Marko 12:10 - Katɔti Ɔku Kedee

¹⁰ Ngyi ka bɛ́ka Bunweni Kedee Ɔku kemmo kesii kani na ɔ́su ɔnii, “ ‘Lɛtabi lɛni na batune béni báva banii lɛɛɛdia ni, ani mmomu nébenwini lɛtabi lɛni náƒɔ kuye litulo na atabi ƒui akɔ.

Marko 12:10 Referans Kwoze

Mateo 21:42

Na Yesu ɔ́su-ma ɔnini, “Bínu na Bunweni Kedee Ɔku kemmo ka ni, “ ‘Lɛtabi lɛni na batune béni báva banii lɛɛɛdia ni, ani mmomu nébenwini lɛtabi lɛni náƒɔ kuye litulo na atabi ƒui akɔ. Katɔti nábla lɛla bonwu lɛmɛni. Na lɛ́ƒɔ-bu anu geen!’ ”

Yesaia 28:16

Unwoti ɔnini, “Binu! Lɛ́ƒuna lɛtabi lɛni náƒɔ kuye na Sion, na ɔdi lɛtabi kpakplaa lɛni mabala kowodu likpo. Na ukyuli biala ɔni maƒɔ madi ni, enu alaƒɛ-nwu kudii.

Romaƒuɔ 9:33

Ɔmmɔ ɔsu na bétulo Kristo ɔni nse aani lɛtabi lɛni náda-ma ulu aani kalɛ na ɔkya Bunweni Kedee Ɔku kemmo banini, “Binu! Lɛ́ƒuna lɛtabi lɛdi na Sion lɛni ndubɔya na bekyuli betulo. Na ani kani ndubɔya na begyiile bebuli. Nsu ukyuli biala ɔni maƒɔ-nwu madi ni, kɔƒa kulékpo-nwu kudii.”

Marko 2:25

Mmɔ ni, Yesu úye-ma ɔnini, “Bítaka Katɔti Bunweni Kedee Ɔku kemmo bítenu lɛla lɛni na Ɔga Dawid ɔ́bla? Uwi ɔni na kɔka kɔɔda anwu ku nwuna bakpana ni, Dawid úsie útéduo Katɔti kakpakɔ na lebo lɛni na ukyuli ɔni baalɔ Abiatar ɔdi ɔkpane unengudi. Údie bodobodo kedee ɔni nse nte bakpane lɛti pɛ na kakpakɔ mmɔ ɔ́di, na úti ɔdi lɛnɔ úte nwuna bakpana na bádi. Ɔmɛni lɛnɔ na nka ɔda bubo bútéte kuƒi, nsu bátasu-ma lɛla lɛdi.”

Mateo 21:16

Anwuɔsu béye Yesu banii, “Eenú lɛla lɛni na banamu bammɔ baasu mɛni?” Na Yesu údie kenye ɔnini, “Muunú. Na ngyi lɛnɔ ka bɛ́ka ɔmɛni na Bunweni Kedee Ɔku kemmo ka ni, “ ‘Ábla banamu ku bebiwɔ anii beti bumwi bɔni náƒɔ kuye geen bete-ɔ.’ ”

Mateo 19:4

Yesu údie kenye ɔnini, “Bítaka na Bunweni Kedee Ɔku kemmo ka kalɔ kesekɔ ni, Katɔti údie ɔnana ku uleku?

Luka 6:3

Mmɔ na Yesu údie kenye na úye-ma ɔnini, “Bítaka Bunweni Kedee Ɔku kemmo ala bítenu lɛla lɛni na Dawid ɔ́bla uwi ɔni na kɔka kɔɔda anwu ku nwuna bekyuli?

Marko 13:14

“Na mɛni ni, bise atu kaduɛ na binu kalɔ. Si bɛ́nu ala ani udu na Katɔti ukisi ka álɛ na nwuna kakpakɔ kedee ni, bekyuli bani nkya Yuda bekeli besie batábɛ na abi lɛlɔ.

Mateo 22:31

Bítaka lɛla lɛni na Katɔti ɔ́su-mii ɔ́si kalɛ na bekyuli badubɔsɔ bata lɛlɔ? Katɔti ɔ́su ɔ́siku bina bati kuuku lɛlɔ ɔnini,

Mateo 12:3

Mmɔ na Yesu údie kenye na úye-ma ɔnini, “Bítaka Bunweni Kedee Ɔku kemmo ala bítenu lɛla lɛni na Dawid ɔ́bla uwi ɔni na kɔka kɔɔda anwu ku nwuna bekyuli?

Marko 12:26

Nsu na bekpine bɔsɔ taata litemi lɛlɔ ni, Mose únweni lɛla lɛdi na Bunweni Kedee Ɔku kemmo ɔ́siku kugyii blii kɔni mɔɔkywí lɛlɔ. Munuu bilenyimo? Mmɔ na únweni ka Katɔti ɔ́su-nwu ɔnini, ‘Ami ndi Abraham Katɔti ku Isak Katɔti ku Yakob lɛnɔ Katɔti.’

Marko 12:9

Amu na Yesu úye benengu bammɔ ɔnini, “Bi na bɛɛkali ka ɔnana ɔmɛni ɔdubɔbla? Ndubo-mii bɔsu! Ɔdubusie mmɔ utádu kabla bablane bammɔ na uti kemo kamɛni ɔkya bekyuli bamba lɛkɔkɔ.