Marko 12:33 - Katɔti Ɔku Kedee

³³ Na ɔlɛka ukyuli ɔyɔ Katɔti ɔ́siku nwuna kayi kemmo ƒui ku nwuna kasusu kemmo ƒui ku nwuna ɔyikun kemmo ƒui. Na ɔlɛka ɔyɔ nwuna ukyulikpana aani kalɛ na ɔɔyɔ́ anwu ɔlatidi nwuna lɛlɔ kalɛ. Ɔdia ka ukyuli ɔsia ɔda bubo bɔmɛni kama utulo si úti bebuo ku akpala abambadi útákpa Katɔti.”

Marko 12:33 Referans Kwoze

Hosea 6:6

Kɔnyana bɔnu na mɔɔwia, na ɔɔɔdi bebuo buti taakpa. Na bekyuli banu-mi bati utulo bebuo buti taakpa.

Samuel 1 15:22

Nsu Samuel údie kenye ɔnini, “Akpala na Unwoti ɔɔwia ɔnii bakyula bete-nwu, munuu nwuna litemi lɛlɔ na ɔɔwia ka bekyuli badi? Si eenú-nwu litemi na aadi-ni lɛlɔ ni, ɔdia utulo ka eti akpala iye baƒonu lɛmwi akpa ete-nwu.

Mateo 12:7

Bunweni Kedee Ɔku ɔɔsu ɔnii, ‘Kɔnyana bɔnu na ami Katɔti mɔɔwia, na ɔɔɔdi bebuo lɛkpa.’ Si biinú ala amɛni kalɔ ni, nka biládu bekyuli bani na bátaƒiɔ-mii kɔtɔ.

Mateo 9:13

Bitáwia lɛla lɛni nkya Bunweni Kedee Ɔku kemmo kalɔ binu ka ni, ‘Lɛƒɔndia na Katɔti ɔɔwia, na ɔɔɔdi bebuo buti taakpa.’ Ńtebo nnii mbawia bekyuli babuni, mmomu bekyuli bekpidi ɔsu na líbo.”

Kɔgya 50:23

Ukyuli ɔni muuti enugya teenwini akpala teete-mi ni, uuti ɔbu teete-mi na ndubɔƒɔ-nwu ngba.

Hebriƒuɔ 10:8

Kudeedi ni, ɔ́su ɔnini, “Ala ani na béti béboku na bábla akpala ku ani na béti bákyula ku ala ekpidi lili buvele akpala ni, átada-a kubiti. Na útayɔ-ɔ kaƒɔ lɛnɔ,” ina ka ɔda bubo bɔmmɔ nátina ka babla lɛni.

Agba 21:3

Lɛlɔ lɛɛyɔ́ Unwoti si bɔɔbla ala ani mɔɔyɔ́-nwu kaƒɔ teetulo si búti akpala búboku-nwu.

Lɛkpa Ulu 6:5

Anwuɔsu ɔlɛka bɛyɔ-nwu ku bina kayi ƒui ku bina kɔyu ƒui ku bina ɔyikun ƒui.