Marko 1:31 - Katɔti Ɔku Kedee

³¹ Anwuɔsu Yesu úsie útéduo-nwu kudɔ, na úƒie-nwu kɔnu ɔ́da na ɔ́tala-nwu únyene. Kɔnakunwi na nwuna ɔlɛ ɔ́da-nwu ɔ́ya, na ɔ́ta na úte-ma adila.

Marko 1:31 Referans Kwoze

Batalane Kabla 9:41

Amu na Petro úte-nwu kɔnu na anwu lɛnɔ úƒie-ku ɔ́da na ɔ́ta únye. Amu na Petro ɔ́sɔ ɔ́lɔ baƒɔtaadine ku bekpinele bammɔ ƒui úboku. Na úti-nwu ɔ́kya-ma lɛkɔkɔ.

Marko 5:41

Yesu úƒie-nwu kɔnu ɔ́da na ɔ́su-nwu ɔnini, “Talita Koumu.” Na nwuna kalɔ na lɛdi lɛmmɔ kemmo ndi ɔnii, “Ulekubi blii, mɔɔsu-ɔ nnii ta nye!”

Kɔgya 116:12

Bi na ndubɔkana na lite Unwoti na ala abuni ani ƒui na ɔ́bla úte-mi ɔsu?

Marko 15:41

Uwi ɔni na Yesu ɔ́kya Galilea ni, ama nátaasiaku-nwu na béteebunku-nwu. Beleku babambadi pii bani násiaku-nwu bébo Yerusalem lɛnɔ benye mmɔ.

Mateo 27:55

Amu na beleku pii bani nási Galilea na badi Yesu bebunkune bákya mmɔ. Na benye ɔgyu baanu ala ani nálɛ.

Marko 1:30

Ka bétéduo mmɔ ni, bekyuli badi básu Yesu ka Simon ulekudi uni uuƒi ɔtɛ ɔni na lɛlɔ lɛbi-nwu.

Marko 1:32

Ka useyi uwi údu ni, bekyuli béti balɛne pii ku bekyuli bani na ayu ekpidi asiaku-ma béboku Yesu banii ɔbwi-ma.