Marko 13:3 - Katɔti Ɔku Kedee

³ Yesu úsie ulie kɔbi kɔni lɛlɔ na nnɔ egyii akya mmɔ lɛlɔ. Na mmɔ ni, ɔɔnu kakpakɔ ɔtɔ ɔvi ɔni ngye. Amu na Petro ku Yakobo ku Yohane ku Andrea lɛti bébo-nwu kudɔ na béye-nwu banini,

Marko 13:3 Referans Kwoze

Marko 4:34

Útetemi útete-ma ɔni na útebo agba. Nsu si uwi ɔni na anwu ku nwuna batɛyane lɛti belie ni, na uudie-nya kalɔ taatina-ma.

Mateo 21:1

Uwi ɔni na Yesu ku nwuna batɛyane bákpɛ béde Yerusalem na bétédu Betƒage na Inɔ Egyii Kɔbi lɛlɔ ni, Yesu ɔ́tala nwuna batɛyane inyɔ na batɔ anumi.

Marko 14:33

Amu na útiku Petro ku Yakobo ku Yohane ɔ́da. Na ka kayi keekpóku-nwu na lɛla lɛni ndubo-nwu lɛlɔ ɔsu ni,

Marko 10:35

Amu na Sebedeo bebi bani ndi Yakobo ku Yohane bébo Yesu kudɔ na básu-nwu banini, “Ala ɔtinane, lɛla lɛdi lɛkya na bɔɔyɔ́ ka abla ete-bu.”

Marko 9:2

Emeyi aku kama ni, Yesu útiku Petro ku Yakobo ku Yohane úsienku kɔbi kɔdi lili. Na ama lɛti pɛ bésie bakya. Ka batɛyane bammɔ baanu ni, kavumana kadi kébo Yesu lɛlɔ!

Marko 5:37

Amu na Yesu útiku Petro ku Yakobo ku ɔnwani Yohane lɛti pɛ na bátɔlɔ bésie mmɔ.

Mateo 24:3

Uwi ɔni na Yesu úsie útélie Inɔ Egyii Kɔbi lɛlɔ ni, nwuna batɛyane bébo-nwu kudɔ na básu-nwu banii ɔtina-ma uwi ɔni na ala amɛni adubɔlɛ ku ala abambadi ani lɛnɔ ndubɔlɛ na watina ka kawɔlɔkɔ kani na ɔdubɔsɔ ubo uwi údu.

Mateo 17:1

Emeyi aku kama ni, Yesu útiku Petro ku Yakobo ku ɔnwani Yohane úsienku kɔbi kɔdi nákuku lili. Na bátákya mmɔ ama lɛti.

Mateo 13:36

Yesu ɔ́tɔlɔ bekyuli bammɔ kudɔ na úsie kaduli. Amu na nwuna batɛyane bammɔ bébo-nwu kudɔ na básu-nwu banini, “Die lɛgba lɛni na ébo na livo lɛni na bágya bákya edula kemo lɛlɔ mmɔ te-bu.”

Mateo 13:10

Amu na batɛyane bammɔ bébo Yesu kudɔ na bébeye-nwu banii, “Bi ɔsu na aatina bekyuli bammɔ ala na agba kemmo?”

Marko 13:4

“Blɔti, uwi ɔmani na lɛtɔ lɛmmɔ lɛdubɔƒɛ? Su-bu lɛla lɛni mebo asa na bɔdubɔnu bɔti ka uwi ɔmmɔ údu ka ala amɛni alɛ.”