Yesu Kedee lɛnyi kemmo.”

Batalane Kabla 3:16

Ɔkɛnku Yesu lɛnyi kemmo ɔsu na ɔnana ɔni na bɛgyi na bɛɛnu mɛni ɔ́kɛ lɛlɔkplu. Na ka ɔ́ƒɔ Yesu ɔ́di ɔsu ni, Blɔti ɔ́bwi-nwu na bina anumi.”

Batalane Kabla 9:34

Na ka Petro ɔ́nu-nwu ni, ɔ́su-nwu ɔnini, “Enea, nu! Yesu Kristo ɔ́bwi-ɔ! Ta nye! Na abuma ƒula atɛla.” Na mmɔ kani na ɔ́ta únye ku ɔlɔkplu.

Batalane Kabla 3:12

Amu ka Petro ɔ́nu bekyuli bammɔ ni, ɔ́su-ma ɔnini, “Israelƒuɔ, bi mɔɔbla-mii dɛye dɛye pii taasiku lɛla lɛmɛni lɛlɔ lɛni? Na bi ɔsu na bɛɛnu-bu aani bekyuli kedee badi na bɔdi? Bitakali bɛnii abu alati ɔyikun kemmo na búti bɔ́bwi ukyuli ɔmɛni!

Marko 5:23

Na úvele-nwu kpakplaa ɔnini, “Buvele nda-a! Mina ubi ulekubi blii ɔdi uuƒi geen. Anwuɔsu bo na ebeti ƒula enu asia-nwu lɛlɔ kalɛ na wakɛ ɔlɔkplu na welie ngba.”

Kɔgya 91:13

Adubɔdi bagyata ku balakpi bekpidi ƒui lɛlɔ na balakana-a lɛla lɛdi bɔbla.

Romaƒuɔ 16:20

Katɔti ɔni muute keyi buɛɛ ɔdubususu ukisine ɔmmɔ kpɛtɛ kpɛtɛ na ɔya na bɛdi-nwu lɛlɔ na uwi klukui kemmo. Blɔti Yesu Kristo lɛƒɔndia lɛsiaku-mii.

Korintoƒuɔ 1 12:9

Na ɔbambadi ubo bɔƒɔtaadi ɔkɛnku Kɔyu kɔmmɔ kani lɛlɔ. Na ɔdi ni, ubo litela lɛni na uti ɔbwi ɔlɛ ɔkɛnku Kɔyu kɔmmɔ kani lɛlɔ.

Batalane Kabla 4:10

bite-mi kuƒi na lɛsu amii ku Israel kalɔ lɛlɔ bekyuli ƒui lɛla lɛdi. Ɔkɛ Yesu Kristo ɔni nási Nasaret lɛnyi kemmo ɔni na amii bɛ́ya na bákana bámana ugyii lɛlɔ na Unwoti ɔ́sɔ ɔ́gyila-nwu ɔ́lɛku kekpine ɔsu na ukyuli ɔmɛni lɛlɔ lɛ́yu ɔkplu.

Batalane Kabla 4:22

Na ukyuli ɔni na bábwi mmɔ ɔdubɔƒɔ utulo akwa aavlene.

Ala Kalɔ Buse 3:15

Na ndubɔya na awɔ ku uleku ɔmɛni binwini bekisine, na ƒula ubi ku uleku ɔmɛni ubi lɛnɔ benwini bekisine. Ɔdubo-ɔ lili bubo bɔbwɛ, na awɔ adu-nwu lɛnikpo.”