Marko 14:44 - Katɔti Ɔku Kedee

⁴⁴ Kakya ɔkyane ɔmɛni ɔ́su bekyuli bamɛni úse ɔnini, “Ukyuli ɔni na bɛdubɔnu ka mɔɔkya kɔgbu ni, anwu mmɔ. Biƒie-nwu na bɛda-nwu kpakplaa bɛtɔlɔku.”

Marko 14:44 Referans Kwoze

Agba 27:6

Si ƒula ɔkpana ɔ́kya-a ɔlɛ lɛlɔ ni, ɔdia utulo ɔni na ƒula ukisine úbakya-a kɔgbu ɔnii bɔƒianku na ɔda-a.

Israelƒuɔ Bɔlɛ 12:13

Na uwi ɔni mɔɔní Egyipteƒuɔ kɔtu ni, ubugya ɔni bɛ́kuna bíwi bina kɔyakun ndubɔbla bina likposela ka amii nlie mmɔ. Na si lɛ́nu ubugya ɔmmɔ ni, ndububo lɛvi-mii lɛlɔ, na naaabla-mii lɛla lɛdi.

Tesalonikaƒuɔ 2 3:17

Ami Paulo muunweni bɔkada bɔmɛni ku ami ɔlati mina kɔnu aani likpose lɛni mɔɔtina ka ami na ɔdi. Lɛni na muunweni na mina lɛku ƒui kemmo.

Ƒilipiƒuɔ 1:28

Bitayia bina bekisine. Mmomu binye kpakplaa uwi biala kemmo. Na ɔmɛni ndubɔtina-ma ka Katɔti ɔdubɔƒɔ-mii na ɔyila-ma udu. Ɔsika Katɔti muukpó bina kekpo teete-mii na anwu mɔɔyá na bɛɛdi kekpo kammɔ lɛlɔ.

Yosua 2:12

“Na mɔɔwia ka bise-mi kenye na Katɔti lɛnyi kemmo ka bɛdubɔbla ami ku mina kaduli bekyuli lɛƒɔndia aani kalɛ na lɛ́bla líte-mii. Anwuɔsu bɛbla likpose lɛla lɛdi bɛtina-mi kalɛ na makana maƒɔ-mii madi.

Batalane Kabla 16:23

Amu ka ebola éduo-ma lɛlɔ kaduɛ ni, béti-ma bátákya aban ɔtɔ. Na básu ukyuli ɔni mɔɔnu ama bani ntɛ ɔtɔ mmɔ lɛlɔ banii ɔda Paulo ku Silas kaduɛ.

Mateo 26:46

Bɛta na buteesie. Bɛnu, kakya ɔkyane ɔmmɔ úude.”

Marko 14:43

Yesu ɔ́mu únye-ma kudɔ mmɔ na ɔdaku bɔtɛmi asa na Yuda ɔni ndi nwuna batɛyane leevu-inyɔ bammɔ kemmo unwi úbo. Na bekyuli lisu lɛni nási bakpane benengu ku ɔda bubo ala batinane ku ɔma benengu kudɔ básiaku-nwu badubo. Bada ligyii ku lɛkɛɛ.

Marko 14:45

Uwi ɔni na Yuda ɔ́da ɔ́lɛ Yesu kudɔ kani na ɔ́lɔ-nwu ɔnini, “Unwoti!” Ka ɔ́ni úde-nwu ni, ɔ́kya-nwu kɔgbu.