Marko 11:13 - Katɔti Ɔku Kedee

¹³ Ɔ́nu ɔgyu ka kɔdingyii kɔdi kunye kɔni lɛlɔ na evete asia pii. Anwuɔsu úsie ɔnii útánu si ebi adi asia-ku lili. Nsu ka údu kugyii kɔmmɔ kalɔ ni, ɔ́nu ka kútanwu ebi. Evete kani nsia-ku lili. Na uwi ɔni na kɔsɔ kɔnwu lɛnɔ útedu tɔ.

Marko 11:13 Referans Kwoze

Mateo 21:19

Na ka ɔ́nu kɔdingyii kɔdi na ulu kudɔ mmɔ ni, údeyi úsie mmɔ. Nsu útanu lɛla lɛdi útetulo kuna evete. Anwuɔsu ɔ́su kugyii kɔmmɔ ɔnini, “Asɔ alanwu ebi adi kudii lɛnɔ.” Kɔnakunwi ni, kɔdingyii kɔmmɔ kúse kalɔ kɔɔyɛyɛ.

Yesaia 5:7

Unwoti Ɔyikune Ƒui adingyii kemo ndi nwuna bekyuli Israelƒuɔ, na Yudaƒuɔ badi nwuna kevomadɔ kemo kani mɔɔyɔ́-nwu kaƒɔ. Ɔsia anu ka batɛ bekyuli etemila ulu lɛlɔ siin Nsu ubugya kani na beewi kalɔ. Na ɔɔwia ka bekyuli babla ala siin. Nsu bekyuli keku kani na uunú ka ala étulo-ma na baanya-ma taakya ɔsu.

Luka 10:31

Úbebo úte ka Katɔti ɔkpane ɔdi úbo ɔɔví ulu ɔmmɔ lɛlɔ. Nsu ka ɔ́nu ukyuli ɔmɛni na kuludɔ ni, ɔ́sia ɔvi ɔbambadi ɔ́tɔlɔ.

Samuel 1 6:9

Na bitaasia-nwu anumi taanu, si ɔ́sia ɔma ulu lɛlɔ siin úsela Bet-Semes ni, na bɛgyi ka ɔgbankpi ɔmɛni ɔ́si Unwoti kudɔ asa na úbo-bu lɛlɔ. Na si útasia lɛni bɔdi ni, na bɛgyi ka ɔgbankpi keeke kani nátuaku-bu.”

Rut Keliela Ɔku 2:3

Amu na Naomi ɔ́su-nwu ɔnini, “Ɔdia! Mina ubi, teesie.” Anwuɔsu Rut ɔ́ta na úsie kemo kadi na ɔkpɛ kemo kammɔ kabla bablane kama na ɔɔla edula ani na báda béwi. Asa wanu wati ni, ɔdi Boas ɔni nási Elimelek ɔtɔ kemmo. Nwuna kemo kani na Rut ɔkya ɔɔla edula amɛni.

Yesaia 5:2

Ɔ́tu kalɔ kammɔ únwini na údie atabi ammɔ ƒui. Na ɔ́va adingyii ebi abuni ani ndia geen. Na ɔ́tu bagyumanane kenyekɔ únyene-ka ntɛ. Na údie egyiibi ammɔ ntu kewikɔ ubu. Na unye ɔgya egyiibi ammɔ bugyie na bede. Nsu ebi ani na adingyii ammɔ ánwu ni, ana ntu ese nyanyaanya na aaadia.

Marko 11:12

Kadi kégye uwi ɔni na bávia Betania badubo ni, kɔka kúbo kɔɔda Yesu.

Marko 11:14

Amu na Yesu ɔ́su kugyii kɔmmɔ ɔnini, “Ukyuli ɔdi uleti ƒula kegyiibi ulakya kenye kudii lɛnɔ!” Na nwuna batɛyane bénu ka ɔ́su lɛni.