Marko 16:17 - Katɔti Ɔku Kedee

¹⁷ Na Katɔti ɔdubute baƒɔtaadine ɔyikun na babla akɔla lidu lidu. Badubɔgya ayu ekpidi na mina lɛnyi kemmo. Badubutemi adi lidu lidu.

Marko 16:17 Referans Kwoze

Batalane Kabla 5:16

Amu na béti balɛne ku bekyuli bani na ayu ekpidi eekpóku-ma ƒui básiku lɛma lɛni nkya Yerusalem amadɔ béboku-ma kudɔ na bábwi-ma ƒui.

Korintoƒuɔ 1 12:28

Na baƒɔtaadine lɛkpa kemmo ni, Katɔti úti bula ƒui úse ekpo ani námanku-bu. Udeedi ni, batalane. Na unyɔdi ni, kenye bediene. Na ɔtɛdi ni, ala batinane, asa na bani mɔɔbla akɔla budie taatina. Na bani mbo ɔyikun ɔni na babwi lɛlɛ iye bebunku bekyuli iye banu kabla lɛlɔ iye batɛmi adi lidu lidu lɛnɔ basia-ma kama.

Korintoƒuɔ 1 12:10

Ukyuli bamba ni, ɔɔkana na ɔɔbla akɔla budie taatina. Na ɔdi ni, kalɛ na ɔsu Katɔti litemi. Na ɔbambadi ni, ayu lidu bɔnu taati. Na ɔdi ni, adi lidu bɔtɛmi. Na ɔbambadi ni, adi lidu kalɔ budie.

Batalane Kabla 8:7

Ɔ́bɔku ayu ekpidi pii ɔ́lɛku bekyuli lɛlɔ kemmo, na ayu ekpidi amɛni áva momoomo asa na ávi álɛ-ma lɛlɔ kemmo. Amu na ɔ́sɔ ɔ́bwi bani na lɛlɔ kakɛ kenwi kékpi-ma ku ama bani náƒɛ bewi kalɔ lɛnɔ.

Luka 10:17

Nkyuli liti ku aavlanyɔ-inyɔ bammɔ básɔ bénwini bébo ku ebiti. Na bábasu-nwu banii, “Blɔti, ayu ekpidi muedi énu-bu litemi ɔni bɔ́bɔku-ma na ƒula lɛnyi kemmo.”

Batalane Kabla 10:46

Nsu balakana ɔkɔ bɔsia, ɔsika beenú ka beetemi adi lidu lidu na beemwi Blɔti. Amu na Petro úye ɔnini,

Yohane 14:12

Mɔɔsu-mii geen nnii ukyuli biala ɔni mɔɔƒɔ́-mi taadi ni, ɔdubɔbla ala ani na mɔɔbla. Na ɔdubɔbla-nya utulo kalɛ na lɛ́bla. Ɔsika bɔtɔlɔ nda nteesie mina Ɔti kudɔ.

Batalane Kabla 19:6

Na uwi ɔni na Paulo úti enu ɔ́sia-ma lɛlɔ ni, Katɔti Kɔyu kɔ́ƒɔ-ma lɛlɔ kemmo ƒui, na bésie kalɔ ku adi lidu lidu butemi na bédie Blɔti ala kenye.

Korintoƒuɔ 1 14:2

Ukyuli ɔni muutemi adi lidu ni, ulátɛmiku bekyuli, mmomu Katɔti na ɔɔtɛmiku. Ɔsika ukyuli ɔdi ulenu-ni kalɔ, na bɔsu na ɔɔsu ala abɛdi ɔkɛnku Katɔti Kɔyu ɔyikun lɛlɔ.

Korintoƒuɔ 1 12:30

Na ɔɔɔdi ɔdi biala mbo ɔyikun ɔni na uti ɔbwi lɛlɛ iye ɔtɛmi adi lidu iye udie ala ani básu kalɔ.

Korintoƒuɔ 1 13:1

Si lɛ́kana na mɔɔtɛmi adi lidu lidu ani na bekyuli ku Katɔti batu ƒui bebo na naaayɔ bekyuli ni, mina kenye kani mɔɔsu ƒui kadi lɛsɛ likpludi aani kalɛ na lebomo iye kabontobi kaaku.

Batalane Kabla 16:18

Amu na lɛla lɛmɛni lísie anumi emeyi pii. Na ka Paulo ɔ́nɔ bɔnu ni, únwini na ɔ́su kɔyu kɔni nsiaku ugblebi ɔmɛni ɔnini, “Mɔɔbɔku-ɔ na Yesu Kristo lɛnyi kemmo nnii vi lɛ-nwu lɛlɔ!” Na kɔnakunwi ni, kɔyu kukpidi kɔmɛni kɔ́vi kɔ́lɛ-nwu lɛlɔ kemmo!

Marko 9:38

Nwuna kama ni, ɔtɛyane ɔni baalɔ Yohane ɔ́su Yesu ɔnini, “Ala ɔtinane, bɔ́nu ka ukyuli ɔdi ɔkya ɔɔbɔku ayu ekpidi na ƒula lɛnyi kemmo. Na bɔ́su-nwu bɔnii ɔda ɔya, ɔsika uuubo-bu akɔ.”

Batalane Kabla 2:33

Na ɔƒaani ni, Katɔti úte-nwu kenyekɔ kenengudi na nwuna kɔdianu, na úti nwuna Kɔyu úte-nwu aani kalɛ na ɔ́su úse. Lɛni na anwu lɛnɔ ɔ́tala-ku ɔ́kya-bu. Anwuɔsu na bɛɛnu na biinú lɛla lɛni mɔɔlɛ́ mɛni.