Marko 16:14 - Katɔti Ɔku Kedee

¹⁴ Kukplodi ni, Yesu údie lɛlɔ ɔ́tina nwuna batɛyane leevu-unwi uwi ɔni na belie baadi. Nsu ɔ́dɔnku-ma ɔsika beeebo bɔƒɔtaadi, na bábla atu ɔkplu bágya, na bátaƒɔ bekyuli bani nánu-nwu ka ɔ́ta ɔ́sɔ úbo uli ngba bátadi.

Marko 16:14 Referans Kwoze

Korintoƒuɔ 1 15:5

Na údie lɛlɔ ɔ́tina Petro ku batalane leevu-inyɔ bammɔ.

Budie Taatina 3:19

“Bekyuli bani na mɔɔyɔ́ ni, ama na mɔɔdɔnku na mɔɔní-ma kɔtu. Anwuɔsu bɛsia lɛlɔ anu kpakplaa na binwini kama bɛkya bina ekpidi.

Yohane 20:27

Amu na ɔ́su Toma ɔnini, “Bo, na ebeti ƒula lɛnimi akya mɛni. Na anu mina enu. Na eti ƒula kɔnu akya-mi ɔƒɛnyi. Na ada ƒula taƒɔ tadi aya. Na aƒɔ adi ɔƒɛni kani!”

Mateo 11:20

Na lɛma lɛni kemmo na Yesu ɔ́bla akɔla pii ni, bekyuli bammɔ bétenwini kama bátakya bana ekpidi. Anwuɔsu úse kalɔ na ɔɔdɔnku-ma.

Luka 24:25

Amu na Yesu ɔ́su-ma ɔnini, “Bɛ́dɔlɔ! Na bina bɔƒɔtaadi na ala ani na Katɔti kenye bediene básu-mii lɛlɔ bɔba!

Marko 7:18

Yesu ɔ́su-ma ɔnini, “Si bítenu litemi lɛmɛni kalɔ ni, na bina kasusu kalákana ala buƒie! Use nwaa ka lɛla biala lɛni muuduo ukyuli lɛlɔ kemmo ni, lilaya na ukyuli uusé lɛlɔ. Ɔsika líteduo-nwu kayi kemmo.

Mateo 17:20

Yesu údie kenye ɔnini, “Bina bɔƒɔtaadi na mina lɛlɔ bɔ́sɔ. Mɔɔsu-mii nwaa nnii si banii bibo bɔƒɔtaadi bɔni nse aani edula kebi kebliidi ƒui ni, nka bɛdubɔkana na bɛsu kɔbi kɔmɛni bɛnii, ‘Gyu mɛni, ténye ngye!’ Na kɔdubusie. Lɛla biala liiibo na bilakana bɔbla!

Bumomo Bɔka 14:11

Amu na Unwoti úye Mose ɔnini, “Na akɔla ala lidu lidu lɛni na lɛ́bla na bekyuli bamɛni anumi kama ni, uwi ɛlɛ na badubuni-mi bétédu, na baláƒɔ-mi baladi, na bataata teenye taanu-mi anumi lɛni?

Mateo 28:17

Na ka bánu-nwu ni, bana badi bémwi-nwu. Nsu badi lɛnɔ kasusu kábla-ma inyɔ inyɔ.

Luka 24:11

Nsu batalane bammɔ bákali banii ala ani na beleku bammɔ básu-ma adi kɔdɔlɔ etemila. Na bátaƒɔ bátadi.

Yohane 20:25

Anwuɔsu ka úbebo ni, batɛyane bakladi bammɔ básu-nwu banini, “Abu bɔ́ɔnu Blɔti!” Amu na Toma ɔ́su-ma ɔnini, “Si ńtanu kɔbwɛlɛ eƒi lɛtaala na nwuna enu na liti mina lɛnimi lɛkya-nya kemmo na liti mina kɔnu lɛkya-nwu ɔƒɛnyi ni, lɛɛɛdubo bɔƒɔ bɔdi.”

Yohane 20:26

Amu na Kwasida unwi kama ni, batɛyane bammɔ básɔ bása belie ɔtɔ kemmo, na Toma lɛnɔ ɔkya-ma akɔ. Básɔ bákalɛ ɔtɔ ɔmmɔ lɛni kani. Nsu Yesu úbo na úbenye-ma ntɛ, na ɔ́su-ma ɔnini, “Keyi buɛɛ kasiaku-mii.”

Yohane 21:1

Ɔmmɔ kama ni, Yesu ɔ́sɔ údie lɛlɔ ɔ́tina nwuna batɛyane kunwi na Tiberia Ɛpu kudɔ. Na kalɛ na úbalɛ na ndubo bɔsu mɛni.

Yohane 21:14

Na ɔmɛni ndi kɔtɛdi kɔni na Yesu údie lɛlɔ ɔ́tina nwuna batɛyane ɔni na ɔ́ta ɔ́lɛ kekpine.

Batalane Kabla 1:3

Na emeyi aavlene kemmo na nwuna kukpi kama ni, údie lɛlɔ ɔ́tina-ma kɔlɛ kɔlɛ ɔni na ɔ́tina geen ka ɔ́kya ngba. Ama bani nánu-nwu ni, ɔ́tɛmiku-ma ɔ́siku nwuna Ɔti lɛga kadikɔ ala lɛlɔ.