Marko 10:30 - Katɔti Ɔku Kedee

³⁰ ɔdubɔkɛ ala ammɔ akpa eti anyɔ ɔsia kama na kalɔ lɛlɔ mɛni. Ɔdubɔkɛ lɛtɔ ku banwani bananabi ku banwani belekubi ku beni ku bebi ku mmo. Nsu ni, bekyuli badubo-nwu bukpoku lɛnɔ. Na ɔmɛni kama ni, ɔdubɔkɛ ngba bɔni nsɔ naaadubo bɔsa kudii na kayawi kawɔdi kani ndububo kemmo.

Marko 10:30 Referans Kwoze

Ƒilipiƒuɔ 3:8

Na ɔɔɔdi ɔmmɔ lɛti. Mɔɔnu lɛla biala aani lɛla keeke si líti mɔɔkɔ́ku lɛla lɛni náƒɔ kuye geen mɛni, na ani ndi ka lɛ́ti Kristo Yesu ɔni ndi mina Ɔti. Na anwuɔsu ni, líbo lɛla biala líwiakun. Na lɛ́nu-nya aani kebu alakpi kalɛ na ami ku Kristo bɔbla unwi.

Luka 18:30

ɔdubɔkɛ ala ammɔ udu ɔsia kama na ngba bɔmɛni kemmo ku ngba bɔni nsɔ naaadubo bɔsa kudii na uwi ɔni mebo lɛnɔ kemmo.”

Korintoƒuɔ 2 6:10

Ina ka bula lɛlɔ lɛɛkywí kaƒɔ ni, lɛlɔ lɛɛyɔ́-bu uwi biala. Baanu-bu aani bawabane, nsu bɔɔyá na bekyuli beenwíni Katɔ Ɔga Ɔma balakɛne. Baanu-bu aani bekyuli bani neeebo lɛla lɛdi. Nsu geen ni, ala ƒui ása-bu.

Yakobo 1:12

Lɛlɔ lɛdubɔyɔ ukyuli ɔni náƒɔ ɔ́di na unye kpakplaa na ɔɔsiáku ala ani ƒui muukpóku-nwu. Ɔsika si enu átaƒɛ-nwu ni, ɔdubɔkɛ ngba ƒui lɛyuƒɔla lɛni na Katɔti ɔ́su úse ka ɔdubute bekyuli bani mɔɔyɔ́-nwu.

Malakai 3:10

Ami ndi Unwoti Ɔyikune Ƒui, na nnye-mii anumi mɔɔsu-mii nnii bɛkɔku-mi bɛnu na biti ala lɛkpa leevudi lɛmmɔ ƒui bibese-mi kaduli ala kesekɔ, na adila emomo-mi kɔduli. Na ndubɔlɛmi kayaa na mina kusɛ kusɛ ubo-mii lɛlɔ ɔsia kama aani kalɛ na ɔnantu ɔɔna.

Yakobo 5:11

Bɔɔlɔ-ma bekyuli bani lɛlɔ lɛ́yɔ-ma ka bénye lɛbibo biala kenye ɔsu. Bínu kalɛ na Hiob ɔ́kɛ kayi ku kalɛ na Katɔti ɔ́ƒɔ-nwu kayu na kawɔlɔkɔ. Ɔsika Blɔti ubo kaƒɔ buni na ɔɔnu kɔnyana.

Agba 16:16

Ɔdia geen si ukyuli ebo lɛnunda utulo ka akɛ sika ugyiedi. Na si ebo lɛlati lɛni mɔɔyá na ukyuli uunú ala kalɔ ni, ɔdia utulo sika ɔƒualadi.

Budie Taatina 3:18

Anwuɔsu mɔɔlɛ-mii kpakplaa nnii bibo na bibeye sika ugyiedi ɔni bábla kede kede na ogya kemmo na mina kudɔ na binwini balakɛne. Na bibeye adiƒuala ani na binyimi na bekyuli basɔ balanu bina kasɔngya ku kɔƒa. Na biye kuvo bɛkya anumi na bitaanu kaduɛ.

Timoteo 1 6:6

Nsu ni, si anumi eegyie ukyuli na Katɔti kama bɔsiaku kemmo na ala ani na ubo aaƒɔ́-nwu anu ni, uunwíni ɔlakɛne.

Batalane Kabla 5:41

Na ka bésela ni, kubiti kɔ́da-ma kaduɛ, ɔsika bánu ka Katɔti ɔ́ka-ma ɔ́kya bekyuli bani muubó abi ku kɔƒa na Yesu ɔsu.

Ala Alɛdi 2 25:9

Mmɔ na Amasia údie kenye na úye kenye udiene ɔmmɔ ɔnini, “Na dɛ na ndubo bɔbla asa na masɔ makɛ mina sika ɔƒualadi ɔni ƒui na líti lɛƒɔ kayu na Israelƒuɔ bekpone bammɔ lili?” Amu na Katɔti kenye udiene ɔmmɔ ɔ́su-nwu ɔnini, “Unwoti ɔdubɔkana na ɔsɔku sika ɔmmɔ ute-ɔ utulo ɔni na éti áƒɔ kayu kammɔ muedi.”

Yohane 1 3:1

Bɛnu kalɛ sɔɔn na Katɔti ɔɔyɔ́ abu bani mɔɔƒɔ́ Yesu taadi. Anwuɔsu na ɔɔlɔ-bu ɔnii nwuna bebi. Na búnwini Katɔti bebi sɔsɔ! Na lɛla lɛni ɔsu na kayawi bekyuli balánu-bu taati ndi ka baaagyi Katɔti.

Tesalonikaƒuɔ 2 2:16

Na buuvele kebunku taasiku Blɔti Yesu Kristo ku bula Unwoti Katɔti kudɔ ɔni mɔɔyɔ́-bu, na úti kayi buse ku lɛnunsia úte-bu ɔ́si nwuna lɛƒɔndia ɔsu.

Romaƒuɔ 6:23

Ɔsika likpidi lɛyuƒɔla ndi kukpi. Nsu Katɔti lɛƒɔndia lɛni na úte-bu ndi ngba bɔni naaadubo bɔsa kudii ɔkɛnku abu ku Kristo Yesu ɔni ndi Blɔti unwi bɔbla ɔsu.

Romaƒuɔ 5:3

Na lɛnɔ ni, lɛlɔ lɛɛyɔ́-bu si buubó abi, ɔsika bɔgyi ka lɛbibo lɛmɛni udu lɛɛyá na buunye kpakplaa.

Batalane Kabla 16:25

Amu na usientɛ uwi ɔni na Paulo ku Silas bakya baakpali katɔ na beedie lɛnu teete Katɔti ni, bani ntɛ ɔtɔ mmɔ bakya beenú.

Yohane 10:23

Na Yesu ɔkɛ uusié taavi na kakpakɔ kaduli mmɔ kesii kani baalɔ Salomo lɛgbanya.

Mateo 12:32

Na ukyuli ɔni ndubɔlɔ Ukyuli Ɔyawine Ubi anyikpi adi ni, Katɔti ɔdubuti ɔkyiɛ-nwu. Nsu uleti anyikpi ani na ukyuli ɔdi ɔdubɔlɔ Katɔti Kɔyu ulakyiɛ-nwu na ngba bɔmɛni kemmo iye bɔni ndububo kemmo lɛnɔ.

Mateo 6:33

Mmomu anumi egyie-mii na Katɔ Ɔga ala lɛlɔ na kalɛ na bɛbla lɛlɔ siin utulo. Na Katɔti wabla ala abambadi ƒui lɛnɔ wete-mii.

Budie Taatina 2:9

“Ngyi ka biibó abi na bɛɛyaki ala. Nsu geen ni, bibo ala ƒui. Ngyi enyekpi ani na bekyuli bani mɔɔlɔ lɛlɔ banii Yudaƒuɔ básu básiku-mii lɛlɔ. Nsu ni, baaasiaku Katɔti. Mmomu badi kasala kani ndi Satan badi.

Kɔgya 84:11

Ɔsika Unwoti Katɔti uukeye aani ɔƒɛ na anwu mɔɔgyumana-bu. Anwuɔsu na uute-bu kusɛ kusɛ na ɔɔbla-bu lɛƒɔndia na ɔɔyá na bɔɔƒɔ́ lɛnyi na ulaya na bekyuli bani nse siin baayaki lɛla lɛbuni lɛdi uwi ɔdi.

Yohane 1 2:25

Na ngba bɔni naaadubo bɔsa ndi kenye kani na Kristo úse úte-bu.

Mateo 13:8

Na edula ammɔ adi éwi kalɔ kabuni lɛlɔ na ánwu ebi. Adi ánwu ebi eti anyɔ. Adi lɛnɔ ánwu liti ku leevu, na adi lɛnɔ ánwu avlaatɛ.”

Batalane Kabla 14:22

Mmɔ na bákya baƒɔtaadine bani nkya mmɔ ɔkplu banii benye kpakplaa na bana bɔƒɔtaadi kemmo. Na básu-ma lɛnɔ banini, “Ɔlɛka bubo abi pii asa na bɔkɛ lɛlɔyɔ na Blɔti lɛga bɔdi kemmo.”

Timoteo 1 4:8

Ɔlɔna lɛlɔ ɔkplu ɔdia bɔdi, nsu kalɛ na baatɛya Katɔti etemila kama bɔsiaku bubo kɔsia butulo ƒui. Ɔsika uute-ɔ kɔsia na ngba bɔmɛni ku kekpima ngba lɛnɔ kemmo.