Marko 15:32 - Katɔti Ɔku Kedee

³² Si anwu ɔni baalɔ Yudaƒuɔ Ɔga mɛni ndi Kristo ɔni na Katɔti ɔ́ƒuna úse sɔsɔ ni, ɔkya ɔkplu na ɔyu ɔ́si ugyii lɛlɔ ubo kalɔ na bɔƒɔ-nwu bɔdi!” Nkyuli inyɔ bani na bákana bámana ligyii lɛlɔ bébunku Yesu mɛni ni, ama lɛnɔ bédumi-nwu.

Marko 15:32 Referans Kwoze

Mateo 27:44

Lɛni kani na beyune bani na bákana-ma bámana ligyii lɛlɔ bébunku Yesu lɛlɔ mmɔ bédumi-nwu.

Timoteo 2 2:18

Bénwini kama bákya litemi geen lɛmmɔ na bakya beeƒú baƒɔtaadine badi kasusu banii bula ngba bɔsɔ bɔta bubelieku Katɔti búubo búbavi.

Mateo 1:17

Anwuɔsu ɔ́si Abraham lɛlɔ úbalɛ Dawid lɛlɔ ni, ɔdi kaba leevu-ine. Na ɔ́si Dawid lɛlɔ úbalɛ uwi ɔni na Babilonƒuɔ béƒie Israelƒuɔ bésienku bana kalɔ lɛlɔ lɛnɔ ɔdi kaba leevu-ine. Na ɔ́sɔ ɔ́si uwi ɔmmɔ kemmo úbalɛ uwi ɔni báwɔ Ukyuli Ɔƒunadi ɔmmɔ lɛnɔ ɔdi kaba leevu-ine.

Sakaria 9:9

Ukyuli biala ɔni nkya Sion ɔdi limeyi na ɔva momoomo ku ebiti banini, “Bɛnu! Bina ɔga ɔdubo-mii kudɔ. Use siin na ɔdanku bɔƒɔ. Uboku lɛlɔ kalɔ na ulie ebuo ala utine ubi lɛlɔ ɔdubo.

Seƒania 3:15

Sion, ƒula lɛtuni lɛ́sa. Unwoti ɔ́bɔku ƒula bekisine na básɔ bénwini na ƒula kama. Bina Unwoti ɔni ndi Israel Ɔga unye-mii kudɔ, anwuɔsu ɔ́sɔ útalɛka bɛyia ɔgbankpi ɔdi lɛnɔ.

Yesaia 44:6

“Ami ndi Unwoti Ɔyikune Ƒui, udeedi ku ukplodi, Israel Katɔti unwi ɔni kani nkya, na ndi bina Ɔga ɔni náƒɔ-mii ngba.

Romaƒuɔ 3:3

Nsu si úbo úte ka badi bátaƒɔ bátadi nɔɔ? Aaƒɔ́ taadi ka Katɔti uladi nwuna etemila lɛlɔ?

Yohane 12:13

Anwuɔsu béti kuke na bálɛ bésie bátásiaku-nwu. Na baava taasu banini, “Hosiana! Bimwi anwu ɔni ndubo na Blɔti lɛnyi kemmo! Bimwi Israelƒuɔ Ɔga!”

Yohane 1:49

Natanael ɔ́su-nwu ɔnini, “Rabi, awɔ ndi Katɔti Ubidi. Awɔ ndi Israelƒuɔ Ɔga.”

Marko 15:26

Na bébo kegyiikɛ kadi bámana-nwu eli na bénweni lɛla lɛni ɔsu na bádu-nwu básia-ka lɛlɔ banini, “Ɔmɛni ndi Yudaƒuɔ Ɔga.”

Mateo 27:42

“Úbunku badi, nsu ulákana na ubunku lɛlɔ. Ɔɔɔdi anwu ndi Yudaƒuɔ Ɔga ɔmmɔ? Ɔyu ɔsi ugyii ɔmmɔ lɛlɔ na bɔnu na bɔƒɔ-nwu bɔdi!

Marko 15:27

Na bákana beyune inyɔ lɛnɔ bámana ligyii lɛlɔ mmɔ bébunku Yesu. Unwi ɔ́ma-nwu kɔdianu kakɛ, na unwi lɛnɔ ɔ́ma-nwu kɔmiinu kakɛ.