33 Na ɔma ɔmmɔ bekyuli ƒui bébenye kayakun mmɔ baanu.
Lɛnwunameyi lɛni násia lɛmmɔ kama ni, kebu blii nka ɔma ɔmmɔ kemmo bekyuli ƒui bésie kasalakɔ mmɔ béténu Blɔti litemi lɛni na baasu.
Bekyuli pii bási Yudea kalɔ lɛlɔ ku bana ɔma unengudi ɔni baalɔ Yerusalem bésie ketele kamɛni kemmo béténu Yohane litemi. Bédie bana ekpidi kalɔ béte Katɔti, na Yohane ɔ́kpila-ma ntu na ketu kani baalɔ Yordan kemmo.
Yesu ku nwuna basiakune bamɛni bésie bétéduo ɔma ɔni baalɔ Kapernaum. Na lɛnwunameyi lɛni nébo na bana mmɔ busie kama ni, Yesu úsie bana kasalakɔ na úsie ɔkya ɔɔsu litemi buni.
Yesu ɔ́bwi bekyuli pii bani muuƒi lɛlɛ lidu lidu na ɔ́gya ayu ekpidi pii lɛnɔ ɔ́lɛku bekyuli bani na ayu ekpidi asiaku-ma lɛlɔ. Ka Yesu ɔgyi ɔnii ayu amɛni agyi ukyuli ɔni na ɔdi ɔsu ni, útatuna ka ayu ammɔ asu lɛla lɛdi asiku nwuna lɛlɔ.
