Marko 12:7 - Katɔti Ɔku Kedee

⁷ “Nsu kabla bablane bammɔ básu lɛlɔ banini, ‘Ɔmɛni ndi bula unwoti ala ɔdine. Bibo na bɛya bɔdu-nwu, na buti nwuna kadikɔ bɔbla bula kadi!’

Marko 12:7 Referans Kwoze

Batalane Kabla 7:52

Katɔti kenye udiene ɔmani na bina bati kuuku bátawia ka badu? Bádu Katɔti kenye bediene bani muedi násu ka Ukyuli Ɔƒunadi ɔni nse siin webo. Na Ukyuli Ɔƒunadi ɔmmɔ lɛnɔ bídie-nwu bíte na bádu.

Batalane Kabla 5:28

ɔkpane unengudi úye-ma ɔnini, “Bútasu-mii bɔnii bɛsɔ bitasu litemi lɛdi bitasiku Yesu ɔmɛni lɛlɔ iye? Nsu bíigyingya etemila amɛni bíyile Yerusalem ƒui. Na bɛɛwia ka biti nwuna kukpi kɔtu bɔni bɛsia-bu lɛlɔ!”

Batalane Kabla 2:23

Nsu na Ɔti bɔyɔ ku kakali kemmo ni, ɔ́nyonu-nwu úte-mii na bɛ́kɛ ekpidi bablane lɛlɔ na bɛ́du-nwu uwi ɔni na bɛ́kana-nwu bɛ́mana ugyii lɛlɔ.

Marko 12:12

Amu ka bénu lɛla lɛmɛni ni, Yudaƒuɔ benengu bákya ɔkplu ka nka beƒie Yesu. Ɔsika bagyi ka úbo lɛgba lɛmmɔ ɔ́sia-ma lɛlɔ. Nsu báyia bekyuli lisu lɛni nnye mmɔ. Anwuɔsu bágyu lɛgba bátɔlɔ-nwu kudɔ.

Mateo 2:16

Uwi ɔni na Herode úti-nwu ka baƒɔ bani nási ɔƒɛ katukɔ mmɔ bátɔlɔ-nwu ni, úti kɔnyi geen. Anwuɔsu ɔ́ya na nwuna bekpone bésie Betlehem ku amadɔ mmɔ ƒui. Na bátádu bebi bananabi bani náaƒɔ akwa anyɔ ku bani nétedu tɔ lɛni aani kalɛ na baƒɔ bammɔ béti bátina ka lɛyabi lɛmmɔ lɛ́lɛ kenye.

Yesaia 49:7

Ɔmmɔ kama ni, Unwoti ɔni ndi Israel Katɔti Kedee ɔni lɛnɔ ndi bana ngba ɔƒɔne ɔ́su nwuna kabla ɔblane ɔni na bekyuli béni na beekisi-nwu kpakplaa ɔsu na únwini ɔɔbla-ma kabla ɔnini, “Baga badubɔnu-ɔ na bata benye na bagabi badubɔnu-ɔ na bakya-a lili kalɔ, ɔsika ami Israel Unwoti Kede ɔni náƒuna-a mɔɔdi mina litemi lɛlɔ.

Ala Kalɔ Buse 37:20

Na básu lɛnɔ banini, “Bibo na bɔdu-nwu na bubo-nwu bɔkya abiɔ amɛni ɔdi kemmo. Na bɔsu ka eƒiebuo ɔdi néƒie-nwu ɔ́kun. Na bɔsɔ bɔnu kalɛ na nwuna ana ani na úgye mmɔ adubɔbla kabla.”

Ala Kalɔ Buse 3:15

Na ndubɔya na awɔ ku uleku ɔmɛni binwini bekisine, na ƒula ubi ku uleku ɔmɛni ubi lɛnɔ benwini bekisine. Ɔdubo-ɔ lili bubo bɔbwɛ, na awɔ adu-nwu lɛnikpo.”

Mateo 21:34

Uwi ɔni na egyiibi ammɔ édu bude ni, kemo ɔlati ɔmɛni ɔ́tala nwuna kabla bablane ɔnii batáƒɔ nwuna kadikɔ beboku-nwu.

Marko 12:6

“Ukyuli ɔni násɔ úbu na ɔdubɔtala-nwu ndi ɔnana ɔmɛni ubidi ɔyɔne. Kawɔlɔkɔ ni, ɔ́tala ubidi ɔyɔne ɔmɛni. Na ɔ́su lɛlɔ ɔnini, ‘Mɔɔƒɔ́ taadi ka badubute mina ubi anwu ɔbu.’

Marko 12:8

Anwuɔsu béƒie ɔnamu ɔmɛni. Na ka bádu-nwu ni, bébo-nwu báva kemo kammɔ ɔba kama.”

Hebriƒuɔ 1:2

Nsu na uwi ukplodi ɔmɛni kemmo ni, Katɔti ɔ́tɛmiku-bu ɔ́siaku Ubidi lɛlɔ. Ubi ɔmmɔ na ɔ́ƒuna úse ka ɔbla nwuna ala ƒui ɔdine. Na nwuna lɛlɔ kani na ɔ́sia údie kayawi ƒui.