Marko 15:18 - Katɔti Ɔku Kedee

¹⁸ Na bakya beewi-nwu anumi kalɔ banini, “Yiidu! Yudaƒuɔ Ɔga ulie ngba gyɔlɔɔ!”

Marko 15:18 Referans Kwoze

Marko 15:2

Mmɔ ni, Pilato úye Yesu ɔnini, “Awɔ ndi Yudaƒuɔ Ɔga?” Yesu ɔ́su-nwu ɔnini, “Ɛɛn, lɛni na use aani kalɛ na adaku bɔsu.”

Ala Kalɔ Buse 37:20

Na básu lɛnɔ banini, “Bibo na bɔdu-nwu na bubo-nwu bɔkya abiɔ amɛni ɔdi kemmo. Na bɔsu ka eƒiebuo ɔdi néƒie-nwu ɔ́kun. Na bɔsɔ bɔnu kalɛ na nwuna ana ani na úgye mmɔ adubɔbla kabla.”

Ala Kalɔ Buse 37:10

Ka útásu ɔti lɛnɔ kɔna kɔni na úgye na nwuna banwani anumi ni, ɔti ɔ́dɔnku-nwu na ɔ́su-nwu ɔnini, “Bi kɔna na égye mɛni. Litemi geen na lɛdi mɛni ka ƒ'ini ku ƒula banwani ku ami ɔlati bɔdubo lili kalɔ bɔkya bute-ɔ?”

Mateo 27:29

Na bédi liyu kabwa bébi-nwu lili asa na béti ugyii bákya-nwu kɔdianu lɛkɔkɔ. Bábla-nwu ala amɛni ƒui aani ɔga kalɛ. Na bálɛ akɔnkɔ na nwuna anumi, na baamá-nwu taasu banii, “Yiidu! Yudaƒuɔ Ɔga ulie ngba gyɔlɔɔ!”

Marko 15:17

Amu na béti awu ugyiedi ɔdi bákya Yesu aani ɔga kalɛ, na bédi liyu kabwa kadi bébi-nwu aani kagabwa.

Marko 15:19

Béti kegyiimi bébo-nwu kuli na bétuo lisuo béwi-nwu lɛlɔ. Amu na bálɛ akɔnkɔ na nwuna anumi na béboku eli kalɔ béte-nwu.

Yohane 19:3

Na beesié teebo-nwu kudɔ taabasu-nwu banini, “Yiidu! Yudaƒuɔ Ɔga ɔ́si ɔdubo o-o!” Na si básu-nwu lɛni ni, na bébo-nwu kɔnu ɔtugya.