Marko 14:26 - Katɔti Ɔku Kedee

²⁶ Amu na bátu ɔnu ɔdi béte Katɔti bumwi na bávi bálɛ bésie Inɔ Egyii Kɔbi lɛlɔ.

Marko 14:26 Referans Kwoze

Mateo 26:30

Amu na bátu ɔnu ɔdi béti bemwi Katɔti, na bávi bálɛ bésie Inɔ Egyii Kɔbi lɛlɔ.

Luka 22:39

Yesu ɔ́vi ɔ́lɛ ɔma ɔmmɔ kemmo na ɔ́tɔlɔ úsie Inɔ Egyii Kɔbi lɛlɔ aani kalɛ na ɔɔyɔ́ bɔbla. Na batɛyane bammɔ lɛnɔ básiaku-nwu.

Budie Taatina 5:9

Bédie ɔnu ɔwɔdi ɔdi banini, “Awɔ námanku ka aƒɔ kakunkɛ kammɔ na amami kɔma kɔmmɔ. Ɔsika awɔ na bádu. Na ɔkɛnku ƒula ubugya akpala ɔsu ni, áƒɔ bekyuli lili kayu, na ásɔku-ma éte Katɔti. Awɔ náƒɔ-ma ásiku kadi ƒui bekyuli ku adi lidu biala batɛmine ku bekyuli lidu ƒui akɔ na kalɔ biala lɛlɔ.

Yakobo 5:13

Si bina ɔdi ɔkya lɛbibo kemmo ni, ɔlɛka ɔkpali Katɔti na ɔdububunku-nwu. Na si lɛlɔ mɔɔyɔ́ ɔdi lɛnɔ ni, utaatu lɛnu teemwi Katɔti.

Koloseƒuɔ 3:16

Bɛya na Kristo litemi buni lilie-mii kayi kemmo kaduɛ. Na bitaatina ala na bitaalɛ lɛlɔ na lɛnunda kemmo. Bitaatu Bunweni Kedee Ɔku kemmo lɛnu ku baƒɔtaadine lɛnu ku lɛnu lɛni nkɛnku Katɔti Kɔyu ala lɛlɔ teeti taagya Katɔti enu ku bina kayi ƒui.

Korintoƒuɔ 1 14:15

Anwuɔsu bi na ɔdi ka lɛbla? Ndubɔkpali katɔ ku mina kɔyu bɔdi, nsu ndubɔkpali katɔ ku mina kasusu lɛnɔ. Na ndubudie lɛnu ku mina kɔyu, nsu ndubudie lɛnu ku mina kasusu lɛnɔ.

Batalane Kabla 16:25

Amu na usientɛ uwi ɔni na Paulo ku Silas bakya baakpali katɔ na beedie lɛnu teete Katɔti ni, bani ntɛ ɔtɔ mmɔ bakya beenú.

Mateo 21:1

Uwi ɔni na Yesu ku nwuna batɛyane bákpɛ béde Yerusalem na bétédu Betƒage na Inɔ Egyii Kɔbi lɛlɔ ni, Yesu ɔ́tala nwuna batɛyane inyɔ na batɔ anumi.

Marko 14:25

Na sɔsɔ ni, nsɔ lɛɛɛdubo ntɛ bɔmɛni udu bɔdi bɔni lɛnɔ, ntu lɛni ntɛ bɔwɔdi bɔdi udu na Katɔti lɛga kadikɔ.”

Yohane 18:1

Ka Yesu ɔ́kpali katɔ lɛni ɔ́wɔlɔ ni, anwu ku nwuna batɛyane bátɔlɔ mmɔ. Na bávia Kedron Obonka bétédu nnɔ egyii kemmo kadi. Na Yesu ku nwuna batɛyane béduo kemmo kammɔ kemmo.