Marko 12:29 - Katɔti Ɔku Kedee

²⁹ Mmɔ na Yesu ɔ́su-nwu ɔnini, “Bénweni ɔda bubo bɔni ntulo ƒui básu banini, ‘Israelƒuɔ, binu kaduɛ! Unwoti ndi bula Katɔti, na anwu lɛti pɛ nkya.

Marko 12:29 Referans Kwoze

Lɛkpa Ulu 6:4

Israelƒuɔ, binu kaduɛ! Unwoti ndi bula Katɔti, na anwu lɛti pɛ kani nkya.

Luka 10:27

Mmɔ na ɔnana ɔmmɔ údie kenye ɔnii, “Yɔ Unwoti Katɔti ku ƒula kayi ƒui, ku ƒula kɔyu ƒui ku ƒula ɔyikun ƒui ku ƒula kasusu ƒui lɛnɔ, na ayɔ ƒula ukyulikpana aani ƒula lɛlɔ kalɛ.”

Galatiƒuɔ 3:20

Nsu ka Katɔti ɔlati mɔɔbla lɛla lɛmɛni ɔƒɛni ɔsu ni, utáwia ntɛ ɔkyane ɔbambadi.

Romaƒuɔ 3:30

Ɔsika Katɔti unwi pɛ kani nkya na anwu ndubɔbla na Yudaƒuɔ baabla siin ɔkɛnku bɔƒɔtaadi lɛlɔ. Lɛni kani na ɔdubɔbla bani naaadi Yudaƒuɔ lɛnɔ na babla siin ɔkɛnku bɔƒɔtaadi bɔmmɔ kani lɛlɔ.

Yuda 1:25

Anwu ɔmmɔ ndi Katɔti unwi pɛ ɔni náƒɔ-bu ngba ɔkɛ Blɔti Yesu Kristo lɛlɔ. Anwu na buumwi, ɔsika anwu mɔɔdi lɛga na ɔɔdi ala ƒui lɛlɔ ku ɔyikun ɔ́si kukuuku ku uwi ɔmɛni kemmo ku ɔni mebo lɛnɔ kemmo. Ɔsia lɛni.

Korintoƒuɔ 1 8:4

Na ɔmɛni ndi lɛla lɛni mɔɔsu-mii na adila ani na béti bákpa na baƒiɔ abi lɛlɔ bɔdi lɛlɔ. Bɔgyi ka ala ani na bekyuli bábla bése baakpá ni, aaadi lɛla lɛdi na kayawi kamɛni kemmo. Ɔsika bɔgyi ka Katɔti unwi pɛ kani nkya.

Yakobo 2:19

Áƒɔ ádi ka Katɔti unwi pɛ nkya, na use lɛni sɔsɔ. Nsu nyimo ka ayu ekpidi lɛnɔ áƒɔ ádi lɛni, na baayia. Anwuɔsu na lɛlɔ lɛɛtɔ́-ma.

Timoteo 1 2:5

Sɔsɔ ni, Katɔti unwi kani nkya. Na kɔnu ɔsiane lɛnɔ unwi kani nkya. Anwu ndi ukyuli ɔni baalɔ banii Kristo Yesu. Anwu mɔɔklibi abu ku Katɔti ntɛ.

Lɛkpa Ulu 30:6

Bina Unwoti Katɔti ɔdubɔya na binu lɛlɔ kalɔ na bina kayi kemmo amii ku bina bawɔ kalɛ na biteenu-nwu litemi na bitaayɔ-nwu ku bina kayi ƒui. Na ɔmɛni ndubɔya na bilie kalɔ kammɔ lɛlɔ bítu uwi.

Timoteo 1 1:5

Na lɛla lɛni ɔsu na líti kabla kamɛni lɛ́kya-a enu kemmo ndi ka bɔyɔ bula baƒɔtaadine bakpana ku kaƒɔ ƒaa ku kayi kani naaadu-bu kɔtɔ na likpidi lɛdi bɔbla kemmo. Na bula Kristo bɔƒɔtaadi lɛnɔ bɔbla ɔbuni ɔmmɔ geen.

Mateo 23:9

Na bina akɔ ni, bitalɔ ukyuli ɔdi na kayawi mɛni bɛnii Blɔti, ɔsika Blɔti unwi pɛ na bibo. Na ɔkya katɔ.

Mateo 10:37

“Na ukyuli biala ɔni mayɔ ɔti iye uni metulo-mi ni, útamanku ka ɔbla mina ɔtɛyane. Lɛni kani na ukyuli ɔni mayɔ ubidi ɔnanabi iye ulekubi metulo-mi lɛnɔ ni, útamanku ka ɔbla mina ɔtɛyane.

Lɛkpa Ulu 10:12

Lɛla lɛni na Katɔti ɔɔwia ɔsiku bina kudɔ ndi ka biti ɔbu bite-nwu na bɛsia nwuna ulu ɔni na ɔ́tina-mii na bɛyɔ-nwu ku bina kayi ƒui ku bina kɔyu ƒui.

Agba 23:26

O mina ubi, ti ƒula kayi te-mi. Na ƒula anu asia lɛnunda ulu ɔni mɔɔtina-a lɛlɔ.

Kɔgya 86:10

Ɔsika awɔ lɛti kani ndi Katɔti na ébomo na aabla akɔla ala budie taatina.