Marko 13:5 - Katɔti Ɔku Kedee

⁵ Amu na Yesu ɔ́su-ma ɔnini, “Binye kagyumana, na bitaya na ukyuli ɔdi ɔtɔlɔ-mii.

Marko 13:5 Referans Kwoze

Koloseƒuɔ 2:8

Bɛnu kaduɛ kalɛ na ukyuli ɔdi uleti nwuna kayawi lɛnunda lɛni neeebo kɔsia kɔdi ulátɔlɔ-mii. Ɔsika lɛnunda lɛmmɔ ni, lɛsiaku bati kuuku ɔdi bɔbla ku kayawi kamɛni ala bɔtina kama na ɔɔɔdi Kristo kudɔ na ɔ́si.

Eƒesoƒuɔ 5:6

Bitaya na ukyuli ɔdi uti etemila ekpludi adi ɔtɔlɔ-mii. Ɔsika ala ammɔ udu lɛlɔ ɔsu na Katɔti kɔnyi kuubo bekyuli bani mbo atuɔkplu mmɔ lɛlɔ.

Yeremia 29:8

“Bina bekyuli badi bakya Babilon mmɔ na badi like bebone na bɛ́ɛsu-ma ka bebo like na basu-mii lɛla lɛni ndubo libalɛ uwi ɔni mebo kemmo. Nsu bɔkpanku kani na badubo-mii bɔkpanku butáyila. Na bina kenye bediene bammɔ lɛnɔ ni, bitaya na bese-mii lisusu. Ɔsika ina ka beedie ala kenye teete-mii na mina lɛnyi kemmo ni, ɔkɔ banyine na badi ɔsiku ńtasu-ma lɛla lɛdi.

Yohane 1 4:1

Banwa bayɔne, bitaƒɔ kɔyu biala muulie ukyuli lɛlɔ bitadi. Mmomu bɛkɔku ɔdi biala bɛnu si kɔyu kɔmmɔ kɔ́si Katɔti kudɔ. Ɔsika ɔkɔ kenye bediene béegyingya bakya kayawi ekpo ƒui.

Tesalonikaƒuɔ 2 2:3

Bitaya na ukyuli ɔdi ɔtɔlɔ-mii na ulu biala lɛlɔ. Ɔsika Blɔti limeyi lɛmmɔ lilebo tɔ utédu uwi ɔni na bekyuli pii badubuni Katɔti asa na ukyuli ukpidi ɔmmɔ ɔni na Katɔti údie úse ka ɔkyula ɔda ɔlɛ.

Korintoƒuɔ 1 15:33

Bitabla susuusu. Kɔkpana kukpidi kuubile udu buni.

Luka 21:8

Yesu ɔ́su-ma ɔnini, “Binye kagyumana na ukyuli ɔdi utatɔlɔ-mii. Bekyuli pii bani mɔɔsu banii ami mina kenye na beedie ni, badubo na bábasu banii, ‘Ami na ɔdi,’ na ‘Uwi ɔmmɔ úudu’. Nsu bitasiaku-ma kama.

Marko 13:4

“Blɔti, uwi ɔmani na lɛtɔ lɛmmɔ lɛdubɔƒɛ? Su-bu lɛla lɛni mebo asa na bɔdubɔnu bɔti ka uwi ɔmmɔ údu ka ala amɛni alɛ.”

Marko 13:6

Bekyuli pii badubuti lɛlɔ bakɔku-mi na basu-mii banini, ‘Ami mɛni,’ na batɔlɔ bekyuli pii.