Marko 15:24 - Katɔti Ɔku Kedee

²⁴ Amu na bekpone bammɔ bákana-nwu bámana ugyii lɛlɔ mmɔ. Na bátu egulabi bánu asa na béti nwuna lɛwu béle béte lɛlɔ kalɛ na bati ɔdi biala ku nwuna lɛla.

Marko 15:24 Referans Kwoze

Luka 23:34

Mmɔ na Yesu ɔ́su ɔnini, “Ati, ti kyiɛ-ma, ɔsika baaagyi lɛla lɛni na baabla.” Ɔmmɔ kama ni, bekpone bammɔ béle Yesu adala aani kalɛ na ɔdi biala egulabi ani na ɔ́tu ádi kalɛ.

Petro 1 2:24

Kristo ɔlati náƒɔ bula ekpidi lɛbibo ɔ́sia lɛlɔ útédu ka bákana-nwu bámana ugyii lɛlɔ na bádu-nwu. Ɔ́bla ɔmɛni kalɛ na bɔlɛ likpidi kemmo kalɛ na likpidi lɛsɔ liladi-bu lɛlɔ. Na bulie ngba na butaabla ala ani mɔɔyɔ́ Katɔti kaƒɔ. Abi ani na Kristo úbo na bula lili mɛni náya na abu bɔ́yu ɔkplu na kɔyu kemmo.

Galatiƒuɔ 3:13

Na Kristo nébo úbada-bu údie ewida kemmo. Na anwu nébenwini ewidala úte-bu. Ɔsika bénweni banii, “Ewida asiaku ukyuli ɔni na badubuti baƒala ugyii lɛlɔ.”

Korintoƒuɔ 2 5:21

Kristo útabla likpidi lɛdi. Nsu bula alaekpidi lili ɔsu na Katɔti úti-nwu ɔ́bla alaekpidi ɔblane. Na ɔmɛni maya na abu bani mablaku-nwu unwi ni, bɔbla siin na Katɔti anumi.

Batalane Kabla 5:30

Yesu ɔni na amii bɛ́ya na bákana bámana ugyii lɛlɔ na úkpi ni, bula bati kuuku Katɔti ɔ́gyila-nwu ɔ́lɛku kekpine na ɔ́sɔ úbo uli ngba.

Lɛkpa Ulu 21:23

utalɛka ukpine ɔmmɔ ɔƒa mmɔ ugye kadi. Ɔlɛka bava-nwu limeyi lɛmmɔ kani. Si ɔɔɔdi lɛni ni, bɛdububile kalɔ kani na bina Unwoti Katɔti úti uute-mii mmɔ. Ɔsika ukyuli ɔni na báƒala-nwu ugyii lɛlɔ ɔdanku Katɔti ewida.

Batalane Kabla 2:23

Nsu na Ɔti bɔyɔ ku kakali kemmo ni, ɔ́nyonu-nwu úte-mii na bɛ́kɛ ekpidi bablane lɛlɔ na bɛ́du-nwu uwi ɔni na bɛ́kana-nwu bɛ́mana ugyii lɛlɔ.