Marko 1:35 - Katɔti Ɔku Kedee

³⁵ Ɔtanta tutuutu asa na kadi kadubɔda ni, Yesu ɔ́ta ɔ́lɛ kaduli mmɔ. Na ɔ́lɛ ɔma ɔmmɔ kemmo úsie kesii kani na ukyuli ɔdi biala uuude, na útákpali katɔ.

Marko 1:35 Referans Kwoze

Luka 6:12

Uwi ɔmmɔ kemmo ni, Yesu ɔ́tɔlɔ úsie kɔbi lɛlɔ. Na ɔkya ɔɔkpali katɔ usien ɔmmɔ ƒui.

Eƒesoƒuɔ 6:18

Na Katɔti Kɔyu kɔkya-mii lɛlɔ kemmo na bitaakpali katɔ uwi biala teevele Katɔti kebunku aani kalɛ na Kɔyu kɔmmɔ kɔ́tina-mii. Ɔmɛni ɔsu ni, binye kagyumana na enu ataƒɛ-mii. Na bitaakpali katɔ teete Katɔti bekyuli ƒui lili.

Luka 5:16

Nsu uwi ndi uwi ni, ɔɔlɛ́ teesie kesii kani nábɛ taatákpali katɔ.

Kɔgya 5:3

Mina Unwoti, ɔtanta tutuutu biala ni, mɔɔda mina etemila taava-a anumi na muuti mina lɛlɔ ku ala ani muuvele-ɔ taakya-a enu kemmo kalɛ na abla-nya ete-mi.

Hebriƒuɔ 5:7

Uwi ɔni na Yesu úlie ngba na kayawi kamɛni lɛlɔ ni, ɔ́kpali katɔ úvele Katɔti ɔni kani ndubɔkana na udie-nwu na kukpi kemmo ku kɔvanu momoomo ku imii. Na Katɔti únu-nwu bɔkpali, ɔsika úboku lɛlɔ kalɔ úte-nwu na ɔɔbu-nwu ɔsu.

Yohane 6:15

Na ka Yesu ɔ́nu ɔ́ti ka báyɔ ka beƒie-nwu ɔkplu bɔdi bese lɛga ɔsu ni, ɔ́sɔ ɔ́kpɛ ɔ́lɛ-ma akɔ úsie abi lɛlɔ anwu lɛti.

Mateo 14:23

Ɔmɛni kama ni, anwu lɛti ɔ́kɔ úsie kɔbi lili na útákpali katɔ. Na usien ɔmmɔ ƒui ni, anwu lɛti pɛ kani nkya mmɔ.

Ƒilipiƒuɔ 2:5

Bina kasusu ɔlɛka kabla kenwi ku Kristo Yesu kadi.

Yohane 4:34

Yesu ɔ́su-ma ɔnini, “Mina adila ndi ka lɛbla anwu ɔni nátala-mi lɛƒɔyɔ na lɛwɔlɔ kabla kani na úte-mi ka mbabla.

Kɔgya 109:4

Mɔɔyɔ́-ma ku kaƒɔ nwaa na mɔɔkpali katɔ na bana lili ina ka baláwia-mi kadia.

Mateo 14:13

Uwi ɔni na Yesu únu ka bádu Yohane ni, úti ɔkɔlɔ na ɔ́tɔlɔ úsie kesii kani nábɛ. Nsu ka bekyuli bénu kesii kani na ɔkya ni, bana pii bási bana lɛma kemmo bakɛ lɛgba bátasiaku-nwu na mmɔ.

Marko 1:36

Kama ni, Simon ku nwuna bakpana bésie bakya baawia Yesu.