Marko 11:14 - Katɔti Ɔku Kedee

¹⁴ Amu na Yesu ɔ́su kugyii kɔmmɔ ɔnini, “Ukyuli ɔdi uleti ƒula kegyiibi ulakya kenye kudii lɛnɔ!” Na nwuna batɛyane bénu ka ɔ́su lɛni.

Marko 11:14 Referans Kwoze

Mateo 21:19

Na ka ɔ́nu kɔdingyii kɔdi na ulu kudɔ mmɔ ni, údeyi úsie mmɔ. Nsu útanu lɛla lɛdi útetulo kuna evete. Anwuɔsu ɔ́su kugyii kɔmmɔ ɔnini, “Asɔ alanwu ebi adi kudii lɛnɔ.” Kɔnakunwi ni, kɔdingyii kɔmmɔ kúse kalɔ kɔɔyɛyɛ.

Yohane 15:6

Ukyuli biala ɔni neeeliku-mi ni, use aani kugyii kagba kani békulo bávaakun na kákwii. Na kɔgba kɔmmɔ udu ni, bɔsala na baasála-ku taakya ogya na kɔkywi.

Mateo 7:19

Kugyii kɔdi biala na kulánwu ebi abuni ni, baadá-ku na beeti-ku taakya ogya.

Mateo 3:10

Bɛɛnu ka bada kadadi benye kugyii lɛlɔ na bada-ku ku ligyiitu. Kugyii biala naaanwu ebi buni ni, badubɔmɛnɛ-ku bakya lɛgyavonku kemmo.

Budie Taatina 22:11

Ukyuli ɔni na likpidi na ɔɔyɔ́ ka utaabla ni, usie anumi utaabla likpidi. Na ukyuli ɔni mɔɔyɔ́ ka utaabla ala ani muusé lɛlɔ ni, usie anumi utaabla ala ani muusé lɛlɔ. Na ukyuli ɔni mɔɔbla ala siin ni, usie anumi utaabla ala ulu lɛlɔ. Na ukyuli ɔni nse kedee ni, usie anumi na ɔda lɛlɔ kedee.”

Mateo 21:44

Na ukyuli biala ɔni mebuli mayu lɛtabi lɛni béni báva mmɔ lɛlɔ ni, ɔdubɔdu lɛlɔ. Na si lɛtabi lɛmmɔ lɛnɔ lɛ́lɛ líbo ɔdi lɛlɔ ni, lɛdubutu-nwu lɛbwɛ kpɛtɛ kpɛtɛ.”

Petro 2 2:20

Si bekyuli bávumana kayi na Katɔti údie-ma ɔ́lɛku ala ani muukpóku-ma ƒui kudɔ ka báƒɔ Blɔti ku Ɔƒɔne Yesu Kristo asa na básɔ bénwini bésie belie bana ngba kuuku bɔmmɔ ni, bana ablala eebie teetulo kalɛ na úse kalɔ kesekɔ ƒui.

Mateo 21:33

“Binu lɛgba lɛbambadi lɛdi. Ukyuli ɔdi ɔ́kya dii ɔni mbo adingyii kemo kani na ɔ́tu awodu ɔ́mana. Ɔ́bla ntɛ kebulokɔ na ɔ́tu ɔgyumanane keliekɔ. Amu na úti kemo kamɛni úte bekyuli badi ɔnii bataanu-ka lɛlɔ, na ɔ́tɔlɔ úsie ulu.

Marko 11:13

Ɔ́nu ɔgyu ka kɔdingyii kɔdi kunye kɔni lɛlɔ na evete asia pii. Anwuɔsu úsie ɔnii útánu si ebi adi asia-ku lili. Nsu ka údu kugyii kɔmmɔ kalɔ ni, ɔ́nu ka kútanwu ebi. Evete kani nsia-ku lili. Na uwi ɔni na kɔsɔ kɔnwu lɛnɔ útedu tɔ.

Marko 11:15

Ka bétéduo Yerusalem ni, Yesu úsie Yudaƒuɔ kakpakɔ na ɔkya ɔɔgyá bekyuli bani nkya mɔɔdi kuye na mmɔ taalɛku kaduli kammɔ. Údi egulabi bavumanane ala kasiakɔ úbo. Na údi bani nlie beeyé babloduma lɛnɔ eboku úbo.