Marko 16:16 - Katɔti Ɔku Kedee

¹⁶ Ukyuli ɔni náƒɔ litemi buni lɛmɛni ɔ́di na ɔ́ƒɔ ntu bɔkpila ni, Katɔti ɔdubudie-nwu ɔlɛku ekpidi kɔtu bɔni kemmo. Na ukyuli ɔni nátaƒɔ útadi ni, Katɔti ɔdubɔdu-nwu kɔtɔ.

Marko 16:16 Referans Kwoze

Yohane 3:36

“Na ukyuli biala ɔni mɔɔƒɔ́ Ubidi ɔmɛni taadi ni, ubo ngba bɔni nsɔ naaadubo bɔsa kudii. Na ukyuli ɔni muuní ka ɔdi Ubidi litemi lɛlɔ ni, ulákɛ ngba bɔmmɔ. Mmomu Katɔti kɔnyi kɔdubo butaasiaku-nwu.”

Batalane Kabla 2:38

Amu na Petro ɔ́su-ma ɔnini, “Ɔlɛka bina akɔ ɔdi biala ɔda ekpidi bɔbla ɔya na unwini ubo Blɔti kudɔ, na ɔƒɔ ntu bɔkpila ɔdi na Yesu Kristo lɛnyi kemmo kalɛ na Katɔti uti nwuna ekpidi ɔkyiɛ-nwu, na ukyuli ɔmmɔ wakɛ Katɔti Kɔyu aani kalɛ na Blɔti ɔ́su úse.

Yohane 5:24

“Na mɔɔsu-mii geen ka ni, ukyuli ɔni muunú-mi litemi na ɔɔƒɔ́ Katɔti ɔni nátala-mi taadi ni, uli ngba bɔni nsɔ naaadubo bɔsa kudii. Na Katɔti uládu-nwu kɔtɔ na nwuna ekpidi ɔsu. Mmomu ɔ́ɔvia kukpi ntu úduo ngba bɔwɔdi kemmo.

Yohane 8:24

Lɛ́su-mii ka bɛdubo bukpi bɔkya bina ekpidi kemmo. Na si bítaƒɔ bítadi ka ami ndi Anwu ɔmmɔ ni, bɛdubo bukpi bɔkya bina ekpidi kemmo sɔsɔ.”

Yohane 6:29

Amu na Yesu údie kenye ɔnini, “Lɛla lɛni na Katɔti ɔɔwia ka bɛbla ndi ka bɛƒɔ ukyuli ɔni na ɔ́tala bɛdi.”

Yohane 3:5

Amu na Yesu ɔ́su-nwu ɔnini, “Mɔɔsu-ɔ geen ka ni, si bátawɔ ukyuli bátalɛku ntu ku kɔyu kemmo ni, ulakana Katɔti lɛga kadikɔ mmɔ buduo.

Batalane Kabla 10:43

Na Katɔti kenye bediene bénweni básiku-nwu lɛlɔ ka ukyuli biala ɔni maƒɔ-nwu madi ni, Katɔti ɔdubɔƒɔ nwuna ekpidi udie-nwu lɛlɔ na anwu Yesu lɛnyi kemmo.”

Yohane 20:31

Na amɛni kani na línweni líse kalɛ na bɛƒɔ bɛdi ka Yesu ndi Ukyuli Ɔƒunadi ɔmmɔ. Na anwu ndi Katɔti Ubidi ɔni na si bɛ́ƒɔ-nwu bɛ́di ni, na ɔya na bilie ngba na nwuna ɔyikun kemmo.

Budie Taatina 20:15

Na ukyuli ɔni na bétenweni-nwu lɛnyi bátakya ngba ɔku ɔmɛni kemmo ni, béti-nwu bébo bákya lɛgyavonku lɛmmɔ kemmo.

Yohane 6:35

Mmɔ na Yesu ɔ́su-ma ɔnini, “Ami ndi adila ani mɔɔyá na bekyuli beelie ngba. Na ukyuli ɔni muubo-mi kudɔ ni, kɔka kɔsɔ kulada-nwu. Na ukyuli ɔni mɔɔƒɔ́-mi taadi ni, utukwɛ ɔsɔ ulada-nwu kudi kudii.

Petro 1 3:21

Na ɔmmɔ mɔɔtina-bu lɛla lɛni na bula ngba bɔƒɔ ntu bɔkpila ɔdi ɔmɛni ɔdanku. Ɔɔɔdi ɔlɔna lɛlɔ bɔkpi na ɔdi, mmomu ɔkɛnku kenye kani na búse búte Katɔti ku kayi kani nse sɛɛn lɛlɔ na ɔdi. Katɔti ɔɔƒɔ́-bu ɔkɛnku kalɛ na bɔ́ƒɔ Yesu Kristo bɔsɔ bɔta bɔlɛ bekpine akɔ bɔ́di ɔsu.

Marko 1:15

Ɔkya ɔɔsu ɔnini, “Uwi ɔbuni ɔmmɔ úudu. Katɔti lɛga bɔdi uwi úude. Binwini kama bɛkya bina ekpidi na bɛƒɔ litemi buni lɛmɛni bɛdi!”

Batalane Kabla 22:16

Na ɔƒaani ni, lɛla lɛdi lɛ́sɔ lítebu. Ta, na aƒɔ ntu bɔkpila ɔdi. Na akpali Blɔti lɛnyi, na ɔdubɔƒɔ ƒula ekpidi udie-ɔ lɛlɔ.’

Yohane 6:40

Ɔsika lɛla lɛni na mina Ɔti ɔɔwia ndi ka ukyuli biala ɔni muuti anu taasia ami Katɔti Ubidi lɛlɔ na ɔ́ƒɔ-mi ɔ́di ni, ɔdubɔkɛ ngba bɔni nsɔ naaadubo bɔsa kudii na lɛgyila-nwu na limeyi likplodi lɛmmɔ lɛlɔ na ɔsɔ ubelie ngba.”

Petro 1 1:21

Na ɔkɛnku Kristo ɔmɛni lɛlɔ ɔsu na bɛ́ƒɔ Katɔti bɛ́di. Na anwu nágyila-nwu ɔ́lɛku kekpine na úte-nwu keliekɔ kenengudi geen. Ɔmmɔ geen ɔsu na bɛ́ƒɔ Katɔti bɛ́di na bɛsia-nwu anu.

Batalane Kabla 2:41

Ɔmɛni ɔsu ni, bana akɔ pii báƒɔ Petro litemi bádi, na bákpila-ma ntu na Yesu lɛnyi kemmo, na bana bumomo bɔbla aani nkyuli mpim ɛtɛ. Na ama lɛnɔ béti lɛlɔ bebunku baƒɔtaadine bammɔ limeyi lɛmmɔ.

Luka 8:12

Na edula ani nálɛ ébo ulu kɔtu ese aani bekyuli bani muunú, nsu ukisine uubo taabada litemi lɛmmɔ teedie-ma kayi kemmo. Na ɔ́ya-ma na balakana bɔƒɔ bɔdi na Katɔti ɔƒɔ-ma ngba.

Mateo 28:19

Anwuɔsu biteesie kayawi kadi biala bekyuli akɔ na bɛtina-ma ala kalɛ na benwini mina batɛyane. Na bɛkpila-ma ntu na Ati ku Ubi ku Katɔti Kɔyu lɛnyi kemmo.

Budie Taatina 21:8

Nsu bekyuli bani mbo liƒu ku bani nátaƒɔ bátadi ku bani muusé lɛlɔ ku bekyuli badune ku bayalɛ ku evo baƒɛne ku bani mɔɔkpá baƒiɔ ku ɔkɔ banyine ku bana udu ƒui ni, badubuduo lɛgyavonku lɛni mɔɔda ku ogya atabi mmɔ kemmo. Na ɔmmɔ madi kukpi kunyɔdi kɔmmɔ.”

Batalane Kabla 13:39

Ukyuli biala ɔni náƒɔ Yesu ɔ́di ni, Katɔti ɔdubute-nwu ubo. Ɔmɛni ndi lɛla lɛni na Mose ɔda bubo bútakana bɔbla kudii.

Romaƒuɔ 4:24

Mmomu ɔdanku abu bani lɛnɔ na Katɔti ɔdubɔnu ka buse siin ɔkɛnku kalɛ na bɔ́ƒɔ Katɔti ɔni nágyila Blɔti Yesu ɔ́lɛku kekpine mmɔ bɔ́di lɛlɔ.

Tesalonikaƒuɔ 2 2:12

Kawɔlɔkɔ ƒui ni, Katɔti ɔdubɔdu-ma kɔtɔ, ɔsika bátaƒɔ litemi buni bátadi. Mmomu bátaakɛ ebiti na ekpidi bɔbla kemmo.

Tesalonikaƒuɔ 2 1:8

Na bekyuli bani naaabu Katɔti na bátaƒɔ Blɔti Yesu Kristo litemi buni bátadi ni, ɔdubɔni-ma kɔtu na lɛgyavonku kemmo.

Batalane Kabla 13:46

Amu na Paulo ku Barnaba bése kayi na básu-ma banini, “Ɔlɛka bɔsu Katɔti litemi buni lɛmɛni buti bute Yudaƒuɔ kudeedi. Na ka bíni litemi lɛmɛni na bɛ́su bɛnii bilayɔ ngba bɔƒɔ bɔmɛni ɔsu ni, búti-ni búselaku bani naaadi Yudaƒuɔ.

Romaƒuɔ 3:6

Na si buse na use aani kalɛ na baakali ni, bi lɛlɔ na Katɔti ɔdubunye ɔtɛku bayawine ƒui litemi?