Marko 10:24 - Katɔti Ɔku Kedee

²⁴ Litemi lɛmɛni lɛ́bla nwuna batɛyane bamɛni kasusu dɛye dɛye. Nsu Yesu ɔ́sɔ ɔ́su-ma ɔnini, “Mina banamu, bɛnu kalɛ na ubo ɔkplu ute balakɛne ka bakɛ kuƒi na Katɔti lɛga kadikɔ!

Marko 10:24 Referans Kwoze

Agba 11:28

Si éti anu ásia ƒula egulabi lɛlɔ ni, adubo bɔyii udu! Nsu bekyuli babuni badubɔlɛ lili aani ketudi evete wɔwɔɔwɔ.

Budie Taatina 3:17

Bɛɛsu bɛnii, ‘Mbo ala na ɔdianku-mi, na mbo ala ani ƒui na mɔɔwia.’ Nsu bɛɛɛgyi bɛnii biisé lɛlɔ na bina lɛlɔ libo kɔnyana, na biiibo lɛla lɛdi, na anumi ábwɛ-mii, na bɛkɛ kasɔngya.

Timoteo 1 6:17

Su ama bani mbo kayawi ala pii anii batatalaku lɛlɔ katɔ na beteti bana anu batasia ala ani udu naaakana-ma bɔƒɔ lɛlɔ. Mmomu beti bana anu basia Katɔti lɛlɔ. Anwu muute-bu lɛla biala ku kaƒɔ ƒaa kalɛ na bɔkɛ lɛlɔyɔ.

Kɔgya 52:7

“Aanu lɛla lɛni nálɛku-ɔ ka éni anii alasia Unwoti anu na aakun lɛmɛnɛ na ƒula akɛla lɛlɔ na ákɛ ɔyikun elie aabla likpidi.”

Luka 16:14

Uwi ɔni na Ƒarisiƒuɔ bénu ala ani na Yesu ɔ́su ni, báma-nwu ɔsika baayɔ́ egulabi geen.

Agba 18:11

Balakɛne baanu bana lɛlakɛ aani kɔbi bonwu kɔni na ukyuli ɔdi ulakana bɔƒuaala. Baanu-ni aani kowodu kangyaa kɔni na kɔ́da ama ku bekyuli ntɛ na balakana-ma.

Kɔgya 62:10

Bitatɛya ɔdikplu iye bekyuli buyu taakɛ lɛkɛ. Si lɛkɛ lɛɛkɔ́-mii katɔ ni, biteti bina kayi bitasia ɔmmɔ lɛlɔ.

Yohane 1 2:1

Mina bebi bayɔne, muunweni ɔmɛni lite-mii kalɛ na bilabla ekpidi. Nsu si ɔdi ɔ́bla likpidi lɛdi ni, bubo ukyuli ɔni nnye-bu kenye uuvele Katɔti teete-bu. Na anwu ndi Yesu Kristo ɔni nse siin.

Yohane 13:33

“Mina bebi, uwi blii ɔdi kani nébu na lɛkya-mii kudɔ. Bɛdubo-mi bɔwia, nsu mɔɔsu-mii lɛla lɛni na lɛ́su Yudaƒuɔ benengu nnii, ‘Kesii kani na lísela ni, bilakana mmɔ bubo.’

Seƒania 1:18

Uwi ɔni na ami, Unwoti, ndubɔkɛ kɔnyi na mbada lɛlɛ-mii lɛlɔ mmɔ ni, bina sika ɔƒualadi ku sika ugyiedi ƒui muedi ulakana-mii bɔƒɔ na limeyi lɛmmɔ lɛlɔ. Ndubo kɔnyi bɔkɛ geen na libile ala aani kalɛ na ogya ɔɔda momoomo teekeyi lɛla biala ku bekyuli.”

Habakuk 2:9

“Bɔbuɛ ute-mii! Ɔsika amii nénye bekyuli lɛlɔ na bíƒie-ma ala bɛ́ƒɔ bɛ́bla lɛkɛ bíse bina bebi. Na bɛ́su ku bɔsu muedi bɛnini, ‘Ɔda bubo bɔdi buladi-bu lɛlɔ.’

Yeremia 9:23

Unwoti ɔnini, “Ɔdi biala utakun lɛmɛnɛ na nwuna lɛnunda iye ɔyikun iye lɛkɛ lɛlɔ.

Agba 23:5

Ɔsika lɛlakɛ lɛɛyii na ukyuli anumi, na lɛɛtɔlɔ aani kalɛ na aasɛ uuveyi taatɔlɔ!

Kɔgya 17:14

O Unwoti, ƒɔ-mi na bekyuli bekpidi bani kasusu ndi ka basala kayawi ala bese bete lɛlɔ mɛni enu kemmo. Awɔ muute bekyuli bani na aayɔ́ adila na baadi. Na bana bebi baakɛ́ taadi teemo. Bana bawɔ baakɛ́ ala teetulo kalɛ na baawia.

Yohane 1 5:21

Anwuɔsu, mina bebi bayɔne, bɛda lɛlɔ bidie lɛƒiɔkpa kemmo.

Yohane 1 4:4

Nsu amii bebi bayɔne ni, bɛ́si Katɔti kudɔ, na bɛ́ɛdi ɔkɔ kenye bediene bammɔ lɛlɔ. Ɔsika Kɔyu kɔni náƒɔ-mii lɛlɔ kemmo ni, kubo ɔyikun kutulo kɔyu kɔni nlie ama bani ndi kayawi badi mmɔ lɛlɔ.

Galatiƒuɔ 4:19

Mina bebi bayɔne, nsɔ muunú-mii lɛlɔ ɔlɛ aani uleku ɔni ntɛ kɔwɔ úti utédu uwi ɔni na manu ka Kristo udu ɔ́ƒɔ-mii lɛlɔ kemmo ƒui.

Yohane 21:5

Amu na ɔ́kpali-ma ɔnini, “Bakloƒu, bítedie kɔbɛ kɔdi?” Mmɔ na ama bédie kenye banii, “Oowo!”

Yohane 6:60

Ka nwuna basiakune pii bénu ɔmɛni ni, básu banii, “Litemi lɛmɛni kalɔ bunu bubo ɔkplu geen, énu! Ɔma ndubɔkana na use atu unu lɛmɛni?”

Mateo 19:25

Uwi ɔni na batɛyane bammɔ bénu ɔmɛni ni, ɔ́bla-ma dɛye dɛye. Anwuɔsu béye banii, “Amu si use lɛni ni, ɔma ndubɔkana na ɔkɛ ngba bɔni nsɔ naaadubo bɔsa kudii?”

Marko 1:27

Ɔ́bla bekyuli bani nnye ƒui yaa na béye lɛlɔ banii, “Bi litemi lɛdi mɛni? Bi bɔkpa bɔwɔdi udu na bɔmɛni bɔdi? Ukyuli ɔmɛni ubo ɔyikun ɔni na ɔɔtɛmi ku ayu ekpidi na eenú-nwu litemi!”

Marko 10:23

Yesu únwini ɔ́nu nwuna batɛyane ɔ́mana na ɔ́su-ma ɔnini, “Ubo ɔkplu geen asa na balakɛne badubɔkana na beduo Katɔti lɛga bɔdi kemmo.”