Marko 15:45 - Katɔti Ɔku Kedee

⁴⁵ Na ka unengu ɔmɛni ɔ́su-nwu ka sɔsɔ na ɔdi ni, Pilato úte Yoseƒ kuƒi ɔnii utáƒami ukpine ɔmmɔ.

Marko 15:45 Referans Kwoze

Yohane 19:38

Ɔmmɔ kama ni, Yoseƒ ɔni nási ɔma ɔni baalɔ banii Arimatea ni, úvele Pilato ɔnii ɔnyonu Yesu ukpine ute-nwu. Na Yoseƒ ɔmɛni ɔdi Yesu kama basiakune akɔ unwi. Nsu útabla na bekyuli bati, ɔsika ɔɔyia Yudaƒuɔ benengu bammɔ ɔsu. Na ka Pilato ɔ́tuna ni, úbo úbaƒɔ ukpine ɔmmɔ ɔ́tɔlɔku.

Marko 15:39

Na ka bekpone unengu ɔni nnye ugyii ɔmɛni anumi únu Yesu bɔva na ɔ́nu kalɛ na úkpi ni, ɔ́su ɔnini, “Sɔsɔ na ukyuli ɔmɛni ɔdi Katɔti Ubidi.”

Mateo 27:58

Úsie Pilato kudɔ na útéye-nwu ɔnii uti Yesu ukpine ute-nwu. Pilato úte kuƒi ka beti ukpine ɔmmɔ bete-nwu.

Marko 15:44

Ɔmɛni ɔ́bla Pilato kalɛ kadi ka únu ɔnii Yesu úkpi pla lɛni. Anwuɔsu ɔ́lɔ bekpone unengudi ɔni nnye ablala amɛni kenye mmɔ, na úye-nwu únu si Yesu úukpi sɔsɔ.

Marko 15:46

Amu na Yoseƒ úse útáƒami Yesu ukpine na únyimi-nwu ɔ́kya lɛdiku lɛwɔdi lɛni na úye kemmo. Na úti-nwu útákya lɛtakpɛ kaƒiɔtɔ kani béku bése na kɔbi kɔdi kaƒɔna. Amu na ɔ́ya na béminime lɛtakpɛ lɛdi béti bétile kaƒiɔtɔ kamɛni kenye.