Marko 12:24 - Katɔti Ɔku Kedee

²⁴ Amu na Yesu údie kalɔ ka, “Uuuse lɛni munu munu. Mɔɔnu ka bilenu litemi lɛmɛni kalɔ, ɔsika bɛɛɛgyi Bunweni Kedee Ɔku kemmo etemila iye Katɔti ɔyikun. Anwuɔsu na bɛɛƒiɔ́-nwu.

Marko 12:24 Referans Kwoze

Yohane 20:9

Nsu úti úbeduku uwi ɔmmɔ lɛlɔ ni, bétenu tɔ kalɔ ka Yesu ɔdubɔta bɔlɛ kekpine aani kalɛ na bénweni na Bunweni Kedee Ɔku kemmo.

Mateo 22:29

Yesu údie kenye ɔnini, “Bɛ́yii ulu ɔmmɔ geen! Ɔsika bilenu Bunweni Kedee Ɔku ɔmmɔ kalɔ, na bɛɛɛgyi lɛla lɛdi na Katɔti ɔyikun lɛlɔ.

Eƒesoƒuɔ 1:19

Na bɛnu lɛnɔ kalɛ na Katɔti ɔyikun ɔɔbla kabla geen kani neeebo bɔkɔku bɔdi na nwuna baƒɔtaadine akɔ bɛti. Na ɔyikun ɔni nkya-bu lɛlɔ kemmo mɛni ni, útavumanaku ɔyikun unengudi

Ƒilipiƒuɔ 3:21

Na ɔdubɔvumana bula kayawi ɔlɔna kpɛtɛ kpɛtɛ ɔmɛni na ɔbla-nwu aani nwuna ɔlɔna ɔni muukeye mmɔ kalɛ ɔkɛnku ɔyikun ɔni na ubo na ɔɔyá na lɛla biala liiboku lɛlɔ kalɔ teete-nwu kenye.

Romaƒuɔ 15:4

Na ala ani ƒui na bénweni bése uwi ɔni návi kemmo ni, bénweni-nya bése kalɛ na batina-bu ala, kalɛ na si búnye lɛbibo biala kenye kpakplaa ɔkɛnku Bunweni Kedee ogya ɔni na ɔɔkya-bu lɛlɔ ni, na bɔkɛ lɛnunsia.

Batalane Kabla 17:11

Na Beroiaƒuɔ ni, bana kasusu kébimi kétulo Tesalonikaƒuɔ kadi. Na bése atu na bénu bana butemi. Na limeyi ndi limeyi ni, bátaawia Bunweni Kedee Ɔku kemmo etemila taanu si Paulo ala ani na ɔ́su adi sɔsɔ.

Marko 10:27

Amu na Yesu údie ɔmɛni kalɔ ɔnini, “Ɔyawine biala ulakana ɔmɛni bɔbla. Nsu Katɔti anwu ni, ɔɔkana lɛla biala bɔbla.”

Hosea 6:2

Ɔdubo bɔya na bɔsɔ bɔta na abu ku-nwu bɔsɔ bulie bɔsala na emeyi anyɔ ku atɛ kama.

Yeremia 32:17

“Unwoti Katɔti, awɔ nédie ƒula kɔnu kɔni na eeti taabla ɔyiku ala na édie katɔ ku kalɔ. Na aakana na aabla lɛla biala.

Yesaia 25:8

Ɔdubɔyila kukpi aani kalɛ na beebweli lɛla lɛdi na kɔsɔ kulakya lɛnɔ kudii. Unwoti Katɔti ɔdubuni imii udie ukyuli biala anumi na kɔƒa kɔni muukpó nwuna bekyuli kɔdubukeli ƒui kede kede na kayawi kemodi kammɔ kemmo, ɔsika Unwoti ɔlati násu ɔmɛni úse.

Yohane 5:39

Bɛɛtɛya Bunweni Kedee Ɔku kemmo ala uwi biala ku kakali ka si bɛ́bla lɛni ni, bɛdubɔkɛ ngba bɔni nsɔ naaadu bɔsa kudii. Na ɔku ɔmmɔ geen muudie kenye taasiku-mi lɛlɔ.

Luka 1:37

Ɔsika lɛla lɛdi liiibo Katɔti ɔkplu.”

Hosea 13:14

“Ami Unwoti ndubɔƒɔ-mii na lidie-mii kukpi kemmo na bileduo kaƒiɔtɔ kemmo. O kukpi, wɛ na ƒula ɔlɛ ɔni na aakya bekyuli lɛlɔ ɔkya? O kukpi, wɛ na ƒula ala bubile bɔkya? “Na líni nnii lɛɛɛdubo-mii kɔnyana bɔnu.

Hosea 6:6

Kɔnyana bɔnu na mɔɔwia, na ɔɔɔdi bebuo buti taakpa. Na bekyuli banu-mi bati utulo bebuo buti taakpa.

Yesaia 26:19

Nsu bani na badi awɔ badi ina ka békpi ni, badubɔsɔ bata ku bana ɔlɔna na belie ngba. O amii bani nkya kaƒiɔtɔ kemmo, bɛta na bidie lɛnu ku lɛlɔyɔ! Ɔsika ɔtanta amii na adi muuwi-mii lɛlɔ. Na kalɔ kammɔ kadubo kana bekpine bammɔ bɔwɔ bɔlɛku mmɔ.

Daniel 12:2

Na bekyuli pii bani néekpi na bakya kekpine badubɔsɔ bata. Na Katɔti ɔdubɔya na bana badi belie ngba bɔni nsɔ naaadubo bɔsa kudii. Na ɔya na kɔƒa kukpo badi na anumi ewi-ma kalɔ uteesie uwi.

Yesaia 8:20

Bɛnu bɛti ka si bana ala aaakɛnku mina litemi lɛni ndanku ɔda bubo ku bunyimi bɔmɛni ni, na bukeye bɔdi buuubo-ma kemmo.

Ala Kalɔ Buse 18:14

Bɛɛkali bɛnii lɛla lɛdi libo ɔkplu litulo Unwoti ka ɔkana bɔbla? Ndubɔsɔ linwini libo-mii kudɔ na uwi ɔni námanku lɛlɔ na lɛkwa lɛni ndubo. Na Sara ɔdubɔwɔ ɔnanabi.”

Hosea 8:12

Na ka mɔɔwia ka bɛbla akpala bite-mi ɔsu ni, lɛ́ya na bénweni-nya nwaa bése béte-mii, nsu bíni-nya aani lɛla lɛni naaakɛ-mii.

Marko 12:23

Na uwi ɔni na bekpine ƒui badubɔta bɔsi kekpine bebelie ngba ni, bana akɔ ɔmani ndubɔbla uleku ɔmɛni ɔgya ka bana nkyuli maatɛ bamɛni ƒui béti-nwu dii?”

Marko 12:25

Uwi ɔni na bekpine badubɔta ni, badubuse aani Katɔti batu kalɛ, na beleti beleku.