Marko 13:14 - Katɔti Ɔku Kedee

¹⁴ “Na mɛni ni, bise atu kaduɛ na binu kalɔ. Si bɛ́nu ala ani udu na Katɔti ukisi ka álɛ na nwuna kakpakɔ kedee ni, bekyuli bani nkya Yuda bekeli besie batábɛ na abi lɛlɔ.

Marko 13:14 Referans Kwoze

Daniel 12:11

“Na ɔ́si uwi ɔni na badubo bɔda limeyi ndi limeyi akpala bɔbla baya útédu uwi ɔni na badubuti lɛla lɛni na Katɔti uukisi na liisé lɛlɔ bebese mmɔ ni, ɔdubɔbla emeyi apim unwi ku emeyi eti alɔ ku aavlene (1,290).

Daniel 9:27

Na Kwasida unwi kemmo ni, kadi bamba ukyuli ɔmɛni ɔdubo lɛla kpakplaa lɛdi bunyimi ku bekyuli pii badi. Na Kwasida unwi ɔmɛni ntɛ bule kemmo ni, ɔdubɔya na lɛkpa biala ku etela kenye kekulo. Na ɔmmɔ kama ni, liƒula bonwu lɛni ndanku ala bubile bɔmɛni bɔdubo bɔda bɔlɛ mmɔ. Na ɔdubunye mmɔ butédu uwi ɔni na Katɔti ɔ́lɛ ugyii úse ka ɔyila liƒula lɛni muubile ala mɛni udu.”

Daniel 11:31

“Na ɔdubo bekpone bɔtala na besie na betébile kakpakɔ kammɔ ekisila ku kagyumanakɔ na bada limeyi ndi limeyi akpala bɔbla baya. Na ɔdubɔya na beti lɛla lɛni na Katɔti uukisi na liisé lɛlɔ bebese mmɔ.

Budie Taatina 13:18

Ntu ebo lɛnunda asa na ala amɛni adubɔbla-a nwaa. Ukyuli ɔni makana ni, ɔwia bumomo bɔni nnye eƒiebuo ɔmɛni lɛnyi kenye kalɔ unu. Ɔsika bumomo bɔmɛni bɔdi bɔka bɔni nnye nte ukyuli lɛnyi. Na bumomo bɔmmɔ ndi 666.

Budie Taatina 1:3

Lɛlɔ lɛdubɔyɔ ukyuli ɔni mɔɔká ɔku ɔmɛni teete bekyuli. Na lɛlɔ lɛdubɔyɔ bekyuli bani muunú Katɔti linyese etemila amɛni na balábla atuɔkplu na lɛla lɛni na línweni lɛ́kya ɔku ɔmɛni kemmo lɛlɔ. Ɔsika uwi ɔni na ala amɛni ƒui adubo bɔlɛ úude.

Korintoƒuɔ 1 14:20

Banwa, bitabla lɛlɔ aani banamu na bina kasusu kemmo. Mmomu bɛbla lɛlɔ aani benengu si biiti kasusu. Nsu na likpidi lilu lɛlɔ ni, bɛbla lɛlɔ aani banamu.

Daniel 8:13

Amu na Katɔti batu kedee bammɔ akɔ unwi úye nwuna ɔkpana ɔnini, “Limeyi lɛmani na kuƒi kɔdubɔsɔ kɔtɛ na bataabla limeyi ndi limeyi akpala ammɔ? Na kalɛ na kebweyi kamɛni káta kénye ayabi amɛni lɛlɔ kpakplaa na ɔɔda liƒu mɛni ni, uwi ɔmani na kadubɔda-ma lɛlɔ bɔkɔ taanya teesusu-ma lɛgba taakya lɛti akɔ bɔya?”

Esekiel 44:9

Anwuɔsu na ami Unwoti Katɔti mɔɔsu nnii naaawia ɔƒɔ biala na ulábu-mi na ɔdi mina ɔda bubo lɛlɔ ka uduo mina kakpakɔ. Na ɔmɛni ɔdanku baƒɔ bani nli Israel kalɔ lɛlɔ.”

Kɔnyana Buwulo 1:10

Béyu Sion akɛla ƒui békeliku, na unye ɔɔnu uwi ɔni na kadi bamba bekyuli béduo nwuna kakpakɔ ina ka ɔdi ekisila bubile ka bekyuli bani naaadi Yudaƒuɔ beduo mmɔ.

Mateo 13:51

Yesu úye-ma ɔnini, “Bínu ala ani ƒui na lɛ́su-mii mɛni kalɔ?” Na ama lɛnɔ bédie kenye banii, “Ɛɛn.”