Marko 15:47 - Katɔti Ɔku Kedee

⁴⁷ Na uwi ɔmɛni kemmo ni, Maria Magdalene ku Maria ɔni ndi Yose uni bébo mmɔ bébenye bánu kesii kani na béti Yesu ukpine bátákya.

Marko 15:47 Referans Kwoze

Marko 15:40

Beleku badi lɛnɔ benye ɔgyu na baanu. Bana akɔ badi ndi Maria Magdalene ku Salome ku Maria ɔni bebi ndi Yakobo ɔnamudi ku Yose.

Marko 16:1

Kadi kégye useyi uwi ɔni na lɛnwunameyi kadi káyu ni, Maria Magdalene ku Maria ɔni ndi Yakobo uni ku Salome bétéye klobo banii batáwɛɛ Yesu ukpine.

Luka 23:55

Na beleku bani nsiaku Yesu ɔ́si Galilea ni, básiaku Yoseƒ bésie kaƒiɔtɔ kudɔ kesii kani na báva Yesu ukpine ɔmmɔ.

Mateo 28:1

Ka kadi kégye Kwasida ɔtanta ni, Maria Magdalene ku Maria ɔkladi ɔmmɔ bésie banii batánu Yesu kaƒiɔtɔ kammɔ.

Mateo 27:61

Na Maria Magdalene ku Maria unyɔdi básɔ bélie kaƒiɔtɔ anumi mmɔ.

Mateo 27:56

Bana badi ndi Maria Magdalene, ku Maria ɔni ndi Yakobo ku Yoseƒ uni, ku Yohane ku Yakobo uni.

Marko 15:46

Amu na Yoseƒ úse útáƒami Yesu ukpine na únyimi-nwu ɔ́kya lɛdiku lɛwɔdi lɛni na úye kemmo. Na úti-nwu útákya lɛtakpɛ kaƒiɔtɔ kani béku bése na kɔbi kɔdi kaƒɔna. Amu na ɔ́ya na béminime lɛtakpɛ lɛdi béti bétile kaƒiɔtɔ kamɛni kenye.