Marko 10:14 - Katɔti Ɔku Kedee

¹⁴ Ka Yesu ɔ́nu lɛni ni, úbeti kɔnyi na ɔ́su nwuna batɛyane ɔnini, “Bɛya na banamu bebo-mi kudɔ, na bitetile-ma kuƒi. Ɔsika Katɔti lɛga kadikɔ kese kete bekyuli bani néboku lɛlɔ kalɔ aani banamu wɛlɛ wɛlɛ bamɛni udu kalɛ.

Marko 10:14 Referans Kwoze

Mateo 19:14

Amu na Yesu ɔ́su batɛyane bammɔ ɔnini, “Bɛya na banamu bammɔ bebo-mi kudɔ na bitetile-ma kuƒi. Ɔsika Katɔti lɛga kadikɔ kese kete bekyuli bani néboku lɛlɔ kalɔ aani banamu bamɛni udu kalɛ.”

Mateo 18:10

“Bɛnu kaduɛ kalɛ na bilanu banamu wɛlɛ wɛlɛ bamɛni ɔdi bɛnii ɔɔɔdi lɛla lɛdi na bina akɔ. Ɔsika mɔɔsu-mii nwaa nnii bebo Katɔti batu bani nnye mina Ɔti anumi na katɔ uwi biala.

Mateo 18:4

Ukyuli ɔni náƒɔ kuye utulo ƒui na Katɔ Ɔga Ɔma ni, anwu ndi ukyuli ɔni néboku lɛlɔ kalɔ na únwini aani ɔnamu ɔmɛni udu.

Petro 1 2:2

Bɛya na anumi egyie-mii na Kɔyu kemmo etemila geen amɛni lɛlɔ aani kalɛ na ɔkaƒɔ ɔɔwia lɛnyi ntu. Ɔmmɔ ndubɔya na bɛlɛ lili bɛwɔlɔ kalɛ na Katɔti ɔɔwia.

Timoteo 2 3:15

Ka ɔ́si-ɔ lɛnamu uwi ni, áti Bunweni Kedee Ɔku kemmo etemila ani náya-a na áda anu na ebo ngba bɔƒɔ etemila ɔkɛ Kristo bɔƒɔtaadi lɛlɔ.

Budie Taatina 14:5

Likpidi lɛɛɛma bekyuli bamɛni lɛlɔ, na ɔkɔ lɛla lɛdi lɛɛɛda-ma.

Timoteo 2 1:5

Mɔɔkali taanu ƒula bɔƒɔtaadi kpakplaa bɔni na ebo. Bɔƒɔtaadi bɔmmɔ nákya ƒ'inieku Lois ku ƒ'ini Eunike alati kemmo. Lɛ́ƒɔ lɛ́di ka awɔ lɛnɔ ebo-mu.

Eƒesoƒuɔ 4:26

Si bíti kɔnyi ni, bitaya na bina kɔnyi kɔya na bɛbla likpidi. Na bitaya na ɔƒɛ ɔ́nu ɔkya-mii na bina kɔnyi kemmo.

Korintoƒuɔ 1 14:20

Banwa, bitabla lɛlɔ aani banamu na bina kasusu kemmo. Mmomu bɛbla lɛlɔ aani benengu si biiti kasusu. Nsu na likpidi lilu lɛlɔ ni, bɛbla lɛlɔ aani banamu.

Korintoƒuɔ 1 7:14

Ɔsika ɔgyani ɔni nátaƒɔ útadi mmɔ ni, Katɔti ɔdubɔbla-nwu kedee ɔkɛnku uleku ɔni náƒɔ ɔ́di mmɔ ɔsu. Na lɛni kani na Katɔti ɔdubɔbla uleku ɔni nátaƒɔ útadi mmɔ kedee na awɔ ɔnana ɔni náƒɔ ádi mmɔ ɔsu. Si ɔɔɔdi lɛni ni, bana bebi balabla kedee. Nsu kalɛ na use ni, Katɔti ɔɔbla bebi bamɛni kedee.

Romaƒuɔ 11:28

Yudaƒuɔ badi Katɔti bekisine, ɔsika bátaƒɔ litemi buni lɛmmɔ bátadi. Ɔmɛni ɔsu ni, amii bani naaadi Yudaƒuɔ bɛ́kɛ kenyekɔ. Nsu ka Katɔti ɔ́ƒuna-ma ɔsu ni, ɔɔyɔ́-ma na bana bati kuuku ɔsu.

Romaƒuɔ 11:16

Ɔsika si bodobodo kakɛ kedeedi kani na bábwɛ bákpa béte Katɔti use kedee ni, na bodobodo ɔkladi lɛnɔ use kedee. Na si kugyii kɔdi ugyiitu use kedee ni, na kugyii kɔmmɔ kɔgba lɛnɔ kuse kedee.

Batalane Kabla 3:25

Unwoti nényimi kenye kamɛni ku bina bati ɔkɛ nwuna kenye bediene lɛlɔ. Na amii ndi bunyimi bɔmɛni ala badine. Ɔ́su Abraham ɔnini, ‘Na ɔkɛ ƒula kaba kemmo na ndubute kayawi ƒui bekyuli kusɛ kusɛ.’

Batalane Kabla 2:39

Ɔsika linyese lɛmɛni lise lite amii ku bina bebi ku bani nási ɔgyu ku bekyuli bani ƒui na Katɔti walɔ weboku nwuna kudɔ.”

Marko 8:33

Nsu ka Yesu úbo únwini na ɔ́nu nwuna batɛyane ni, ɔ́dɔnku Petro ɔnini, “Satan, gyu lɛgba na mina kudɔ!” Ɔ́sɔ ɔ́su ɔnini, “Aláwia ala ani na Katɔti ɔɔwia, mmomu aawia bayawine ayɔla kani!”

Marko 3:5

Yesu únwini ɔ́nu bana ƒui na kɔnyi kemmo, ɔsika livo líƒi-nwu na bana ukyulikpana kebunku tete ɔsu. Amu na ɔ́su ɔlɛne ɔmɛni ɔnii, “Nene kɔnu boku.” Únene kɔnu. Na kɔnakunwi ni, nwuna kɔnu kɔ́ba-nwu.

Yesaia 65:23

Bana kabla kalayii udu na ɔlɛ ukpidi ɔdi uládu bana bebi mmomu ndubute bana bebi ku bawɔ lɛnɔ kusɛ kusɛ.

Kɔgya 78:4

Bɔɔɔdubo-nya buti bɔbɛla bana bebi. Mmomu bɔdubudie Katɔti ablala ani muukeye ku kalɛ na ubo ɔyikun keyi bute kaba kemmo bebi bani ndubo. Na bɔsu-ma akɔla ala budie taatina ani na ɔ́bla.

Lɛkpa Ulu 4:37

Ka ɔɔyɔ́ bina bati kuuku ɔsu ni, ɔ́ƒuna-mii ka binwini nwuna badi. Na anwu ɔlati úbo úbedie-mii ɔ́lɛku Egyipte kalɔ lɛlɔ ku nwuna ɔyikun bonwu.

Bumomo Bɔka 14:31

“ ‘Na bina bebi bani mmomu na bɛ́kya bɛɛsu bɛnii badubo-ma buƒie batɔlɔku mmɔ ni, ama na ndubo bɔkpanku na betélie kalɔ kani na amii bíni mmɔ lɛlɔ na badi-ka ebi bakɛ ebiti.

Ala Kalɔ Buse 17:7

Ndubɔlɛ bunyimi bɔmɛni ugyii. Na amu ndubɔkya ami ku-ɔ ntɛ ku ƒula bawɔ ku kaba bekyuli bani ƒui masia-a kama uwi ƒui. Na ami ndi ƒula Katɔti na madi ama lɛnɔ Katɔti.

Samuel 1 1:22

Nsu Hana anwu útasiaku-ma mmomu ɔ́su ɔgyani ɔnini, “Si ɔnamu ɔmmɔ úkulo lɛnyi ni, ndubuti-nwu lisienku Katɔti na ɔsɔ ɔkya mmɔ nwuna ngba bulie uwi ƒui.”

Samuel 1 1:11

Amu na ɔ́kpali ala úse kenye ɔnini, “O Unwoti Ɔyikune Ƒui, ƒula kabla ɔblane na ndi, nsu mina lɛlɔ libo kɔnyana. Taya na kɔnyana kɔdu-mi. Kɛ te-mi ubi ɔnanabi unwi pɛ na lɛwɔ. Na si énu-mi bɔkpali na ábla éte-mi lɛni ni, ndubɔsɔku ubi ɔmmɔ lite-ɔ kusɛ kusɛ nwuna ngba emeyi ƒui. Na ukyuli ɔdi ulékulo-nwu linwini kudii.”

Mateo 5:3

“Lɛlɔ litaayɔ bekyuli bani nánu báti ka Katɔti lɛti lɛlɔ na basia anu. Ama ndubuduo Katɔti Lɛga Kadikɔ.

Mateo 5:10

Lɛlɔ litaayɔ ama bani na bekyuli beekpóku ka belie siin na Katɔti anumi ɔsu. Ama ndubuduo Katɔti Lɛga Kadikɔ.

Yohane 3:3

Amu na Yesu údie kenye ɔnini, “Mɔɔsu-ɔ geen ka ni, si bátasɔku ukyuli bátawɔ ni, Katɔti ulakana lɛga bɔdi na nwuna kayi kemmo.”

Yohane 3:5

Amu na Yesu ɔ́su-nwu ɔnini, “Mɔɔsu-ɔ geen ka ni, si bátawɔ ukyuli bátalɛku ntu ku kɔyu kemmo ni, ulakana Katɔti lɛga kadikɔ mmɔ buduo.

Yosua 8:35

Na lɛla lɛdi lítebu na Mose ɔku ɔmmɔ kemmo ɔni na Yosua útaka. Na beleku ku banamu ku baƒɔ bani nkya-ma akɔ lɛnɔ bénu ɔdi.