Marko 11:12 - Katɔti Ɔku Kedee

¹² Kadi kégye uwi ɔni na bávia Betania badubo ni, kɔka kúbo kɔɔda Yesu.

Marko 11:12 Referans Kwoze

Yohane 19:28

Yesu ɔ́ti ka ɔƒaani ni, ɔ́ɔwɔlɔ lɛla biala na ɔlɛka ɔbla. Na kalɛ na Bunweni Kedee Ɔku kemmo ala ani bénweni bése ebo ete lɛni ɔsu ni, Yesu ɔ́su ɔnini, “Utukwɛ ɔɔda-mi.”

Mateo 4:2

Na ka Yesu úlie kɔka usien ku ɔƒɛ emeyi aavlene kama ni, kɔka kúbo kɔɔda-nwu.

Hebriƒuɔ 2:17

Ɔmɛni ɔsu na Katɔti ɔ́bla-nwu aani nwuna banwa kalɛ na ulu biala lɛlɔ. Ɔ́bla lɛni kalɛ na unwini ɔkpane unengudi ɔni mɔɔnu kɔnyana na ɔɔbla lɛla biala ulu lɛlɔ teete Katɔti, na uti nwuna ngba ɔkpa kalɛ na Katɔti uti bekyuli ekpidi ɔkyiɛ-ma.

Luka 4:2

Mmɔ na Satan útékpoku-nwu ɔ́nu emeyi aavlene sɔɔn. Na uwi ɔmɛni kemmo ƒui ni, Yesu útadi lɛla lɛdi ɔsu kɔka kúbo kɔɔda-nwu na kawɔlɔkɔ.

Marko 11:13

Ɔ́nu ɔgyu ka kɔdingyii kɔdi kunye kɔni lɛlɔ na evete asia pii. Anwuɔsu úsie ɔnii útánu si ebi adi asia-ku lili. Nsu ka údu kugyii kɔmmɔ kalɔ ni, ɔ́nu ka kútanwu ebi. Evete kani nsia-ku lili. Na uwi ɔni na kɔsɔ kɔnwu lɛnɔ útedu tɔ.

Marko 11:20

Kadi kégye ɔtanta uwi ɔni na bákɛ ulu lɛlɔ bésela ni, bánu ka kɔdingyii kɔmmɔ kúkpi ku lidu.