Marko 14:41 - Katɔti Ɔku Kedee

⁴¹ Ka ɔ́sɔ únwini úbo kɔtɛdi kɔmɛni ni, úye-ma ɔnini, “Bɔtɛ na bɛtɛ bɛɛnwuna, na bɛdaku bɔlɛɛ? Ɔ́dia, bɛgyinya! Uwi ɔmmɔ úudu! Kakya ɔkyane úuti ami, ɔni ndi Ukyuli Ɔyawine Ubi, ɔkya bekyuli bekpidi enu kemmo. Bɛɛnu-ma ka bási badubo.

Marko 14:41 Referans Kwoze

Marko 14:35

Ka úsie anumi blii ni, ɔ́sɔ úbi kalɔ na úvele Ɔti ɔnii, “Si nka wadia ni, na lɛbibo uwi ɔmɛni ɔvi-mi lɛlɔ.”

Marko 9:31

ɔsika ɔkya ɔɔtina nwuna batɛyane ala. Ɔ́su-ma ɔnini, “Ukyuli ɔdi ɔdubo Ukyuli Ɔyawine Ubi kakya bɔkya na uti-nwu ute bekyuli na badu-nwu. Na limeyi lɛtɛdi lɛlɔ ni, ɔsɔ ɔdubɔta na ulie ngba.”

Yohane 17:1

Ka Yesu ɔ́su-ma ala amɛni ɔ́wɔlɔ ni, ɔ́kɔliku anumi ɔ́nu katɔ na ɔ́su ɔnini, “Ati, uwi ɔmmɔ údu. Kɔliku ami ƒ'ubidi katɔ kalɛ na ami lɛnɔ lɛ́kɔliku ƒula lɛnyi katɔ.

Batalane Kabla 7:52

Katɔti kenye udiene ɔmani na bina bati kuuku bátawia ka badu? Bádu Katɔti kenye bediene bani muedi násu ka Ukyuli Ɔƒunadi ɔni nse siin webo. Na Ukyuli Ɔƒunadi ɔmmɔ lɛnɔ bídie-nwu bíte na bádu.

Yohane 12:27

“Ɔƒɛni ni, kayi keekpóku-mi. Nsu bi na ɔlɛka lɛsu? Bɔsu na lɛsu nnii, ‘Ati, taya na lɛbibo lɛmɛni udu lɛsiaku-mi’? Oowo! Ɔmmɔ ɔsu geen na líbo kalɔ kamɛni lɛlɔ kalɛ na libo abi amɛni udu.

Yohane 12:23

Amu na Yesu údie kenye ɔnini, “Uwi údu ka Katɔti ɔkɔliku ami nwuna Ubidi lɛnyi katɔ na bekyuli anumi.

Yohane 8:20

Kenye kamɛni na ɔ́su-ma na kesii kani nde egulabi kesekɔ na kakpakɔ kemmo mmɔ. Nsu ukyuli ɔdi útakana-nwu buƒie, ɔsika nwuna uwi ɔmmɔ útedu tɔ.

Yohane 7:30

Ɔmɛni ɔsu ni, báwia ka beƒie-nwu. Nsu ukyuli ɔdi útakana-nwu butuku, ɔsika nwuna uwi útedu tɔ.

Marko 14:18

Na uwi ɔni na belie badaku bɔdi ni, Yesu ɔ́su ɔnini, “Mɔɔsu-mii geen ka bina akɔ unwi ɔni na ami ku-nwu bulie bɔɔdi mɛni ɔdubɔkya-mi kakya.”

Marko 14:10

Amu na Yuda Iskariot ɔni ndi Yesu batalane leevu-inyɔ akɔ unwi ni, ɔ́tɔlɔ úsie bakpane benengu kudɔ ɔnii utákya Yesu kakya na uti-nwu ɔkya-ma enu kemmo.

Marko 7:9

Yesu ɔ́sɔ ɔ́su-ma ɔnini, “Bibo kakwɛ kani lɛlɔ bɛɛsia taanyonu Katɔti ɔda bubo taava kalɛ na bɛsiaku bina bati kuuku ɔdi ala bɔbla kama.

Mateo 26:2

“Bɛgyi ka kébu emeyi anyɔ na bɔdi limeyi lɛni bɔɔlɔ Kukpi Lili Bɔvia Limeyi. Na badubuti ami, Ukyuli Ɔyawine Ubi, bete na bakana-mi bamana ugyii lɛlɔ.”

Esekiel 20:39

“Amii Israelƒuɔ bɛsɔ binye bina baƒiɔ bɔkpa lɛlɔ kani, ɔsika lɛɛɛdubo bɔya na binye biteedie-mi lɛlɔ ɔbu na biteeti etela teete baƒiɔ bammɔ lɛni, ɔsika biiibo lɛla bamba lɛdi na bɛƒuna bite lɛlɔ utulo ka binu-mi litemi!

Etemila 11:9

Lɛlɔ lɛyɔ-ɔ na ƒula lɛkloƒu uwi na enu ngba emini. Na teni lɛbuni biala na ánu iye ƒula kayi kaayɔ́ tete lɛlɔ. Nsu tayiƒala ka Katɔti ɔdubɔtɛku-ɔ litemi na lɛla biala lɛni na ábla lɛlɔ.

Baga 2 3:13

Amu na Elisa úye Israelƒuɔ ɔga ɔnini, “Bi na ami ku awɔ bubo bute lɛlɔ? Teesie na atánu kenye bediene bani na ƒ'ɔti ku ƒ'ini bátaanu mmɔ.” Amu na Israel ɔga údie kenye ɔnini, “Oowo! Unwoti néti bula baga ɛtɛ bamɛni ɔ́sala kalɛ na uti-bu ɔkya Moabƒuɔ ɔga enu kemmo.”

Baga 1 22:15

Uwi ɔni na Mikaia úbeduo ni, ɔga úye-nwu ɔnini, “Nsie ntékpoku Ramot-Gilead munuu ntesie?” Amu na Mikaia údie kenye ɔnini, “Teesie na etékpoku-ma, na adubɔdi lɛlɔ. Ɔsika Unwoti ɔdubuti-ma ɔkya-a enu kemmo.”

Baga 1 18:27

Amu ka udu ɔƒiiwi lɛbo ni, Elia úse kalɔ uubo-ma kenye ɔnini, “Bitaakpali-nwu momoomo, ngyi ka ɔkya uuti kasusu kadi. Ɔsika unwoti na ɔdi. Iye kɔnu kɔda-nwu kpakplaa. Iye úsie ulu ɔdi iye ngyi ka ɔtɛ ɔlɛɛ na ɔlɛka bagyila-nwu.”

Litemi Batɛne 10:14

Biteesie na bitákpali baƒiɔ bani na amii bɛnii ama bɛɛyɔ́ mmɔ. Bɛya na ama baƒɔ-mii si bɛkya bukpoku bɔdi kemmo.”

Marko 14:40

Na ɔ́sɔ únwini úbo nwuna batɛyane kudɔ na ɔ́sɔ úbanu ka bátɛ baalɛɛ. Bátakana bana anumi bubimi. Na bátati lɛla lɛni basu-nwu.

Marko 14:42

Bɛta na buteesie butásiaku-ma. Bɛɛnu ukyuli ɔni nákya-mi kakya ka ɔtɔnku-ma.”