Marko 11:23 - Katɔti Ɔku Kedee

²³ Mɔɔsu-mii geen ka ukyuli biala ɔni ndubɔsu kɔbi ɔnii kɔgyu na kutéduo ɛpu kemmo, na nwuna kayi kétetile-nwu ulu mmomu ɔ́ƒɔ ɔ́di ni, ɔdububo ute lɛni.

Marko 11:23 Referans Kwoze

Mateo 17:20

Yesu údie kenye ɔnini, “Bina bɔƒɔtaadi na mina lɛlɔ bɔ́sɔ. Mɔɔsu-mii nwaa nnii si banii bibo bɔƒɔtaadi bɔni nse aani edula kebi kebliidi ƒui ni, nka bɛdubɔkana na bɛsu kɔbi kɔmɛni bɛnii, ‘Gyu mɛni, ténye ngye!’ Na kɔdubusie. Lɛla biala liiibo na bilakana bɔbla!

Yohane 15:7

Si biliku-mi na mina etemila ákɛ keliekɔ na bina lɛlɔ kemmo ni, bivele lɛla biala na bɛɛwia, na ndubute-mii.

Mateo 21:21

Amu na Yesu údie kenye ɔnini, “Mɔɔsu-mii geen nnii si bɛ́ƒɔ bɛ́di na bina kasusu keeese inyɔ inyɔ ni, bɛdubɔkana lɛla lɛni na lɛ́bla kɔdingyii kɔmɛni bɔbla. Nsu ɔɔɔdi ɔmɛni lɛti. Mmomu ni, bɛdubɔkana na bɛsu kɔbi kɔmɛni muedi bɛnii, ‘Gyu mɛni téduo ɛpu kemmo,’ na ɔdubɔlɛ lɛni.

Kɔgya 37:4

Ya na ebiti ataada-a na Unwoti lɛlɔ na ɔdubɔbla ƒula kayi ayɔla ute-ɔ.

Yohane 14:13

Na lɛla biala na bivele si bɛ́kpali-mi lɛnyi ni, ndubɔbla-ni lite-mii. Ɔmɛni ndubɔya na ɔkɛnku-mi lɛlɔ ni, bekyuli badubɔkɔliku mina Ɔti lɛnyi katɔ.

Luka 17:6

Amu na Blɔti ɔ́su-ma ɔnini, “Si bibo bɔƒɔtaadi na búdu aani lɛla lɛdi kebi kani nse blii suɛ ntulo ƒui ni, nka bɛdubɔkana na bɛsu kugyii kɔmɛni bɛnii, ‘Gyu likpo lɛmɛni na etéduo ɛpu kemmo ngye.’ Na kɔdubɔbla lɛni kani.

Korintoƒuɔ 1 13:2

Na si muudie Katɔti kenye na muunú abɛla ku lɛlati ƒui kalɔ, na mbo bɔƒɔtaadi bɔni na lɛkana na lɛ́gyu abi muedi na ana kenyekɔ nsu naaayɔ bekyuli ni, lɛɛɛdi lɛla lɛdi.

Mateo 14:13

Uwi ɔni na Yesu únu ka bádu Yohane ni, úti ɔkɔlɔ na ɔ́tɔlɔ úsie kesii kani nábɛ. Nsu ka bekyuli bénu kesii kani na ɔkya ni, bana pii bási bana lɛma kemmo bakɛ lɛgba bátasiaku-nwu na mmɔ.