Marko 12:14 - Katɔti Ɔku Kedee

¹⁴ Ka bétédu-nwu kudɔ ni, básu-nwu banini, “Ala ɔtinane, bɔgyi ka aasu litemi geen uwi biala. Na alávumana ƒula etemila na ɔ́si kalɛ bekyuli baakali taasiku-ɔ lɛlɔ ɔsu. Alánu anii ɔmɛni ɔdi ukyuli ubendi iye ɔmɛni ɔdi ukyuli ubliidi. Nsu aatina ukyuli biala Katɔti kudɔ ulu na ulu geen lɛlɔ. Anwuɔsu su-bu si ɔdia ka butaaƒɔ kuyi teete Romaƒuɔ Ɔga Unengudi.

Marko 12:14 Referans Kwoze

Tesalonikaƒuɔ 1 2:4

Mmomu litemi geen lɛmmɔ na bɔ́su-mii. Na bɔɔtɛmiku-mii uwi biala aani kalɛ na Katɔti ɔɔwia ka bɔbla. Ɔsika anwu ɔlati nákɔku-bu ɔ́nu ka bɔmanku ka bɔsu nwuna litemi buni. Na ɔɔɔdi aani kalɛ na bekyuli lɛƒɔyɔ lɛɛtina, mmomu aani kalɛ na Katɔti ɔni ngyi ukyuli biala kayi kemmo lɛyɔla lɛɛtina.

Galatiƒuɔ 2:6

Na bekyuli bani na bɛɛnu ka ama badi batɔnkune ni, ina ka ami naaanu-ma kavumana kadi ina bi na badi ɔsika Katɔti ulánu ukyuli anumi asa na ɔɔtɛku-nwu litemi ni, ama lɛnɔ béteti lɛla lɛdi bétebunku mina litemi lɛni na mɔɔsu ka mbasu-mii.

Galatiƒuɔ 1:10

Na kabla kani na mɔɔbla mɛni ni, bɛɛkali bɛnii bekyuli bumwi na mɔɔwia? Munuu Katɔti bumwi na mɔɔwia? Munuu mɔɔbla-ka kalɛ na kaƒɔ kayɔ bekyuli? Na si bekyuli lɛyɔla kabla na mɔɔbla ni, nka lɛɛɛdi Kristo kabla ɔblane.

Korintoƒuɔ 2 5:16

Na ɔ́si ɔmɛni kama ni, bɔsɔ bulátɛku ɔdi litemi na kayawi kamɛni kasusu kenye. Lɛni na bɔ́tɛku Kristo litemi dii. Nsu ɔƒɛni ni, bɔsɔ bulánu-nwu lɛni.

Korintoƒuɔ 2 5:11

Ka bɔgyi kalɛ na ɔlɛka bɔyia Blɔti ɔsu ni, bunye bekyuli lɛlɔ ka benu-bu kalɔ. Katɔti ɔgyi-bu kede kede na mɔɔsia anu ka amii lɛnɔ bɛti bula udu kaduɛ.

Korintoƒuɔ 2 2:17

Abu buuuse aani bekyuli babambadi pii bani nkɛ bada litemi lɛmmɔ baadi kuye. Mmomu Katɔti úte-bu kenyekɔ na bɔɔkɔ́ litemi lɛmmɔ lɛsa na nwuna anumi aani Kristo kabla bablane kalɛ. Bulatɔlɔ bekyuli.

Korintoƒuɔ 2 2:2

Ɔsika si lɛ́ya na enu áƒɛ-mii ni, ɔdi lɛnɔ ɔ́sɔ uuubo na waya na lɛlɔ lɛyɔ-mi, amu ntu amii bani na lɛ́ya na enu áƒɛ mmɔ kani.

Yohane 7:18

Na ukyuli ɔni mɔɔtɛmi na anwu ɔlati ɔyikun kemmo ni, nwuna lɛlɔ bumwi na ɔɔwia. Nsu ukyuli ɔni mɔɔwia ka umwi ukyuli ɔni nátala-nwu ni, ɔɔbla ala ulu lɛlɔ na ulányi ɔkɔ.

Romaƒuɔ 13:6

Ɔmɛni ɔsu lɛnɔ na ɔdi ka bɛƒɔ kuyi bite bina kalɔ lɛlɔ batɔnkune, ɔsika Katɔti kabla na baabla. Na béti bana uwi ƒui béte ka bátaatɔnku bekyuli.

Luka 23:2

Mmɔ na bése baadá-nwu kenye banini, “Búƒie ukyuli ɔmɛni ka ɔ́kpanku bula kadi ɔɔvínku ulu ukpidi lɛlɔ. Na ɔɔsu-ma ɔnii basɔ bataƒɔ kuyi betete Romaƒuɔ Ɔga Unengudi. Na ɔ́su lɛnɔ ɔnii anwu ndi Katɔti Ukyuli Ɔƒunadi na ɔnii ɔdi ɔga lɛnɔ.”

Luka 20:22

Ɔmɛni ɔsu bɔɔwia ka bɔti si ɔdia ka buteeyi kuyi teete Romaƒuɔ Ɔga Unengudi iye ɔɔɔdia?”

Marko 14:45

Uwi ɔni na Yuda ɔ́da ɔ́lɛ Yesu kudɔ kani na ɔ́lɔ-nwu ɔnini, “Unwoti!” Ka ɔ́ni úde-nwu ni, ɔ́kya-nwu kɔgbu.

Mateo 22:17

Anwuɔsu, su-bu ƒula kasusu. Bula ɔda bubo buute kuƒi ka butaaƒɔ kuyi teete Romaƒuɔ Ɔga Unengudi munuu útalɛka butaaƒɔ?”

Mika 3:8

Nsu ami ni, Katɔti Kɔyu kɔ́ƒɔ-mi lɛlɔ kemmo ƒui na úte-mi ɔyikun ka lɛtɛmi lɛsiku litemi geen lɛlɔ bɔdi ulu lɛlɔ siin. Na lidie lɛtina amii Israelƒuɔ kalɛ na bina ekpidi ese.

Yeremia 42:20

Bɛ́su-mi bɛnii nkpali Unwoti bula Katɔti na livele-nwu na ɔtina-mii lɛla lɛni na ɔlɛka bɛbla na bíse kenye ka bɛdubɔdi nwuna litemi lɛlɔ. Nsu ɔmmɔ ɔdi-mii bɔƒiɔ bubendi.

Kɔgya 120:2

Unwoti Katɔti, die-mi na ɔkɔ banyine ku bekyuli bani mɔɔtɔ́lɔ bekyuli kudɔ.

Kɔgya 55:21

Nwuna kenye kemmo etemila ebo emini aani nnɔ eku. Nsu kekpo kasusu nkya-nwu kayi. Na nwuna etemila ese ƒɛƒɛɛ aani nnɔmii. Nsu eekúlo aani kewii.

Nehemia 9:37

Ɔ́si bula ekpidi ɔsu ni, baga bamba bani na édie ka bataadi-bu lɛlɔ ni, ama mɔɔdi edula ammɔ. Na baga bammɔ mɔɔdi abu ku bula ɔmantɛ bakɔ lɛlɔ kalɛ biala baayɔ́. Na buuvele-ɔ ka bɔkya ɔgbankpi bonwu kemmo.

Ala Alɛdi 2 19:7

Anwuɔsu bɛnu ka bɛ́bla bina kabla ƒui na bíti ɔbu bíte-nwu. Na bɛti lɛnɔ ka ɔɔɔdubo-mii kuƒi bute na bɛnu ukyuli ɔdi anumi bɛbla lɛla lɛdi iye bɛbɛ bɛƒɔ lɛla lɛdi bɛsiku ɔdi kudɔ bɛdi.”

Ala Alɛdi 2 18:13

Nsu Mikaia údie kenye ɔnini, “Na Unwoti ɔni nli ngba lɛnyi kemmo ni, lɛla lɛni na mina Katɔti ɔ́su-mi kani ndubo bɔsu.”

Lɛkpa Ulu 16:19

Na beteƒu litemi geen lɛmmɔ batakya na batanu bekyuli anumi lɛnɔ. Na bataƒɔ egulabi na bɔbɛ kemmo, ɔsika etela ammɔ udu aabwɛ banundane ku bekyuli bani lɛlɔ mbo ɔbu anumi, na balátɛ litemi siin.

Korintoƒuɔ 2 4:1

Katɔti ɔ́nu-bu kɔnyana na úti kabla kamɛni ɔ́kya-bu enu kemmo. Ɔmmɔ ɔsu na enu aláƒɛ-bu.

Mateo 22:16

Anwuɔsu bátala bana batɛyane badi ku bekyuli bani nsiaku Herode kama bákya Yesu. Na ka bésie ni, básu-nwu banini, “Ala ɔtinane, bɔgyi ka ese siin na aatina Katɔti bɔƒɔtaadi ulu ɔmmɔ geen, ɔsika alánu ukyuli anumi taabla lɛla lɛdi. Na alákpete bekyuli asula lɛnɔ.

Marko 12:13

Kama ni, bátala Ƒarisiƒuɔ badi ku Herode kama basiakune badi, na bésie Yesu kudɔ banii beesié na betéwi-nwu kenye benu.

Marko 12:15

Ɔlɛka bɔƒɔ, munuu butaƒɔ?” Nsu Yesu ɔ́ti ka anumi lɛlɔ bekyuli badi, na úye-ma ɔnini, “Bi ɔsu na bɛɛyɔ́ ka bɛkywɛ-mi kakpagyuɛ? Biti kaplɛ kadi bite-mi na lɛnu.”